Непэ Урысые обществэу «ШIэныгъэм» илекторэу, къэбар щынэгъончъэным ыкIи прикладной информатикэм икафедрэ ипащэу Цундышк Вячеслав Мыекъуапэ дэт гурыт еджапIэу №10-м икIэлэеджакIохэм гъэсэныгъэ лекцие къафеджагъ, ащ темэу иIагъэр «Искусственнэ интеллектыр, пилот зэрымыс системэхэр ыкIи киберщынэгъончъэныр».

Мыекъопэ къэралыгъо технологическэ университетым урысые наукэм и Мафэ игъэкIотыгъэу щыхагъэунэфыкIыгъ, ащ хэлэжьагъэх кIэлэегъаджэхэр, студентхэр, шIэныгъэлэжьхэр, хьакIэхэр. Мэфэ заулэхэм къакIоцI Iофтхьабзэхэр рагъэкIокIыгъэх, а уахътэм шIэныгъэ ушэтынхэм защагъэгъозагъ, опытэу аIэкIэлъхэмкIэ зэхъожьыгъэх, интерактивнэ Iофыгъо зэфэшъхьафхэм ахэлэжьагъэх.

Непэ Мыекъопэ къэралыгъо технологическэ университетым лекцие къыщеджагъэх, ащ темэу иIагъэр: «Узгъэщынэрэ къэбархэр: кибербуллинг», ар ныбжьыкIэ IофхэмкIэ Адыгэ Республикэм и Комитет зэхищагъ.

Мыекъопэ къэралыгъо технологическэ университетым икIэлэегъаджэхэр ыкIи истудентхэр адыгэ бзылъфыгъэмэ я ЯтIонэрэ зэфэс чанэу хэлэжьагъэх, ар къуаджэу Гъобэкъуае щыкIуагъ.

Урысые наукэм и Мафэ фэгъэхьыгъэ торжественнэ зэхахьэм Адыгэ Республикэм и Къэралыгъо Совет-Хасэ итхьаматэу Владимир Нарожнэр хэлэжьагъ ыкIи Мыекъопэ къэралыгъо технологическэ университетым иректорэу Къуижъ Саидэ наукэмрэ гъэсэныгъэмрэ иIахь зэрахилъхьагъэм афэшI Рэзэныгъэ тхылъэу къыфагъэшъошагъэр къыритыжьыгъ.

Мы мафэхэм Мыекъопэ къэралыгъо технологическэ университетым истудентхэр Урысые общественнэ организациеу «Деловая Россия» зыфиIорэм и Адыгэ шъолъыр къутамэ ипащэу Татьяна Мамонтовам зэрэригъэблэгъагъэхэм тетэу псауныгъэр зыщызэтырагъэуцожьырэ унэу «Лэгъо-Накъэ» илIыкIохэм аIукIагъэх. Ар опытымкIэ зыщызэхъожьыхэрэ Проектым къыдыхэлъытагъэу зэхащагъ.

Урысые наукэм и Мафэ ыкIи Хэгъэгу зэошхом зыщытекIуагъэхэр илъэс 80 зэрэхъурэм афэгъэхьыгъэу МКъТУ-м и Научнэ тхылъеджапIэ гъэсэныгъэ акциеу «ШIэныгъэр ТекIоныгъэм ыцIэкIэ» зыфиIорэр щыкIуагъ.

«Мы мэфэкIыр – блэкIыгъэм щыдгъэхъагъэхэр тыгу къызщыкIыжьрэ мэфэ къодыеп, ар непэ дгъэпсырэмэ къапкъырыкIырэ неущым тыхэзыгъаплъэрэ уахът.

Непэ Мыекъопэ къэралыгъо технологическэ университетым торжественнэ зэхахьэ щыкIуагъ, ар урысые наукэм и Мафэ фэгъэхьыгъагъ. Университетым ишIэныгъэлэжь пэрытхэр, ныбжьыкIэ ушэтакIохэр, студентхэр ыкIи хьакIэхэр Iофтхьабзэм хэлэжьагъэх.

Непэ Мыекъопэ къэралыгъо технологическэ университетым и Дзэ егъэджэн гупчэ иплац торжественнэу дзэкIолIхэр къыщагъэуцугъэх, ар гупчэр зыщыIэр илъэс зэрэхъугъэм ыкIи удостоверениехэр курсантхэм ятыгъэнхэм афэгъэхьыгъагъ. Мы хъугъэ-шIагъэр Дзэ егъэджэн гупчэм итарихъкIэ апэрэ фэдэ Iофтхьабзэу ыкIи курсантхэм ацIэ къагъэшъыпкъэжьынымкIэ хабзэм икъежьапIэу щыт.

Мыекъопэ къэралыгъо технологическэ университетым и Научнэ тхылъеджапIэ литературнэ-художественнэ лекциеу «Заом илIыхъужъ ныбжьыкIэхэр» зыфиIорэр щыкIуагъ.

