Тхьамафэм къык1оц1 Мыекъопэ къэралыгъо технологическэ университетым Урысые ш1эныгъэ-практическэ конференциеу «Студенческэ ш1эныгъэр – ныбжьык1эхэм яеплъык1» зыфи1оу, ш1эныгъэ лъэныкъо зэфэшъхьафхэмк1э студентхэр, магистрантхэр, аспирантхэр ык1и к1элэегъаджэхэр зэзыпхыгъэхэр щы1агъ.

Конференциер площадкэ зэфэшъхьафхэмк1э гощыгъэу к1уагъэ. Лъэныкъо пэпчъ зигъо къэсыгъэ ш1эныгъэ упч1эхэр щызэхафыгъэх, ушэтын проектхэм лъэтегъэуцо афаш1ыгъ ык1и ныбжьык1эхэр яш1эныгъэхэмк1э зэхъожьыгъэх.

Конференцием къыдыхэлъытагъэу профильнэ секциищымэ 1оф аш1агъ, мэкъумэщ комплексым, былымхъуным ык1и биотехнологием япхыгъэ зигъо къэсыгъэ ушэтын 1офш1энхэр къэзыгъэлъэгъогъэ студентхэр ащ зэрипхыгъэх.

Секциеу «Молодежные инновации в АПК» зыфи1орэр (пащэр — мэкъумэщ ш1эныгъэхэмк1э докторэу, доцентэу Мамсыр Нурбый) къэк1ыхэрэмк1э джырэ технологиехэм, шэпхъак1эхэмк1э ч1ыгухэр лэжьыгъэнымк1э ык1и культурак1эхэр къэгъэк1ыгъэнхэмк1э афэгъэхьыгъагъ. Докладэу къаш1ыгъэхэм темэ зэфэшъхьафхэр къыща1этыгъэх — цумпэ лъэпкъ зэфэшъхьафхэр къэгъэк1ыгъэнхэмк1э технологиеу щы1эхэм къащыублагъэу хэушъхьэфык1ыгъэ къэк1ыхэрэр промышленэу гъэфедэгъэнхэм анэсыжьэу. Анахь аш1огъэш1эгъон лъэныкъохэм ащыщыгъ адаптивнэ технологием епхыгъэ ушэтынхэр. Урысыем икъыблэ ипромышленность пае культурэу кенаф зыфи1орэм мэхьанэу и1эм шъхьафэу къыщыуцугъэх, джащ фэдэу эфирнэ дэгъэ зэфэшъхьаф зыхаш1ык1ырэ къэк1ыхэрэм атегущы1агъэх. Уцыжъхэр гъэк1одыгъэнхэмк1э биологическэ ш1ык1эу щы1эхэм ык1и Адыгэ Республикэм игротуризм фэгъэхьыгъэ докладхэмк1э секцием и1офш1эн аухыгъ.

Секциеу «Современные проблемы производства продукции животноводства и аквакультур» зыфи1орэм (пащэр — доцентэу Мария Галичевар) мэкъумэщ былымхэм ягъэшхэн фэгъэхьыгъэ инновационнэ ек1ол1ак1эхэм ык1и аквакультурэхэм яобъектхэм ащытегущы1агъэх. 1эк1ыбым къыращыхэрэр Урысыем къыщыдагъэк1ыхэрэмк1э зэблэхъугъэным ык1и 1усхэм ахатакъохэрэр экологическэу щынэгъончъэным япхыгъэ упч1эхэр ары анахьэу зытегущы1агъэхэр. Антибиотикхэр амыгъэфедэхэу органическэу чэтхэр хъугъэным зегъэушъомбгъугъэным , къушъхьэ бжьэхъуныр нахьыбэ ш1ыгъэныр ык1и аквакультурэм пробиотикхэмрэ предиотикхэмрэ щыгъэфедэгъэнхэм афэгъэхьыгъэу къэгущы1агъэхэр аш1огъэш1эгъоныгъэх. Былымхэм узхэр къахэмыхьанхэмк1э пэш1орыгъэшъ быохимическэ анализхэм афэгъэхьыгъэу секциер аухыгъ.

