Мыекъопэ къэралыгъо технологическэ университетым инновационнэ гъэсэныгъэ проектэу «Фермерым иеджапIэ. Непэрэ уахътэм диштэрэ технологиехэу организациемэ яIэхэр ыкIи фермерскэ хъызмэтым шIуагъэ къытэу зещэгъэныр» зыфиIорэм ия 13-рэ едзыгъо щырагъэкIокIы. Проектыр зэрящыкIагъэр къаушыхьатыжьыгъах: ыпэкIэ щыIэгъэ егъэджэнхэр дэгъоу хъугъэх ыкIи мэкъумэщышIэмэ зэрашIогъэшIэгъоныр къэнэфагъ.

Мыекъопэ къэралыгъо технологическэ университетым егъэджэн IофшIэнымкIэ ипроректорэу Людмила Задорожнаям сэнаущыгъэ зыхэлъ студентхэр зэнэкъокъоу «Стипендие Iушыр. Профессионалитетыр» зыфиIорэм зэрэхигъэлэжьагъэхэм фэшI рэзэныгъэ тхылъ къыфагъэхьыгъ. Ащ кIэтхэжьыгъэх ПАО КБ «Центр-инвест» ыкIи ФЦК «ОиН ЮФО».

Лъытэныгъэ зыфэтшIырэ тиIофшIэгъухэр, кIэлэегъаджэхэр, научнэ IофышIэхэр ыкIи студентхэр!

Мэкъуогъум и 22-рэ — шъыгъом ыкIи шIэжьым я Маф, анахь тхьамыкIэгъошхо нэкIубгъоу тихэгъэгу ар иI. Мы мафэм, илъэс 85-кIэ узэкIэIэбэжьмэ, Хэгъэгу зэошхоу миллион пчъагъэхэмкIэ щэчыгъуаеу щытыгъэр, ти Родинэ ищыIэныгъэ гъогу зэблэзыхъугъэр къежьагъ.

Обществэу «ШIэныгъэм» игъэсэныгъэ лекциехэр шъолъыр форумэу «Урысыем илъэпкъ щынэгъончъагъэ непэрэ уахътэм гъэпсыгъэныр» зыфиIорэм ипрограммэ хэхьагъэх, ар МКъТУ-м ибазэ щыкIуагъ. ЗэIукIэгъухэу ШIэныгъэр.Къэралыгъом зэфищагъэх хабзэм, научнэ сообществэм, Адыгеим иныбжьыкIэхэм, джащ фэдэу общественнэ ыкIи дин организациехэм ялIыкIохэр.

Научнэ-гъэсэныгъэ консорциумэу «Вернадскэр — Адыгэ Республикэр» зыфиIорэм игъогу картэ елъытыгъэ Iофтхьабзэхэу агъэцакIэхэрэм къадыхэлъытагъэу М.В. Ломоносовым ыцIэ зыхьырэ МКъУ-м почвоведением ифакультет физикэм ыкIи чIыгум имелиорацие икафедрэу хэтым иIофышIэхэмрэ МКъТУ-м мэкъу-мэщымкIэ и Научнэ-ушэтэкIо институт щылажьэхэрэмрэ зэгъусэхэу зичэзыу шъоф ушэтынхэр акIугъэх, ахэр пестицидхэр зэрэхалъхьэрэм иэкологическэ щынэгъончъагъэ фэгъэхьыгъагъэх.

Мыекъопэ къэралыгъо технологическэ университетым щыкIогъэ зэхэсыгъор научнэ сэнэхьатэу 3.4.2 «Фармацевтическэ химиер, фармакогнозиер» зыфиIорэм феджэгъэ аспирантмэ яапэрэ чIэтIупщыгъо изэфэхьысыжь аттестацие фэгъэхьыгъагъ.

Урысые Федерацием и Президент и Администрацие и Апэрэ гуадзэ и Рэзэныгъэ тхылъ Мыекъопэ къэралыгъо технологическэ университетым ныбжьыкIэ политикэмкIэ ыкIи гъэсэкIо IофшIэнымкIэ ипроректорэу БрантIэ Муратэ къыфагъэшъошагъ. Рэзэныгъэ тхылъыр Адыгэ Республикэм и ЛIышъхьэу КъумпIыл Муратэ ащ къыритыжьыгъ.

Экономикэ шIэныгъэхэмкIэ кандидатэу, МКъТУ-м автомобильнэ транспортым икафедрэу иIэм идоцентэу Инна Ахуновар апшъэрэ гъэсэныгъэм икIэлэегъаджэхэм я Урысые форумэу «Академическэ сообществэр» зыфиIорэм ишъолъыр сессие хэлэжьагъ, ар Волгоградскэ къэралыгъо университетым щыкIуагъ.

