Мы зыгъэпсэфыгъо мафэхэм командэу «Динамо-МКъТУ-р» къалэу Екатеринбург икомандэу «ТСК-УРАЛ-УрГУПС» ешIэгъу заулэ дыриIагъ ыкIи текIоныгъэр къыдихыгъ. ЕшIэгъуитIоу кIуагъэхэм мыщ фэдэ зэфэхьысыжьхэр афэхъугъэх: 7I:64 и 69:64.

Мыекъопэ къэралыгъо технологическэ университетым истудентхэр урысыбзэмкIэ 2024-рэ илъэсым Урысые олимпиадэу Липецкэ щызэхащагъэм хэлэжьагъэх. Олимпиадэр филологие лъэныкъом фэмыгъэзагъэхэм апае онлайн-шапхъэм илъэу рагъэкIокIыгъ.

Мы мафэхэм къалэу Суздаль самбо бэнэнымкIэ Урысыем изэнэкъокъухэр щыкIуагъэх, ащ Мыекъопэ къэралыгъо технологическэ университетым истудентэу Хьакъуй Амир тыжьын медалыр къыщыдихыгъ, МКъТУ-м икъутамэу поселкэу Яблоновскэм дэтым истудентэу Наш Расул текIоныгъэр къыхьыгъ.

Мыекъопэ къэралыгъо технологическэ университетыр зычIэт унэм зэлъашIэрэ тхакIоу, дипломатэу ыкIи гупшысакIоу Александр Грибоедовыр къызыхъугъэр илъэс 230-рэ зэрэхъурэм фэгъэхьыгъэ Iофтхьабзэ щыкIуагъ, «Уиакъылрэ уиIофхэмрэ егъашIэм щыIэщтых» ащ зэреджагъэхэр.

ШIэныгъэмрэ гъэсэныгъэмрэ алъэныкъокIэ джыри зы лъэубэкъушIу Мыекъопэ къэралыгъо технологическэ университетым ышIыгъ, аспирантуракIэ шIэныгъэ лъэныкъоу 3.3.3. «Патологическэ физиологиер» (медикэ-биологическэ шIэныгъэхэр) зыфиIорэмкIэ къызэIуихыгъ.

Мыекъопэ къэралыгъо технологическэ университетым технологиехэмкIэ, машинэхэмкIэ ыкIи гъомлэпхъэ къыдэгъэкIыным иIэмэпсымэхэмкIэ икафедрэ лекцие-лъэтегъэуцоу «Глютен зыхэмылъ хьалыгъум игъэжъэн епхыгъэ Iофыгъохэр» зыфиIорэр щыкIуагъ. МКъТУ-м и «Точка кипение» игъогу картэ ыкIи технологическэ факультетым инаучнэ программэ щыщ Iахьэу Iофтхьабзэр хъугъэ.

Мыекъопэ къэралыгъо технологическэ университетымрэ Гродненскэ къэралыгъо мэкъу-мэщ университетымрэ зэрэзэдэлэжьэщтхэмкIэ зэзэгъыныгъэм зэдыкIэтхагъэх. Документым аIапэхэр кIадзагъэх МКъТУ-м иректорэу Къуижъ Саидэрэ ГКъМУ-м иректорэу Валентин Пешкомрэ. Апшъэрэ еджэпIитIумэ гъэсэныгъэм ыкIи шIэныгъэ IофшIэным алъэныкъокIэ IофыгъуакIэхэр зэрэзэшIуахыщтхэм зэзэгъыныгъэр фэIорышIэщт.

Гъомлапхъэ технологиехэм ыкIи шхыныгъохэм ягъэхьазырын якафедрэу Мыекъопэ къэралыгъо технологическэ университетым хэтым алкоголь зыхэмылъ шъон Iэзэгъу щызэхагъэуцуагъ ыкIи Урысые Федерацием ипатент ащ пае къыдахыгъ. Ащ авторэу иIэхэр: Хьаткъо Зурет, Бэгъэрэт Джульета, Татьяна Белявцевар, Лилия Неровных, Надежда Бугаевар.

Ныбджэгъу лъапIэхэр!

2025-рэ илъэсыр къехьэ, игъо шъыпкъэ хъугъэ узэплъэкIыжьынышъ, 2024-рэ илъэсыр зыфэдагъэр, ар зэрэшIэгъуагъэр угу къэбгъэкIыжьыныр, Мыекъопэ къэралыгъо технологическэ университетымкIэ зэрэщытыгъэр.