Секциеу «Старт в аграрную науку» зыфи1орэр (пащэр — доцентэу Юрий Чумаченкэр) езыгъэжьэгъэк1э ушэтак1охэм апае площадкэ хъугъэ. Джырэ мэкъумэщ комплексым иэкономическэ, цифрэ ык1и биотехнологическэ аспектхэр ащ зэрипхыгъэх. Урысыем икъыблэ ит хъызмэтш1ап1эхэм ящысэк1э мэкъумэщ производствэм хэхъоныгъэхэр ыш1ынхэмк1э ушэтынэу аш1ыгъэхэр студентхэм къагъэлъэгъуагъэх. Шъолъырым ич1ыопс елъытыгъэу цумпэ лъэпкъ зэфэшъхьафхэм, сэнашъхьэм, соем, натрыфым ык1и к1э зэрылъ культурэхэм экономическэ уасэ афэш1ыгъэнымк1э упч1эхэм къызэрэугъоигъэхэм анахь мэхьанэ зэратыгъэхэм ащыщ. Докладхэм анахьыбэхэр отраслэм ицифровизацие фэгъэхьыгъагъ. Адыгэ Республикэм имэкъумэщ комплекс хэхъоныгъэхэр ыш1ынхэмк1э лъэныкъо шъхьафхэмк1э пш1эн фаехэр зэрагъэунэфыгъэхэр секциищымэ язэфэхьысыжь хъугъэ.

Нефтегазово 1офымк1э ык1и энергетикэмк1э кафедрэм секцием изэхэсыгъоу «Нефтегазовое дело и электроэнергетика» зыфи1орэр щык1уагъ. Ащ ипэщагъ инженернэ факультетым идеканэу Мэрэтыкъо Мурат. Мы лъэныкъомк1э зигъо къэсыгъэ 1офыгъохэм япхыгъэ ушэтынхэр ащ къыщагъэлъэгъуагъэх. Ахэм ащыщых фильтрацием иш1ык1ак1эхэр, Урысыем иэлектроэнергетикэк1э цифровой бизнес-практикхэр, нефтяной промышленносымк1э джырэ геодезическэ технологиехэр ык1и нэмык1хэр. 1офш1эным ик1эух анахь доклад дэгъу къэзыш1ыгъэр агъэнэфагъ. «Человеческий фактор в электроэнергетике» зыфи1оу я 2-рэ курсым щеджэрэ Максим Щелоковым ытхыгъэр ары къыхахыгъэр. Кафедрэм идоцентэу, техническэ ш1эныгъэхэмк1э кандидатэу Николай Старковыр и1эпы1эгъоу ар зэхагъэуцуагъ.

Экономикэмк1э ык1и юриспруденциемк1э информационнэ системэм ифакультет административнэ ык1и уголовнэ правэмк1э икафедрэ «Актуальные проблемы права» зыфи1орэр щык1уагъ. Секцием ипащэр юридическэ ш1эныгъэхэмк1э кандидатэу, доцентэу Елена Курбановар ары. Урысые правэм, ащ хэхьэ конституционнэ, уголовнэ, налоговэ, административнэ, унэгъо ык1и и граждан-процессуальнэ хэбзэгъэуцугъэхэр ык1и 1офш1эным1э фитыныгъэхэм япхыгъэ ушэтынэу аш1ыгъэхэр, гумэк1ыгъоу къэуцухэрэр ык1и ихэм хэк1ып1эу я1эхэр. Секцием къыдыхэлъытагъэу ш1эныгъэ-уштын 1офш1энэу къагъэхьазырыгъэхэр къыра1отык1ыгъэх. «Перспективы внедрения искусственного интеллекта в деятельность адвоката на стадии предварительного расследования» зыфи1оу къыгъэлъэгъуагъэр анахь гъэш1эгъонхэм ащыщыгъ. (А Пантелеевыр., ш1эныгъэ пащэр – юридическэ ш1эныгъэхэмк1э кандидатэу, доцентэу Е. Курбановар), «Зарубежный опыт борьбы с коррупцией» (М Боровиковыр.; ш1эныгъэ пащэр – к1элэегъэджэ ш1эныгъэхэмк1э кандидатэу, доцентэу С. Тыгъужъ), джащ фэдэу «Влияние римского права на становление института обязательственного права в России» (А.Семенцовар; ш1эныгъэ пащэр – юридическэ ш1эныгъэхэмк1э кандидатэу, доцентэу М. Зарецкаяр). Докладэу къаш1ыгъэхэм япхыгъэ ш1эныгъэ статьяхэр гъэхьазырыгъэн фаеу секцием ик1эух уашъо аш1ыгъ.

