Мыекъопэ къэралыгъо технологическэ университетым акушерствэм ыкIи гинекологием якафедрэу иIэм ипащэу Виктория Попандопуло къэралыгъо демографическэ ыкIи унэгъо политикэм игъэцэкIэнкIэ Советэу Урысые Федерацием и Президент дэжь щыIэм цIыфхэм ярепродуктивнэ псауныгъэ икъэухъумэнкIэ купэу щызэхащагъэм хэхьагъ.

ГъэпцIэгъэ схемэр таущтэу къэпшIэщта, сыдэущтэу щынэгъончъэу непэрэ уахътэм къыдэкIогъэ банковскэ сервисхэр къызфэбгъэфедэщтха, экономическэ Iофыгъохэр зэхэпфыщтха? А упчIэхэм ыкIи нэмыкIыбэхэм ащытегущыIагъэх пенсионнэ ныбжь зиIэхэр финансхэм афэгъэсэгъэнхэмкIэ Урысые чемпионатым ия V-рэ шъолъыр едзыгъом.

НаукэмкIэ улъыкIотэныр сыдым къыщежьэра? Апэрэ статьяр ара? Магистратурэр? Грантыр? Адэ сыда пшIэщтыр гукъэкIыр уиIэу, ау ащ игъусэу джэнджэшхэр къакIохэмэ, къыбдэмыхъунэу къыпщэхъумэ?

ЗэдэгущыIэгъу къызэрыкIокIэ къежьагъэу, ау узыгъэIорышIэрэр, сыдэущтэу къэпшIэщта? Сыда умышIэрэ цIыфым ошIэ-дэмышIэу цыхьэ зыфыуигъэшIыра? Сыд фэдэ чIыпIэр ара щынагъор ащ къызыкIэлъыкIорэр?

Мыекъопэ къэралыгъо технологическэ университетым инаучнэ-кIэлэегъэджэ IофышIэхэр рагъэблэгъагъэх ООО «МПК Пивоваренный завод Майкопский» зыфиIорэм иэкспертнэ совет хагъэхьанхэу.

Гъогууанэу километри 6 хъурэр, Iуашъхьэ дэкIоенэу метрэ 300-р, ащ лъыпытэу чIыопс ыкIи тарихъ чIыпIэ заулэ — джарэущтэу зекIоным ыкIи хьакIэегъэблэгъэным ииндустрие фэгъэхьыгъэ семинарэу специалист хъущтхэм апае зэхащагъэр кIуагъэ.

Врач хъущтым дэгъоу алгоритмэхэр ышIэнхэ ыкIи ахэр практикэм щигъэфедэшъунхэ фае. Анахьэу щыIэныгъэр такъикъкIэ къызщалъытэрэм нэсыгъэхэ зыхъурэм.

Мыекъопэ къэралыгъо технологическэ университетым иIофышIэхэу профессиональнэ ухьазырыныгъэм ишъолъыр программэу «Къэралыгъо ыкIи муниципальнэ гъэIорышIэныр. Адыгеим и ЛIыхъужъхэр» зыфиIорэм зиIахь хэзылъхьагъэхэр Адыгэ Республикэм и Къэралыгъо Совет-Хасэм ирэзэныгъэ тхылъхэмкIэ къыхагъэщыгъэх.

Мыекъопэ къэралыгъо технологическэ университетым Урысые научнэ конференциеу «Урысыем ыкIи пэмычыжьэ къэралыгъохэм къэкIырэмэ алъыплъэрэ сообществэхэу ащыIэхэм япхыгъэ классификациехэм ятеоретическэ упчIэхэр» зыфиIоу дунэе шъуашэ зиIэу щыкIуагъэр непэ зэфашIыжьыгъ.

МКъТУ-м иэкологическэ факультет щеджэрэ студентмэ апае научнэ-зэлъашIэрэ Iофтхьабзэу «ЧIыопсым зэхъокIыныгъэу фэхъухэрэр…» зыфиIорэр зэхащагъ, ар бжыхьэ чэщ-мэфэ зэфэдизыр зыщыхъурэм тефэу рагъэкIокIы.

Лъэпкъ шъуашэм лъэпкъ тарихъыр къыIотэн ылъэкIыщта? Непэрэ уахътэм диштэрэ дизайнерым гукъыдэчъ ригъэшIыщта ыкIи я XXI-рэ лIэшIэгъум имодэ щыщ Iахьэу хъушъущта? А упчIэхэр къыщаIэтыгъэх Мыекъопэ къэралыгъо технологическэ университетым щыкIогъэ Iэнэ хъураеу «Лъэпкъ шъуашэм ихудожественнэ шъуашэхэр: непэрэ уахътэм культурэм чIыпIэу щиубытрэр» зыфиIорэм.

