Мыекъопэ къэралыгъо технологическэ университетым спортивнэ зэнэкъокъу заулэ щыкIуагъ, ахэр ТекIоныгъэм и Мафэ фэгъэхьыгъагъэх. Зэфэхьысыжьхэм текIоныгъэ къыдэзыхыгъэхэр ыкIи чIыпIэхэр къыгъэнэфагъэх.

Студенческэ гукъэкIхэу ыкIи проектхэу агропромышленнэ комплексэу «Аграрий» зыфиIорэм ылъэныкъокIэ зэхащагъэ Урысые зэнэкъокъум зэфэхьысыжьхэр фашIыгъэх, ар гурыт профессиональнэ гъэсэныгъэм елъытыгъэу зэхащэгъагъ. Урысые Федерацием гъэсэныгъэмкIэ и Министерствэ иофициальнэ перечень Iофтхьабзэр хэтхагъэу щыт.

Мыекъопэ къэралыгъо технологическэ университетым шIэныгъэлэжьмэ ясовет изэхэсыгъо щыкIуагъ, ар зэрищагъ ректорэу Къуижъ Саидэ.

МашIом зыщыухъумэгъэным и Мафэ ехъулIэу Мыекъопэ къэралыгъо технологическэ университетым иэкологическэ факультет щеджэрэмэ гъэсэныгъэ Iофтхьабзэ зэхащагъ, зипсауныгъэ зэщыкъуагъэ сабыймэ экскурсие адырагъэкIокIыгъ.

Тхьамафэм къык1оц1 Мыекъопэ къэралыгъо технологическэ университетым Урысые ш1эныгъэ-практическэ конференциеу «Студенческэ ш1эныгъэр – ныбжьык1эхэм яеплъык1» зыфи1оу, ш1эныгъэ лъэныкъо зэфэшъхьафхэмк1э студентхэр, магистрантхэр, аспирантхэр ык1и к1элэегъаджэхэр зэзыпхыгъэхэр щы1агъ.

Мыекъопэ къэралыгъо технологическэ университетым сэнэхьат къыхэхыным фэгъэхьыгъэ Iофтхьабзэр щыкIуагъ, «Магистерскэ программэмэ я Мафэ — 2026-рэ» ащ зэреджагъэхэр, бакалавриатымрэ специалитетымрэ къычIитIупщыхэрэр ащ зэрипхыгъэх.

Республикэ бизнес-инкубаторым ипащэ ипшъэрылъхэр зыгъэцакIэрэ Хьасанэ Махьмудэ зэрезэгъыгъэхэм елъытыгъэу проектэу «Агроклассхэр» зыфиIорэм хэлажьэрэмэ апае дэкIыгъо экскурсие зэхащэгъагъ, производственнэ шъолъырыр арагъэлъэгъугъ.

МКъТУ-м и ВСКС командэ Урысые зэнэкъокъоу «Человеческий фактор. Студенческая лига» зыфиIорэм ишъолъыр едзыгъо гъэнэфэгъэ чIыпIэ щиубытыгъ. Зэнэкъокъур Урысыем и МЧС игъэIорышIэкIо ШъхьаIэу Ростов хэкум щыIэм щыкIуагъ.

Адыгэ Республикэм я X-рэ шъолъыр чемпионатэу сэкъатныгъэ зиIэхэмрэ зипсауныгъэ зэщыкъуагъэхэмрэ зыхэлажьэхэрэ профессиональнэ IэпэIэсэныгъэмкIэ зэхащэрэр щызэфашIыжьыгъ.

Экономикэмрэ гъэIорышIэнымрэ яфакультет ия 2-рэ курс ис студентхэу лъэныкъоу «Къэралыгъо ыкIи муниципальнэ гъэIорышIэным» феджэхэрэр социальнэ гукъэкIмэ язэхэгъэуцон чанэу фежьагъэх. Егъэджэн дисциплинэу «Общественнэ проектэу «Къулыкъу ахьызэ егъэджэгъэнхэр» зыфиIорэм къыдыхэлъытагъэу Iофыр агъэцакIэ, ахэмэ академическэ егъэджэныр къыдалъытэ, общественнэ пшъэрылъхэр зэшIуахых.