Экономикэмк1э ык1и юриспруденциемк1э информацтоннэ системэхэмк1э факультетым идеканэу Дэргушъэо Асият ык1и кафедрэм ипащэу Цундышкэ Вячеслава Чундышко япащэу секциит1умэ 1оф аш1агъ. «Информационные технологии в развитии современного общества» ык1и «Интеллектуальные киберфизические и биотехнические системы: безопасность, устойчивость и доверенный ИИ в условиях неопределенности» зыфи1охэрэр. Киберфизическэ системэр лъэныкъо зэфэшъхьафхэм щынэгъончъэу зэрэщыбгъэфедэщтым, сетевой бзэджэш1эным узэрэпэш1уек1ощтыр, искуственнэ интелектым епхыгъэ 1офыгъохэм ык1и кибератакэхэм уапэш1уек1онымк1э лъэныкъуак1эу щы1эхэм ц1ыф зэрымыс транспортым епхыгъэ упч1эхэр къыща1атыгъэх. «Интеллектуальные киберфизические и биотехнические системы: безопасность, устойчивость и доверенный ИИ в условиях неопределенности» ныбжьык1эхэр хэлэжьэнхэмк1э иш1уагъэу и1эр ащ къыщылъэгъуагъ. лъэныкъомк1э ныбжьык1эхэм 1оф аш1агъ, ащ к1элэеджак1охэри гурыт сэнэхьат зэзыгъэгъотырэ студентхэри зэлэжьагъэх. Ушэтын 1офш1эным е . Секцием ик1эух анахь дэгъоу зыкъэзгъэлъэгъоуагъэхэр агъэнэфагъэх. Ахэр Арсений Можайко н ытхыгъэ докладэу «Цифровая прокрастинация: влияние чрезмерного использования социальных сетей на продуктивность и психологическое благополучие» зыфи1орэр, Сергей Шередько ытхыгъэ докладэу «Обеспечение безопасности киберфизической системы БПЛА в условиях неопределённости данных», ык1и Мыекъуапэ ик1элэеджак1охэу - Галинскэ А., Якубэ Д. и Науменкэ Н. (СОШ №5, СОШ №7) «Логистический дуэт: доставка с воздуха на землю» зыфи1орэр.

Апшъэрэ еджап1эм иэкологическэ факультет тематическэ секциехэр щызэхащагъ, экологием, мэз хъызмэтым, ландшафтнэ архитектурэм ык1и мэш1о щынэгъончъэным япхыгъэ зигъо къэсыгъэ упч1э пчъагъэ ащ къыща1атыгъ. Секцием изэхэсыгъо ландшафтнэ архитектурэм ык1имэз 1офхэмк1э икафедрэ щык1уагъэм хэлэжьагъэхэм шъолъырым мэз комплекс хэхъоныгъэхэр ыш1ыхэмэ ш1уагъэу пылъым ык1и гумэк1ыгъо къыпык1ын лъэк1ыщтхэм атегущы1агъэх. Докладхэр анахьэу зыфэгъэхьыгъагъэхэр Адыгеим имэзым къыщык1ыхэрэ чъыг лъэпкъхэр къызэтегъэнэжьыгъэнхэр, мэз маш1охэр къызыхэк1ыхэрэр ык1и нэмы1хэм.