Урысые Федерацием и Къэралыгъо реестрэ патентэу «Пектин зыхэлъ гидрофильнэ суппозиториехэр къыхэгъэщыгъэнхэр» зыфиIорэр щатхыгъ, ар Мыекъопэ къэралыгъо технологическэ университетым ишIэныгъэлэжьхэм къаугупшысыгъ.

Мыекъопэ къэралыгъо технологическэ университетым мэхьанэ зиIэ  хъугъэ-шIагъэ щыкIуагъ — зыкIыныгъэ Iофыгъохэм я Урысые мафэ, ащ программэу «Къулыкъу ахьызэ егъэджэгъэнхэм» ияплIэнэрэ едзыгъо къыщызэIуахыгъ. Iофтхьабзэм девизэу «ШIушIагъэр щыIэныгъэм иIахь» зыцIэр иIагъ, урысые гукъэкI инэу ныбжьыкIэхэр гуфэкIо ыкIи общественнэ Iофхэм ахэщэгъэнхэм и зы Iахьэу хъугъэ.

Апшъэрэ еджапIэмэ янаучнэ зэдэлэжьэныгъэ къыдыхэлъытагъэу техническэ шIэныгъэхэмкIэ докторэу, профессорэу Хьаткъо Зуретрэ инженернэ технологиехэмкIэ Воронежскэ къэралыгъо университетым Iоф щызышIэхэрэмрэ зэгъусэхэу патентитIу Урысые Федерацием къыщыдахыгъ, гъомлэпхъэ технологиехэм ар афэгъэхьыгъ.

Урысые Федерацием и Къэралыгъо реестрэ патентэу «Печеньер зэрашIырэ шIыкIэр» зыфиIорэр щатхыгъ, ар Мыекъопэ къэралыгъо технологическэ университетым ишIэныгъэлэжьмэ къаугупшысыгъ.

БизнесыкIэм пае нэбгырэ 181-рэ ыкIи проект 30-рэ хэлажьэ — МКъТУ-м предпринимательскэ амалхэмкIэ тренингхэр щызэфашIыжьыгъэх. Тренингхэм ахэлэжьэгъэ студентмэ гукъэкIым къыщыублагъэу зэIухыгъэ лъэтегъэуцохэм анэсырэ гъогур къакIугъ ыкIи езгъэжьэгъэкIэ технологическэ предпринимательхэм язекIокIэ-шIыкIэхэр зэрагъэшIагъ.

«Къалэу узщыпсэурэр къэухъум» — джащ фэдэ шъхьэ иIэу Мыекъопэ къэралыгъо технологическэ университетым икIэлэегъаджэхэм ыкIи истудентхэм апае Iэнэ хъурае Адыгэ Республикэм и Лъэпкъ тхылъеджапIэ щызэхащагъ.

Сыдэущтэу къэпшIэщт зы гъомлапхъэр адрэм зэрэтекIырэр? Ащ иIэшIугъэ, мэу пихырэр, итекстурэ сыдэущтэу къипIотыкIыщтых? Шапхъэмэ атефэмэ таущтэу бгъэунэфыщт? Мэфитфым къыкIоцI а упчIэмэ яджэуапхэм щалъыхъугъэх яIэпэIэсэныгъэ зыщыхагъэхъорэ программэу «Органолептический (сенсорный) анализ в контроле качества продовольственного сырья и пищевых продуктов» зыфиIорэм хэлажьэхэрэр.

Террористическэ щынагъо щыIэ хъугъэмэ, сыда пшIэщтыр? ПэшIорыгъэшъ IофшIэныр сыдэущтэу зэхэпщэщта ыкIи объектым щыIэ цIыфмэ ящынэгъончъагъэ улъыплъэщта? А упчIэмэ яджэуапхэр къэралыгъо ыкIи муниципальнэ къулыкъушIэмэ практическэ семинарэу «Щынэгъончъэным Iоф ешIэ: IофшIакIохэм язекIокIэ зэкIэлъыкIуакIэр» зыфиIорэм щызэхафыгъ, ар МКъТУ-м щыкIуагъ.

Непэ Мыекъопэ къэралыгъо технологическэ университетым технологическэ предпринимательствэу «ИнноВекторым» иакселератор едзыгъуакIэ щатIупщыгъ.