Мыекъопэ къэралыгъо технологическэ университетым торжественнэ шIыкIэм тетэу «НыбжьыкIэ профессионалхэр» зыфиIорэ я X-рэ ЗэIухыгъэ апшъэрэ еджэпIэ чемпионатым иапэрэ едзыгъо щызэфашIыжьыгъ.

МКъТУ-м ифармацевтическэ факультет и команда я VI-рэ Дунэе студенческэ фестивалэу «GxP fest — 2026” зыфиIорэм хэлэжьагъ.

Непэ Мыекъопэ къэралыгъо технологическэ университетым пчъэ зэIухыгъэхэм я Мафэ игъэкIотыгъэу щыкIуагъ. Ащ кIэлэеджакIохэу, колледжмэ ястудентхэу, ны-тыхэу нэбгырэ 500-м ехъу зэрипхыгъэх. Зисэнэхьат къыхэзыхырэхэмкIэ университетыр узыфэзыщэрэ чIыпIэу хъугъэ.

Сэнэхьат IэпэIэсэныгъэм фытегъэпсыхьэгъэ шъолъыр программэу «Шъолъыр ыкIи муниципальнэ гъэIорышIэныр. Адыгеим и ЛIыхъужъхэр» зыфиIорэм иящэнэрэ модуль игъэцэкIэн Мыекъопэ къэралыгъо технологическэ университетым щылъагъэкIуатэ. Программэм теорием епхыгъэ егъэджэным, дэкIыгъо Iофтхьабзэхэм язэхэщэн, къэралыгъо ыкIи муниципальнэ гъэIорышIэным исистемэ зыфэдэр къагурыIоным афэгъэхьыгъэ лъэныкъохэр къыдыхэлъытагъэх.

Агропромышленнэ комплексым ылъэныкъокIэ зэхащэрэ Урысые зэнэкъокъоу «Аграрий» зыфиIорэм къыдыхэлъытэгъэ студент проектхэм якъэгъэшъыпкъэжьын фэгъэхьыгъэ Iофтхьабзэ Мыекъопэ къэралыгъо технологическэ университетым щыкIуагъ. Зэнэкъокъур Урысые Федерацием просвещениемкIэ и Министерствэ иIофтхьабзэхэм ахагъэхьагъ.

Непэ Мыекъопэ къэралыгъо технологическэ университет и Дзэ егъэджэн гупчэ икъулыкъушIэхэмрэ икурсантхэмрэ дзэ частэу 32751-м идзэкIолIхэм гуманитар IэпыIэгъу аIэкIагъэхьагъ.

Мыекъопэ къэралыгъо технологическэ университетым истудентхэр ФСБ-м ихэушъхьафыкIыгъэ подразделениеу «Альфам» иветеранэу, 2004-рэ илъэсым Беслан иеджапIэу N 1-м гъэрэу щаштэгъагъэхэр шъхьафит шIыжьыгъэнхэмкIэ операциеу зэхащагъэм хэлэжьагъэу Владимир Силантьевым IукIагъэх.

Хэгъэгу зэошхом ихъугъэ-шIагъэхэм афэгъэхьыгъэ Дунэе тарихъ Iофтхьабзэу «ТекIоныгъэм идиктант» зыфиIорэр Мыекъопэ къэралыгъо технологическэ университетым щыкIуагъ.

Сэкъатныгъэ зиIэхэм ыкIи зипсауныгъэ зэщыкъуагъэхэм ясэнэхьат IэпэIэсэныгъэ хагъэхъоным фытегъэпсыхьэгъэ я X-рэ шъолъыр чемпионатэу «Абилимпикс – 2026» зыфиIорэр Адыгэ Республикэм щырагъэжьагъ .

Мыекъопэ къэралыгъо технологическэ университетым стандартизациемкIэ, метрологиемкIэ ыкIи товарнэ экспертизэмкIэ икафедрэ къыщаугупшысыгъэ тхъу кремым Урысые Федерацием ипатент къыратыгъ.