Лъэшэу аш1огъэш1эгъоныгъ студенткэу Елизавета Калмыковам идоклад, ар пчэгоу Зэкъошныгъэм къэк1ыхэрэр зэрэщыухъумагъэхэм  афэгъэхьыгъагъ. Доцентхэу Къыздырмыш  Сулиетрэ Елена Кучинскаярэ секциеу «Мэш1о щынэгъончъэр» зыфи1орэм изэхэсыгъо рагъэк1ок1ыгъ. Хэлэжьагъэмэ къагъэлъэгъогъэ проектхэр маш1ом зыщыухъумэгъэным пропагандэ фэгъэхьыгъагъэх, джащ фэдэу шъолъырым щыпсэухэрэр, икъоу зэхэзымыхыхэрэр, зымылъэгъухэрэр къазэрэхагъэлэжьэщтхэм, сабыйхэри хэрахэтхэу къыра1отык1ыгъэх. Социальнэ ориентированнэ гукъэк1хэр апэрэ 1эпы1эгъур гъэсэныгъэ организациехэм ащырагъаш1э хъумэ зэрагъэфедэхэрэр, программэу «Къулыкъу ахьызэ егъэджэгъэнхэр» зыфи1орэм елъытыгъэу зэрагъэцак1эрэр къа1отагъэх. Секцием изэхэсыгьо щытегущы1агъэх кадрэхэмк1э Къэралыгъо мэш1огъэк1осэ къулыкъухэр зэтегъэпсыхьэгъэнхэ фаеу зэрэшытым, гъэ1орыш1эн автоматизированнэ системэр технологическэ процессхэм зэрэхагъахьэрэм, джащ фэдэу маш1о ык1и мэш1огъэк1осэ техникэхэм ятехнологиехэр гъэпсыгъэнхэм. Шъхьафэу атегущы1агъэх маш1ор агъэк1уасэ хъумэ к1уач1эу рахьыл1эрэр зыфэдизым, мэш1о-строевой ухьазырныгъэм  пае нормативхэр зэхэгъэуцогъэнхэм. Секцием и1офш1эн хэлэжьагъэх МЧС-м икадетскэ классэу Мыекьопэ районым икъутырэу Краснэ Улькэм дэт гъэсэныгъэ гупчэу и 10-м щеджэрэр. Практико-ориентированнэ элементэу конференцием и1агъэр экологическэ квестэу  «ЭКОМОНИТОРИНГ» Адыгэ республикэ гимназием щеджэрэмэ апае зэрэзэхащагьэр ары, экологием ык1и тыкьэзыуцухьэрэ дунаим икъэухъумэн якафедрэ ик1элэегъаджэхэмрэ истудентхэмрэ зэхащагъ. 1офтхьабзэм хэлэжьагъэх «Техносфернэ щынэгъончъэным» ык1и «Маш1о щынэгъончъэным» афеджэрэ студентхэр. Япащэхэр  О. А. Локтионовар, Е. В. Баховар. Я 9-рэ классым исхэу квестыр зык1угъэхэр , як1лэегъэджэ пащэу Ж. А. Кабылбековар ягъусэу  командэхэу гощыгъагъэх, практическэ десэхэр агъэцэк1агъэх, инженер-эколог сэнэхьатым нэ1уасэ фэхъугъэх, жьыр зыуш1оирэхэр унэ к1оц1ыми щагуми ащауплъэк1угъэх, хэушъхьафык1ыгъэ приборхэр ащ пае агъэфедагъэх, экологиемрэ шынэгъончъэнымрэк1э ш1эныгъэу я1эхэр аушэтыгъэх. Iофтхьабзэм ик1эухым хэлэжьагъэмэ сертификатхэр аратыгъэх. Ащ фэшъхьафэу  экологическэ факультетым  секциеу «Экологие щынэгъончъэным иупч1э шъхьа1эхэр» зыфи1орэр щык1уагъ, доцентхэу Любовь Вавиловамрэ Галина Гунинамрэ зэращагъ. Секцием зэрипхыгъэх еджап1эхэу ык1и университетхэу Мыекъуапэ, Белореченскэ, къуаджэу Красногвардейскэм, къутырэу Дукмасовэм адэтхэр, научнэ-ушэтын 1офш1агъэхэр ык1и проектхэр къэзгъэлъэгъуагъэхэр. Докладмэ ятемэхэр зэфэшъхьафыгъэх: экологие щынэгъончъэным, тыкъэзыуцухьэрэ дунаир, биозэфэмыдэныгъэр къэухъумэгъэнхэм, ом извтет елъытыгъэу ек1ол1ак1эу биологием, экологием, климатологием, экономикэм ык1и социологием къафагъотыхэрэм. Ана1э зытырадзагъэхэм ащыщыгъэх пыдзафэхэр ят1онэрэу бгъэфедэжьынхэм, экологическэ гъэсэныгъэм афэгъэхьыгъагъэх. Секциер мак1офэ доклад 15-мэ ядэ1угъэх, ахэр ушэтэк1о ныбжьык1э 19-мэ агъэхьазырыгъэх. Проектэу «Сириус. Гъэмафэр: уипроект егъажь» зыфи1орэм хэлажьэрэмэ ядокладхэр аш1огъэш1эгъоныгъэх.
