Студенческэ гукъэкIхэу ыкIи проектхэу агропромышленнэ комплексэу «Аграрий» зыфиIорэм ылъэныкъокIэ зэхащагъэ Урысые зэнэкъокъум зэфэхьысыжьхэр фашIыгъэх, ар гурыт профессиональнэ гъэсэныгъэм елъытыгъэу зэхащэгъагъ. Урысые Федерацием гъэсэныгъэмкIэ и Министерствэ иофициальнэ перечень Iофтхьабзэр хэтхагъэу щыт.

Зэнэкъокъум ипшъэрылъ шъхьаIэр — ныбжьыкIэмэ яшIоигъоныгъэхэр агъэцэкIэшъунхэм, предпринимательскэ гупшысэ яIэу шIыгъэнхэм, пэрытныгъэ шэнхэр агъэпсышъунхэм, джащ фэдэу зыпылъ IофхэмкIэ практическэ опыт ягъэгъотыгъэныр ары. Мэкъу-мэщ секторым фэгъэхьыгъэ гукъэкIэу яIэхэр ныбжьыкIэмэ къагъэлъагъох, инновациехэр агъэфедэх ыкIи отраслевой пшъэрылъ шъхьаIэу къэуцухэрэр агъэцакIэх.

Экспертнэ комиссием макъэу ытыгъэхэмкIэ текIоныгъэ къыдэзыхыгъэхэр:

Номинациеу «Зоотехниер ыкIи ветеринариер»

1. Проектэу «Мониторингэу антибиотикхэр къэзытыхэрэм ыкIи бактериальнэ циститхэу унэе псэушъхьэ цIыкIумэ ахагъуатэхэрэр» къ. Краснодар ыкIи поселкэу Яблоновскэм» Диана Андреевар (Пащэр — Наталья Сотниковар). ГБПОУ КК «Венцы-Заря мэкъу-мэщ техникумыр», Краснодарскэ краир.

2. Проектэу «Пчэнхэу ООО «Мирный-Адыгея» Мыекъопэ районым щаIыгъхэмкIэ респираторнэ узхэмкIэ профилактикэ шIыгъэныр, узхэр гъэхъужьыгъэнымкIэ шIыкIэхэр» зыфиIорэр, Вячеслав Папсуевыр ыкIи Георгий Шириныр (Пащэр — Наталья Бешимовар). ГБПОУ КК «Лабинскэ аграрнэ техникумыр», Краснодарскэ краир.

Номинациеу «Агрономиер ыкIи агроинженериер»

1. Проектэу «Лабораториеу чылэпхъэ картофелым пае агъэфедэрэр «МКъТУ-АгроБио» Семен Дорожкиныр (Пащэр — Къэрдэнэ Анджела). МКъТУ-м и Политехническэ колледж, Адыгэ Республикэр.

Номинациеу «АПК-м иинновационнэ лъэныкъоу хэхъоныгъэ къэзытырэр»

1. Проектэу «Экогъогоу «Адыгеим икъушъхьэ шъэфхэр» Данил Клишиныр (Пащэр — Маргарита Переверзевар). ГБПОУ РА «Мыекъопэ политехническэ техникумыр», Адыгэ Республикэр.

2. Проектэу «Этно-агротуристическэ кластерэу «Адыгеем хьакIэу укъеблагъэмэ» Константин Якуниныр (Пащэр — Иван Загуменнэр). ГБПОУ РА «Мыекъопэ политехническэ техникумыр», Адыгэ Республикэр.

Номинациеу «Мэкъу-мэщ продукцием икъэухъумэн ыкIи икъыдэгъэкIыжьын технологер»

1. Проектэу «Адыгэ къуаемрэ къэбымрэ агъэфедэзэ хэушъхьафыкIыгъэ мэхьанэ зиIэ пудингым итехнологиерэ ирецептурэрэ гъэхьазырыгъэнхэр» Михаил Мазуровыр (Пащэр — Тхьайшъэо Аминэт) Политехническэ колледжыр МКъТУ-р, Адыгэ Республикэр.

Номинациеу «Экологическэ щынэгъончъэныр мэкъу-мэщ секторым» зыфиIорэр

1. Проектэу «ГъоткIо-гъуаткIэу укъэбзыгъэ псы къэкIуапIэхэр агъэфедэзэ акIагъэхъоныр» Анастасия Колядар (Пащэр — Антонина Компаниец) ГБПОУ КК «Брюховецкэ аграрнэ колледжыр», Краснодарскэ краир.

ТекIоныгъэ къыдэзыхыгъэхэр Мыекъопэ къэралыгъо технологическэ университетым чIахьэхэ хъумэ балл тедзэхэу 10 ыкIи 8 афыхагъэхъощт. Ащ фэшъэхьафэу, ахэмэ афэгъэхьыгъэ къэбарыр илъэс къэс афагъахьы фондэу «Сэнаущыгъэр ыкIи текIоныгъэр» зыфиIорэм, ар Урысые Федерацием и Президентэу Владимир Путиным иIэпыIэгъу елъытыгъэу мэлажьэ.