Мыекъопэ къэралыгъо технологическэ университетым апшъэрэ гъэсэныгъэ программэр лицензирование шIыгъэныр дэгъу дэдэу екIу — ординатурэм апшъэрэ квалификацие къязытырэ лъэныкъоу 31.08.01 «Мамыкур ыкIи гинекологиер».

Непэ Мыекъопэ къэралыгъо технологическэ университетым шIэныгъэлэжьхэм ясовет щызэхэхьагъ, ащ тхьаматагъор щызэрихьагъ ректорэу Къуижъ Саидэ. Илъэсэу икIырэм зэфэхьысыжьхэр фашIыгъэх ыкIи къихьащтымкIэ пшъэрылъхэр агъэнэфагъэх.

Непэ Мыекъопэ къэралыгъо технологическэ университетым хэхьэрэ Дзэ егъэджэн гупчэм щыIукIагъэх щынэгъончъэнымкIэ Федеральнэ къулыкъум иветеранэу Владимир Зайцевым.

Мы мафэхэм студенческэ щыIакIэу университетым чIэлъым гуфэбагъэрэ гукIэгъуныгъэрэ хэлъэу хъугъагъэ. ИлъэсыкIэ мэфэкIым зипсауныгъэ зэщыкъуагъэхэмрэ гъэсакIо-тьюторхэмрэ зэрипхыгъэх, ащкIэ сэкъатныгъэ зиIэхэм я Урысые обществэ идевизэу «Тызэгъусэу нахьыбэ тшIэщт» зыфиIорэр къаушыхьатыжьыгъ. Ахэр гущыIэхэ къодыехэп, щыIэныгъэм ифилософиех.

Тхылъым практикэ анахь дэгъу 26-рэ дэхьагъэр, ахэр Урысые зэнэкъокъоу «Къулыкъу ахьызэ егъэджэгъэнхэр» зыфиIорэу Урысыем иапшъэрэ гъэсэныгъэ организациехэр зыхэлэжьагъэхэм ащытекIуагъэхэр ары. Зэнэкъокъум къыдыхэлъытагъэу анахь практикэ ыкIи зэхэгъэуцогъо дэгъоу яIэхэр къагъэлъэгъуагъэх.

Мыекъопэ къэралыгъо технологическэ университетыр ыкIи Белорусскэ къэралыгъо технологическэ университетыр зэрэзэдэлэжьэщтхэм фэгъэхьыгъэ зэзэгъыныгъэм кIэтхагъэх. Ащ зыIапэ кIэзыдзагъэхэр МКъТУ-м иректорэу Къуижъ Саидэрэ БКъТУ-м иректорэу Игорь Войтовымрэ. Научнэ ыкIи гъэсэныгъэ лъэныкъохэмкIэ Iоф зэдашIэныр ары зэзэгъыныгъэм кIэу къыздихьыщтхэр.

Непэ Мыекъопэ къэралыгъо технологическэ университетым Урысые научнэ-практическэ конференциеу «Туристскэ-рекреационной сферэм инвестициехэр къещэлIэгъэнхэмкIэ къэуцурэ упчIэхэр» зыфиIорэр щыкIуагъ. Iофтхьабзэм хэлэжьагъэх зэлъашIэрэ шIэныгъэлэжьхэр, экспертхэр, туризмэм хэщагъэхэр.

Мыекъопэ къэралыгъо технологическэ университетым хэхьэрэ Дзэ егъэджэн гупчэм Урысыем и МЧС икъутамэу Адыгэ Республикэм щыIэм и Общественнэ совет изэфэхьысыжь зэхэсыгъо щыкIуагъ.

Мы мафэхэм онлайн-шапхъэм илъэу демо-мафэр рагъэкIокIыгъ, ащ хэлэжьагъэх проектнэ-гъэсэныгъэ интенсивэу «ГукъэкIым къыщегъэжьагъэу пэчIынатIэм нэсэу» Университет 20.35. зыфиIорэм щытекIуагъэхэр.

Апшъэрэ гъэсэныгъэм иинклюзивнэ гъэсэныгъэ ипрактикэ дэгъухэр зыщызэрагъэнэкъокъугъэхэ а I-рэ Урысые зэнэкъокъум ифинал къалэу Москва щыкIуагъ. Ландшафтнэ архитектурэм ыкIи мэз Iофым икафедрэ икIэлэегъэджэ шъхьаIэу Надежда Сазонец зэнэкъокъум хэлэжьагъ.