Секцием и1офш1эн къыгъэлъэгъуагъ нахьыжьэу научнэ 1офш1эным зэрэхащэхэрэм ш1уагъэ кьызэритырэр. Ныбжьык1эмэ научнэ ек1ол1ак1э къагъотэу, ягупшысэхэр псыхьагъэхэу иэхъу. 
Экономикэмрэ гъэ1орыш1энымрэ яфакультет конференцием и1офш1эн къыдыхэлъытагъэу лъэныкъуабэ зэдэзыубытырэ зэхэсыгъохэр, научнэ семинархэр зэхащагъэх, докладэу къырахьыл1агъэхэр зэк1эмк1и 110-м къехъугъэх, аш къегъэлъагъо студентхэр лъэшэу научнэ-ушэтэк1о 1офш1эным зэрэхэщагъэхэр. Финансхэмрэ кредитхэмрэ якафедрэ секциит1умэ язэхэсыгъохэр щырагъэк1ок1ыгъэх: «Социальнэ-экономическэ процессхэм ятрансформацие зыпкъитыныгъэ зыщымы1э уахътэм» (пащэр —  факультетым идеканэу Ешыгоо Светлан), «Цифровизацием илъэхъан Урысыем иэкономикэ модернизацие ш1ыгъэныр» ( пашэр — доцентэу  Хьамырзэ Саид). Санкциехэм ялъэхъан Урысыер зэутэк1ырэ 1офыгъо хьылъэхэм, структурнэ зэхъок1ыныгъэхэу цифровизацие уахътэм зэуал1эхэрэм, джащ фэдэу ц1ыфмэ яфинансовэ гъэсэныгъэ къэ1этыгъэным афэгъэхьыгъагъэх. Секцием и1офш1эн факультет зэфэшъхьафхэм ястудентхэмрэ як1элэегъаджэхэмрэ хэлэжьагъэх. Маркетингым, сервисым ык1и туризмом якафедрэ тематическэ секцие заулэхэм 1офш1эныр ашызэхищагъ: «Ресурсный потенциал и инновационные драйверы развития туристских территорий» зыфи1орэр ( пашэр — доцентэу Къумп1ыл Анжелик), «Экономика коммуникаций и управление общественным мнением» ( пащэр — доцентэу Хьанэхъукъо Зарем), «Организационно-экономическая трансформация в условиях цифровизации и новых вызовов»  ( пащэр — доцентэу Светлана Калашниковар),  «Мировая экономика и бизнес в условиях трансформации» (пащэр — доцентэу Вера Кисилевар). Туризмэм ииндустрие экономикэм зэрэхэщагъэм зэхэгущы1эжьым 1офыгъо шъхьа1эу къыща1этыгъ, ар шъолъырым исоциальнэ-культурнэ хэхъоныгъэ зэрепхыгъэр, хьэк1эегъэблэгъэным цифрэ технологиехэр щыгъэфедэгъэнхэр, экономикэм инепэрэ едзыгъо къыгъэуцурэ упч1эмэ язэш1охын. Менеджментым ык1и шъолъыр экономикэм якафедрэ секциеу «Актуальные вопросы экономики и управления: теоретические и прикладные аспекты» зыфи1орэр щык1уагъ, пашэхэр доцентхэу Наталья Маськовар ык1и И. М. Савицкэр. Секцием и1офш1эн доклад 26-рэ зэрипхыгъэх, ахэр непэрэ лъэхъаным диштэрэ менеджментым, маркетингым ык1и логистикэм афэгъэхьыгъагъэх. Стратегическэ лъэныкъо заулэхэмк1э зэхэгущы1эжьыгъэх: командэхэу агощыгъэхэм ягъэ1орыш1эн, HR-технологиехэр, сакъыныгъэ производствэр гъэлэжьэгъэныр, менеджментым идэгъугъэ цифрэ системэмк1э гъэпсыгъэныр, отраслевой анализыр, маркетинговэ стратегиер ык1и зэнэкъокъуныгъэр къыдэлъытэгъэнхэр. Конституционнэ гъэпсыным, къэралыгъо ык1и муниципальнэ гъэ1орыш1эным якафедрэ зэхищагъ секциеу “Къэралыгъо ык1и муниципальнэ гъэ1орыш1эным иупч1э шъхьа1эхэр» зыфи1орэр, ( пащэхэр —доцентхэу Болэкъо Мариетта ык1и Наталья Продиблох). Муниципальнэ псэук1э зи1э псэуп1эмэ социально-экономическэ хэхъоныгъэу аш1ыхэрэр, къэралыгъо гъэ1орыш1эным ык1и ч1ып1э зыгъэ1орыш1эжьыным япхыгъэ упч1эхэм, уахътэм диштэрэ цифрэ технологиехэр къэралыгъо ык1и муниципальнэ фэ1о-фаш1эхэм ахэгъэхьэгъэнхэм, ныбжьык1э политикэм атегущы1агъэх. Шъхьафэу финансхэмрэ кредитхэмрэ якафедрэ доцентэу Хьамырзэм научнэ семинар щызэхищагъ: унэе ык1и унэгъо бюджетыр гъэпсыгъэныр, кредитхэр зэрэбгъэ1орыш1эщтхэр, гъэпц1ак1омэ зызэращыухъумэщтыр, финансэ шынэгъончъэным ылъапсэ цифрэ лъэхъаным, инвестициемэ адэлэжьэгъэныр, фэшъхьафхэм щатегущы1агъэх.
Инженернэ факультетым хьисапым, физикэм ык1и системнэ анализым якафедрэ ик1элэегъаджэмэ секционнэ зэхэсыгъо заулэ зэхашагъ, ахэр Урысые студенческэ научно-практическэ конференциеу «Студенческэ наукэр: ныбжьык1эмэ яеплъык1» зыфи1орэм къыдыхэлъытэгъагъэх. Як1элэегъэджэ шъхьа1эу Сихъу Д. Б.  я1эшъхьэтетэу физикэр непэрэ технологиехэм алъапсэу зэрэщытым тегущы1агъэх. Зэфэхьысыжьым къызэригъэлъэгъуагъэм елъытыгъэу анахь дэгъоу къыхагъэщыгъ докладэу «Квантовая запутанность — загадка микромира» зыфи1орэр, ар студентэу Глеб Шулякым къыгъэхьазырыгъ. Секциеу «Хьисапыр профессиональнэ 1офш1эным» зыфи1орэр  (пащэхэр -доцентхэу Татьяна Демина ык1и Ольга Шевяковар), хьисапыр 1офыгъуабэмэ зэращагъэфедэрэр къыхагъэщыгъ: псэолъэш1ыным, ч1ыгу гъэпсыным, экономикэм, статистическэ ушэтынхэм, ч1ыдагъэ отраслым.  Анахьэу аш1огъэш1эгъоныгъэр Владислав Андреевым, Глеб Вихровым, Виталий Голубниченкэм, Иван Котровым лъэтегъэуцоу аш1ыгъэр ары. Программэу GeoGebra амалышхохэр къызэритыхэрэр, десэхэр анализ зэриш1ышъухэрэр къагъэлъэгъуагъ.
Физикэ-химическэ ушэтынхэу материалхэм ык1и веществомэ арахьыл1эрэмэ ясекцие къыдыхэлъытагъэу аграрнэ технологиехэм яфакультет истудентхэр къэгущы1агъэх. Фундаментальнэ ык1и прикладной ушэтынхэр ары анахьэу ана1э зытырадзагъэр, ахэр химием, тыкъэзыуцухьэрэ дунаим ихимие, зэрэлъыплъэхэрэ методхэм, джащ фэдэу сорбентхэмрэ гъомлапхъэ ык1и химическэ промышленностым ямэхьанэ кьыра1отык1ыгъ. Ч1ыгу гъэпсыным икафедрэ секцие зэхэсыгъоу «Ч1ыгу гъэпсынымрэ кадастрэмрэ янепэрэ зытет: гумэк1ыгъохэр ык1и хэк1ып1эхэр» зыфи1орэр щык1уагъ, ащ къыдыхэлъытагъэу доклад  12-мэ ядэ1угъэх. Къатыгъэ ушэтынхэр отраслэм илъэныкъуабэхэм анэсыгъэх, теоретическэуи, практико-ориентированнэуи щытыгъэх. Анахь доклад дэгъоу алъытагъэр студенткэу Анастасия Скрипалевам иеу «Пилот зэрымысэу быбырэ аппаратхэр ч1ыгухэм ялэжьынк1э ык1и яуплъэк1унк1э зэрэбгъэфедэшъущтхэр» зыфи1орэр ары. Научнэ пашэу и1агъэр Брант1э М. М. 