Мыекъопэ къэралыгъо технологическэ университетым истудентхэу лъэныкъоу «Рекламэмрэ зэпхыныгъэ общественностым дыряIэгъэнымрэ» ыкIи «Экономикэмрэ» афеджэхэрэр Дунэе зэнэкъокъоу «Иммерсивнэ турхэр, экскурсиехэр, event-Iофтхьабзэхэр» зыфиIорэм хэлэжьагъэх, ар Омскэ къэралыгъо техническэ университетым экономикэм, сервисым ыкIи гъэIорышIэным яфакультетэу хэтым щырагъэкIокIыгъ.

Непэ Мыекъопэ гупчэм Урысыем и Мафэ фэгъэхьыгъэ торжественнэ Iофтхьабзэр щыкIуагъ. МэфэкIым тикъэралыгъо щыпсэурэ цIыф миллион пчъагъэу зи Хэгъэгу шIу зылъэгъухэрэр зэрипхыгъэх.

МКъТУ-м илечебнэ факультет истудентхэу Виктория Чернобай ык1и Роман Гореловыр Петербургскэ дунэе экономическэ форумэу 2026-м хэлэжьагъэх, анахь хъугъэ-шIэгъэ инэу ыкIи нахь мэхьанэшхо зиIэу дунаим щалъытэрэм.

Апэрэ Московскэ къэралыгъо медицинскэ университетэу И. М. Сеченовым ыцIэ зыхьырэм, ижъырэ медицинскэ апшъэрэ еджапIэу Урысыем итым, медицинэ гъэсэныгъэмкIэ хэгъэгум игупчэ пэрытмэ ащыщым, IэкIыб студент-медикхэр зыхэлэжьэгъэхэ Урысые форумэу «MEDUNITY RUSSIA» зыфиIорэр щыкIуагъ.

Дунэе научнэ-практическэ конференцием изэфэхьысыжьхэр Волгоград щашIыгъэх, ар инновационнэ мэкъумэщ-гъомлэпхъэ технологиехэм афэгъэхьыгъагъ. Мыекъопэ къэралыгъо технологическэ университетым ипроект анахь дэгъоу ежь икатегорие къыщыхагъэщыгъ — студентэу Мыгу Батырбый къыугупшысыгъэр (ТОП-11) къуаеу «Адыгейскэр» сублимированнэ гъомлэпхъэ кIышъо зиIэр», ащ Урысые къэгъэлъэгъон-зэнэкъокъум дышъэ медальрэ а I-рэ шъуашэ зиIэ дипломымрэ къыфагъэшъошагъэх.

Непэ Мыекъопэ къэралыгъо технологическэ университетым къэралыгъо ыкIи муниципальнэ къулыкъушIэхэм яIэпэIэсэныгъэ хэгъэхъогъэным фэгъэхьыгъэ профессиональнэ программэр къыщызэIуахыгъ, ащ гъэсэныгъэ модуль 12 хэхьэ. Программэр курсэу «Лъэпкъ зыкIыныгъэр: къэралыгъо политикэм ылъапсэхэр ыкIи урысые зэфэдэныгъэм игъэпытэнкIэ практикэр» зыфиIорэмкIэ рагъэжьагъ.

Мыекъопэ къэралыгъо технологическэ университетым лъэныкъоу «Ландшафтнэ архитектурэм» щеджэрэ студентхэр ландшафтнэ архитектурэм иобъектхэр макетирование шIыгъэнхэмкIэ Урысые зэнэкъокъум дэгъоу зыкъыщагъэлъэгъуагъ.

Мэкъу-мэщымкIэ научнэ-ушэтэкIо институтэу Мыекъопэ къэралыгъо технологическэ университетым хахьэрэм имашинотракторнэ парк непэрэ уахътэм диштэрэ зичэзыу мэкъу-мэщ техникакIэкIэ агъэбаигъ. Институтым инаучнэ-производственнэ базэ иамалыкIэхэм МКъТУ-м иректорэу Къуижъ Саидэ нэIуасэ зафишIыгъ.

Мыекъопэ къэралыгъо технологическэ университетым Урысые чемпионатнэ движениеу «Профессионалхэмрэ» (СПО) ыкIи «НыбжьыкIэ профессионалхэмрэ» (ВО) зэIукIэгъухэр адыриIагъ.

Тыкъэзыуцухьэрэ дунаим ыкIи экологым я Мафэ тефэу МКъТУ-м иэкологическэ факультет икIэлэегъаджэмэ Iэнэ хъураеу «Пыдзафэхэр гъэIорышIэгъэнхэмкIэ системэр гъэкIэжьыгъэныр ыкIи зэ нахьыбэрэ амыгъэфедэрэ пластикэр нахь макIэ шIыгъэныр» зыфиIорэр зэхащагъ.

Мыекъопэ къэралыгъо технологическэ университетым сэнэхьатхэм якъыхэхынхэм афытегъэпсыхьэгъэ Iофтхьабзэхэу «Сэнэхьатхэм яхэгъэгу» зыфиIохэрэр щырагъэжьагъэх, ублэпIэ еджапIэмэ ащеджэхэу Мыекъуапэ игъэсэныгъэ организациехэм ягъэмэфэ зыгъэпсэфыпIэ лагермэ ащыIэхэмэ афэгъэхьыгъэх.