Мыекъопэ къэралыгъо технологическэ университетым торжественнэ шIыкIэм тетэу «НыбжьыкIэ профессионалхэр» зыфиIорэ я X-рэ ЗэIухыгъэ апшъэрэ еджэпIэ чемпионатым иапэрэ едзыгъо щызэфашIыжьыгъ.

Мы мафэхэр хэлажьэхэрэм ыкIи экспертхэм апае ушъэгъагъэх IофшIэнымкIэ, профессиональнэу зэнэкъокъугъэх, опытхэмкIэ зэхъожьыгъэх.Чемпионатым студентхэр, гъэсакIохэр, специалистхэр лъэныкъуитIумкIэ зэрипхыгъэх:
— промышленнэ агрокомплекс «Iушым» иинженер ;
— пилот зэрымыс комплекснэ автономнэ системэхэм я инженер.
Егъэджэн IофшIэнымкIэ МКъТУ-м ипроректорэу Людмила Задорожнаям шIуфэс псалъэ къышIыгъ, ащ къыкIигъэтхъыгъ чемпионатнэ движением специалистхэр гъэхьазырыгъэнхэм, профессиональнэ амалхэр ятыгъэнхэм алъэныкъокIэ мэхьанэшхо зэриIэр. Экономикэм ыкIи юриспруденцием яинформационнэ системэхэм яфакультет идеканэу Дэргушэо Асиет гущыIэр ратыгъ. Чемпионатым дэлэжьэгъэ факультетмэ ядеканмэ ацIэхэр къыраIуагъэх, экспертхэу чемпионатыр апшъэрэ лъэгапIэхэм атетэу зэхэзыщагъэхэри къыхагъэщыгъэх. Сертификатхэр эксперт шъхьаIэмэ язытыжьыгъэр «НыбжьыкIэ профессионалхэр» зыфиIорэ чемпионатнэ движением изещакIоу Хьанахъукъо Зарем. ХэушъхьафыкIыгъэу афэрэзагъэх Цундышк Вячеславрэ Валерий Немыкинымрэ.
Ащ ыуж текIоныгъэ къыдэзыхыгъэхэр къыхагъэщыгъэх. Лъэныкъоу «Промышленнэ агрокомплекс «Iушым» иинженер» зыфиIорэм щытекIуагъэхэр:
а 1-рэ чIыпIэр — Владимир Захаров, Алексей Зеленский;
я 2-рэ чIыпIэр — Диана Мерзлякова, Михаил Фирсов;
я 3-рэ чIыпIэр — Анастасия Милюхина, Александр Тишин.
Сертификатхэр зэрэхэлэжьагъэхэм пае зэратыгъэхэр: Александр Киричук, Владислав Кривошеев, Роман Лоскутов, Александр Тишин.
Лъэныкъоу «Пилот зэрымыс комплекснэ автономнэ системэхэм яинженер» зыфиIорэм щытекIуагъэхэр:
а 1-рэ чIыпIэр — Дамир Сабаноков, Владислав Калашников;
я 2-рэ чIыпIэр — Никита Савельев, Сергей Шередько;
я 3-рэ чIыпIэр — Илья Лебедь, Михаил Фирсов, Владимир Захаров, Владислав Кривошеев.
Сертификатхэр зэрэхэлэжьагъэхэм апае зэратыгъэхэр:
Роман Лоскутов, Александр Тишин.
ТекIоныгъэм и Кубок зэратыгъэр шъхьафэу къыхагъэщыгъ —  профессиональнэ хэхъоныгъэмрэ зэкIэлъыкIоным ятамыгъэ. ГъорекIо лъэныкъоу «Флористикэм» щытекIогъэ Татьяна Семеновам а Щытхъу зыпылъ пшъэрылъыр фагъэзагъ.
Iофтхьабзэр зэфашIыжьзэ зэхэщакIомэ рэзэныгъэ гущыIэхэр хэлэжьагъэмэ апагъохыгъэх профессиональнэ амал инхэр заряIэхэм, пшъэдэкIыжьым имэхьанэ зэрагурыIорэм, командэм зэрэщылажьэхэрэм апае. Экспертхэмрэ гъэсакIохэмрэ шъхьафэу афэрэзагъэх, къыхагъэщыгъэх.