Хабзэ зэрэхъугъэу, повесткэ шъхьаIэм фемыжьэхэзэ, кIэлэегъэджэ-профессорскэ купым щыщхэу зимэфэкIыгъэхэм афэгушIуагъэх. Ащ фэшъхьафэу, Урысые Федерацием наукэмрэ апшъэрэ гъэсэныгъэмрэкIэ и Министерствэ и Щытхъу тхылъ ныбжьыкIэ политикэмкIэ ыкIи гъэсэкIо IофшIэнымкIэ проректорэу БрантIэ Муратэ фагъэшъошагъ, ар ратыжьыгъ, апэрэ шъуашэ зиIэ дипломыр ыкIи ятIонэрэ шъуашэ зиIэ медалыр я XX-рэ Тимирязевскэ зэнэкъокъоу научнэ-ушэтын, опытнэ-инструкторскэ, технологическэ ыкIи ныбжьыкIэмэ ясоциальнэ проектхэу агропромышленнэ комплексым фэгъэхьыгъэ «АПК ныбжьыкIэхэр, наукэр, инновациехэр» зыфиIорэм чанэу зэрэхэлэжьагъэм фэшI Вячеслав Карпенкэм ратыжьыгъ, научнэ пащэу Дэгужьые Зарэ ар зэригъэхьазырыгъэм пае диплом къыфагъэшъошагъ. Университетым зэхъокIыныгъэу 2025-рэ илъэсым ышIыгъэм фэгъэхьыгъэ доклад къышIыгъ ректоратым иупчIэжьэгъоу Сергей Чефрановым. Аш ипсалъэ къыщыхигъэщыгъ апшъэрэ еджапIэм иIофыгъо шъхьаIэхэр ыкIи тапэкIэ хэхъоныгъэ зыщишIышъущт лъэныкъохэр къыIотагъэх. МКъТУ-м ицифрэ трансформацие истратегиеу 2030-рэ илъэсым нэс телъытагъэм игъэцэкIэн фэгъэхьыгъэ доклад къышIыгъ цифровизациемкIэ проректорэу Дмитрий Игнатовым. 2025-рэ илъэсым университетым зэфэхьысыжьэу цифровизацием ылъэныкъокIэ ышIыгъэмэ ягугъу къышIыгъ, цифрэ сервисхэм, электроннэ информационнэ-гъэсэныгъэ сферэм хэхъоныгъэу ышIыгъэхэр, информационнэ системэхэр зэрэхагъэхьагъэхэр, IТ инфраструктурэр модернизацие зэрашIыгъэр, информационнэ щынэгъончъэныр зэрагъэпсыгъэр къыIотагъэх, джащ фэдэу ынаIэ тыридзагъ апшъэрэ еджапIэм ицифрэ иэкосистемэ хэхъоныгъэхэр зэришIышъущтхэм. Ащ ыуж инновационнэ научнэ-гъэсэныгъэ технологиехэр зэрагъэфедэхэрэм къытегущыIагъ мэкъу-мэщ технологиехэм факультет идеканэу Шъхьапэцэ Аслан. Ащ игушыIэхэм къащыхигъэщыгъ непэрэ уахътэм диштэрэ гъэсэныгъэ гукъэкIхэр зэрэхагъахьэхэрэр, цифрэ платформэхэри ахэмэ зэу зэращыщхэр, гъэсэныгъэ электроннэ лъэныкъом зызэриушъомбгъурэр, практико-ориентированнэ екIолIакIэхэр зэрэрахьылIэрэр, уахътэм диштэрэ лабораторнэ технологиехэр, джащ фэдэу научнэ-ушэтын IофшIэным изэфэхьысыжьхэр зыфэдэхэр, факультетым инеущрэ мафэ хэхъоныгъэу щишIышъущтхэр къыриIотыкIыгъэх. Шъхьафэу зэхафыгъэх попечительскэ советым изэхэщэн фэгъэхьыгъэ Iофыгъохэр, целевой капиталым игъэпсын, нормативно актмэ зэхъокIыныгъэхэр афэшIыгъэнхэр, педиатрием икафедрэ зэгъэзэфэжьыгъэныр. Университетым щеджэрэ студентмэ еджапкIэу атырэр къегъэхыгъэным фэгъэхьыгъэ доклад къышIыгъ ныбжьыкIэ политикэмкIэ ыкIи гъэсэкIо IофшIэнымкIэ проректорэу БрантIэ Муратэ. ШIэныгъэлэжьмэ ясовет къыщаIэтыгъэ упчIэр зэкIэ зэхафыгъ, ахэмкIэ унашъохэр ашIыгъэх. АшIыгъэ унашъохэр фытегъэпсыхьагъэх гъэсэныгъэ, научнэ ыкIи гъэIорышIакIо IофшIэнэу университетым иIэмэ ээхъоныгъэхэр ягъэшIыгъэнхэм.