Iэк1ыб къэралыгъуабзэмэ якафедрэ инджылызыбзэ секциеу зэхищагъэм докладэу къыщаш1ыгъэмэ медицинэм ииновационнэ лъэныкъуабэхэр зэдаубытыгъэх: регенеративнэ ык1и  геномнэ медицинэр, 3D-биопечать технологиехэр, нанотехнологиехэр, радиологиер, медицинэ визуализациер, клеточнэ перепрограммирование нейрогенетикэр ш1ыгъэныр, нейрокомпьютернэ интерфейсхэр, медицинэ хэгъозэжьыгъэныр, превентивнэ медицинэр.
Шъхьафэу ана1э тырадзагъ  секциеу «Интеллект зи1э пилот зэрымыс системэхэр ык1и искусственнэ интеллектым итехнологиехэр» зыфи1орэм, ар зэрищагъ цифровизациемк1э проректорэу Дмитрий Игнатовым. Секцием и1офш1эн зэрипхыгъэх ушэтынхэу многоагентнэ системэхэм, Edge Al, роевой интеллектыр, егъэджэнхэр къэзыуцухьэхэрэ дунаир зэхаш1эзэ. Хэлажьэрэмэ фундаментальнэ 1офш1агъэхэр къагъэлъэгъуагъэх, генеративнэ модельхэмк1э гъэ1орыш1энхэр, прикладной ш1ык1эхэр — энергоэффективнэ гъэ1орыш1эным къыщыублагъэу пилот зэрымыс системэхэу ч1ыгу лэжьыным, аграрнэ технологиехэм, кадастрэ 1офш1эным, гъогу хъугъэ-ш1агъэмэ анэсыжьэу. Анахьэу ана1э зытырагъэтыгъэр интеллектуальнэ алгоритмэмэ яинтеграцие, ахэр цифрэ экосистемэм епхыгъэнхэр ары. 
Секциеу «Технологие инхэу гъомлапхъэ ык1и косметическэ продуктмэ ащагъэфедэхэрэр, импортым емыпхыгъэныр къэзыгъэпсыхэрэр» зыфи1орэм студентхэу ык1и к1элэеджак1охэу функциональнэ, глютен зыхэмылъхэр, профилактическэ продуктхэр, шъолъырым къыщык1ыхэрэмк1э косметическэ средствэхэу гъэхьазырыгъэхэр зэхэзгъэуцуагъэхэр ык1и къэзгъэлъэгъуагъэхэр зэрипхыгъэх. Зэк1эмк1и секцием къыдыхэлъытагъэу доклад 19-мэ ядэ1угъэх, ахэр ушэтэк1о ныбжьык1э 24-мэ къагъэхьазырыгъэх. 
Конференциеу «Студенческэ наукэр — ныбжьык1эмэ яеплъык1» зыфи1орэм хэлэжьагъэмэ научнэ ш1оигъоныгъуабэхэр игъэк1отыгъэу къагъэлъэгъуагъэх, къыра1отык1ыгъэх — фундаментальнэ ушэтынмэ къащыублагъэу прикладной зэхэгъэуцуагъэхэу отраслэ зэфэшъхьафхэм ягумэк1ыгъохэр дэзыгъэзыжьхэрэмэ анэсыжьхэу. Ш1эныгъэлэжь ныбжьык1эмэ профессиональнэ хэхъоныгъэ агъотынымк1э, опытхэмк1э зэхъожьынхэмк1э, неущрэ мафэм инаучнэ сообществэ гъэпсыгъэнымк1э конференциер мэхьанэшхо зи1э площадкэ хъугъэ.