Адэбз узхэм якъыхэгъэщын афэгъэхьыгъэ тхьамафэм къыдыхэлъытагъэу Мыекъопэ къэралыгъо технологическэ университетым хэхьэрэ Политехническэ колледжым истудентхэр Iофтхьабзэу адзэбзым ебэныгъэным фэгъэхьыгъэм хэлэжьагъэх, ар Адыгэ республикэ ныбжьыкIэ тхылъеджапIэм зэхищагъ.

Мыекъопэ къэралыгъо технологическэ университетым хэхьэрэ Политехническэ колледжым Iофтхьабзэ щызэхащагъ, ащ кIэлэеджакIохэу Евгений Шварцым ыцIэ зыхьырэ Гимназиеу №5-м щеджэхэрэр хэлэжьагъэх, Федеральнэ проектэу  «Профессионалитет» зыфиIорэм къыдыхэлъытагъэу ар рагъэкIокIыгъ.

Гъэсэныгъэ IофшIэныр МКъТУ-м икъутамэу поселкэу Яблоновскэм дэтым щылъыгъэкIотэгъэным фытегъэпсыхьэгъэ лицензие Мыекъопэ къэралыгъо технологическэ университетым къыратыгъ, лъэныкъуакIэхэри къызэIуихыгъэх.

Мыекъопэ къэралыгъо технологическэ университетым сэнэхьатхэм якъыхэхын афэгъэхьыгъэ дэкIыгъо Iофтхьабзэу «Гъэхъагъэхэм ягъунапкъэхэр: МКъТУ-м уригъусэу уинеущрэ картэ гъогур зэхэгъэуцу» зыфиIоу ригъэкIокIыхэрэм апидзэжьыгъ, ащ хагъэлажьэх Адыгэ Республикэм ыкIи Краснодар краим якIэлэеджакIохэр.

Мы мафэхэм Мыекъопэ къэралыгъо технологическэ университетым сэнэхьатым икъыхэхын фэгъэхьыгъэ Iофтхьабзэу «Зы мафэ хэхыгъэкIэ МКъТУ-м имедицинскэ институт илечебнэ факультет истудентэу орэхъу!» зыфиIорэр щыкIуагъ. Ар афызахащагъ Евгений Шварц ыцIэ зыхьырэ Мыекъопэ гимназиеу №5-м икIэлэеджакIохэм.

Социальнэ фэIо-фашIэхэр зыгъэцакIэрэ комплекснэ гупчэу Мыекъуапэ дэтым щагъасэхэрэр стол кIыIу джэгукIэу «ЭкоАктивисты» зыфиIорэм хэлэжьагъэх. А джэгукIэр къэзыугупшысыгъэр Мыекъопэ къэралыгъо технологическэ университетым экологиемкIэ ифакультет истудентхэр ары.

Мыекъопэ къэралыгъо технологическэ университетым ипрофессорэу, социальнэ технологиехэм ыкIи шъолъыр (муниципальнэ) гъэIорышIэкIо практикэм и Академие итхьаматэу Азащыкъ Геннадий гуманитарнэ лъэныкъом ыкIи ныбжьыкIэхэр патриотизмэм фэпIугъэнхэм афэгъэхьыгъэ Iофтхьабзэхэм чанэу ахэлажьэ. Ащ научнэ IофшIэнымрэ республикэм иветеранхэм я Совет илъыхъокIо отрядэу «ШIэжь» зыфиIорэмрэ зэфэдэу адэлэжьэн елъэкIы, «Дзэ зэкъошныгъ» зыцIэ Iофыри зэрегъэзафэ, партизанскэ лъэсгъогухэр арегъэлъэгъу, экскурсиехэр ащызэхещэх, ахэм адакIоу гуманитарнэ IэпыIэгъур заор зыщыкIорэ чIыпIэхэм анегъэсы.

Мыекъопэ къэралыгъо технологическэ университетым иректорэу Къуижъ Саидэ рэзэныгъэ тхылъ къыфагъахьыгъ. ХэушъхьаыкIыгъэ дзэ операцием илIыхъужъхэм апшъэрэ гъэсэныгъэ зэрагъэгъотын амал университетым зэрэщаратырэм ыкIи физическэ культурэмрэ спортымрэкIэ социальнэу щыIэныгъэм зэрэхагъэгъозэжьхэрэм афэшI рэзэныгъэ тхылъыр ректорым къызкIыфагъахьыгъэр, ащ кIэтхэжьыгъэх Г.В. Плехановым ыцIэ зыхьырэ РЭУ-м ипроректорэу Виталий Минашкинымрэ спортым хэхъоныгъэ егъэшIыгъэным фэIорышIэрэ ШIушIэ фондэу «Шапхъэм ит» зыфиIорэм ипрезидентэу Сергей Карамазинымрэ.

Мыекъопэ къэралыгъо технологическэ университетым и Политехническэ колледж истудентхэр хэлэжьагъэх торжественнэ зэхахьэу Мыекъуапэ ыкIи Адыгэ Республикэр нэмыц-фашист техакIомэ къазэрэтырахыжьыгъэр илъэс 82-рэ зэрэхъурэм фэгъэхьыгъагъэм.