ХэушъхьафыкIыгъэ номинациеу «Зыпкъ ит туризмэр» зыфиIорэр Проектнэ офисым ыгъэнэфагъ, ар къушъхьэ экокурортэу «Лагъо-Накъэм» игъэпсын фытегъэпсыхьагъ.

2022-2023-рэ еджэгъу илъэсхэм ателъытэгъэ егъэджэн планэу 35.03.04. «Агрономием» хагъэхьагъ квалификацие зэрэзэрагъэгъотырэ Модулэу «Лаборант химического анализа» зыфиIорэр.

Урысые шIэныгъэм и Мафэ Мыекъопэ къэралыгъо технологическэ университетым непэ щыхагъэунэфыкIыгъ. МэфэкIым фэгъэхьыгъэ Iофтхьабзэхэр ащ щызэхащагъэх.

Ныбджэгъу лъапIэхэр! Урысые наукэм и МафэкIэ сышъуфэгушIо! Тэ зэкIэхэми тызэзыпхырэ хэушъхьафыкIыгъэ мэфэкIэу ар щыт.

Урысые гъэсэныгъэ акциеу ШIэныгъ.Наукэр зыфиIорэм хэгъэгум ишъолъыр 89-рэ зэлъеубыты ыкIи шIэныгъэлэжь ныбжьыкIэхэмрэ ягъэсакIохэмрэ шIэныгъэм ылъэныкъокIэ гъэхъагъэу ашIыгъэхэр зэхахьэмэ ахэлажьэхэрэм къафаIуатэ.

Экспертэу Алина Яшинам тыгъуасэ зэIукIэгъоу дыряIагъэм къыдыхэлъытагъэу, проектэу «ЩыIэныгъэр онлайн шIыкIэм тетэу» зыфиIорэм игъэцэкIэн Iоф дэзышIагъэхэр ыкIи «Уигухэлъ къыздэгъэхъу» зыфиIорэ зэнэкъокъум хэлэжьэгъэ командэхэу чанэу зыкъэзыгъэлъэгъуагъэхэр къыхагъэщыгъэх.

Луганскэ народнэ республикэм ия 8-рэ армие идзэ ансамблэу «Новороссия» зыцIэм къытыгъэ концертым Мыекъопэ къэралыгъо технологическэ университетым истудентхэр еплъыгъэх.

Мыекъопэ къэралыгъо технологическэ университетым иректорэу Къуижъ Саидэ ыцIэкIэ Рэзэныгъэ тхылъ къэкIуагъ, ар зэнэкъокъоу «Умная стипендия» зыфиIорэм изэхэщэн зэрэхэлэжьагъэхэм ыкIи IэпыIэгъу зэрафэхъугъэхэм афэшI ПАО КБ «Центр-инвест»ыкIи ФЦК «ОиН ЮФО» зыфиIорэмэ къагъэхьыгъ.

Проектхэм хэхъоныгъэхэр ягъэшIыгъэнымкIэ ыкIи социальнэ сферэмкIэ экспертэу, гуфэкIо гупчэмэ я Ассоциацие и Совет итхьаматэ игуадзэу, социальнэ франшизэу «ШIур.Гупчэр» зыфиIорэм ыкIи программэу «Обучение служением» зыфиIорэм якураторэу Алина Яшинар МКъТУ-м и «Точка кипение» щаIукIагъ апшъэрэ классхэм ащеджэрэ кIэлэеджакIохэм, студентхэм ыкIи социальнэ проектхэр зыгъэпсырэ ныбжьыкIэ командэхэм.

Непэ Мыекъопэ къэралыгъо технологическэ университетым Урысые акциеу «Гу бланэр» зыфиIорэр щыкIуагъ, ар фашистым пэшIуекIорэ лIыхъужъ ныбжьыкIэм и Дунэе мафэ фэгъэхьыгъагъ.

Дзэ гъэсэныгъэ гупчэр — МКъТУ-м хэхьэрэ подразделений, студентхэр дзэм фэгъэхьазырыгъэнхэм ипрограммэ егъэцакIэ, дзэ къулыкъум ишапхъэхэм щагъасэх, дзэ-патриотическэ пIуныгъэм щыпылъых ыкIи авиационнэ специалистхэр щагъэхьазырых.

Мыекъопэ къэралыгъо технологическэ университетым икIэлэегъаджэхэмрэ истудентхэмрэ хэушъхьафыкIыгъэ дзэ операцием хэлажьэрэ дзэкIолIмэ къашъхьэпэщт шэф остыгъэхэр ашIых, ахэр дэтIыкIыгъэ ухъумапIэхэм ащагъэфедэнхэм тегъэпсыхьагъэх.

Волгоград дэт политехническэ колледжэу В.И. Вернандскэм ыцIэ зыхьырэм апэрэ экспертнэ сессиеу щыкIуагъэм къыдыхэлъытагъэу гъэсэныгъэ кластерхэу гурыт профессиональнэ гъэсэныгъэм хахьэхэрэм якомандэхэм ыкIи гъэсэныгъэ-производственнэ кластерищэу Темыр-Кавказскэ ыкIи Къыблэ федеральнэ шъолъырхэм, джащ фэдэу Луганскэ ыкIи Донецкэ народнэ республикэхэм яехэм зыкъыщагъэлъэгъуагъ.

Мы мафэхэм Мыекъопэ къэралыгъо технологическэ университетым истудентэу Павел Дорошенкэмрэ ятэу Петр Дорошенкэмрэ Урысые обществэу «ШIэныгъэм» игъэсэныгъэ проектэу «Ны-тымэ яакадемие» зыфиIорэм хэлэжьагъэх.

Мыекъопэ къэралыгъо технологическэ университетым хэхъоныгъэхэр егъэшIыгъэнхэмкIэ Программэу щыIэм игъэцэкIэн къыдыхэлъытагъэу Iофтхьабзэхэр рахъухьагъэх, ахэр университетым мэкъу-мэщымкIэ ШIэныгъэ-ушэтэкIо институтыр къызэрэхагъэхьажьыгъэм фэшI агъэнэфагъэх.

Мыекъопэ къэралыгъо технологическэ университетым Урысые обществэм иобщественнэ организациеу «ШIэныгъ» зыфиIорэм зэхэсыгъо щыригъэкIокIыгъ, ащ зэхэгущыIэжь органэу Адыгэ Республикэм и ЛIышъхьэу КъумпIыл Мурат зипащэр щызэхащагъ.

Зэхэсыгъом ипшъэрылъ шъхьаIэр — Адыгэ чъыгхатэхэр зыдэщыIэ чIыпIэхэр къыхэгъэщыгъэнхэр ары.

Илъэсныкъо къэс Мыекъопэ къэралыгъо технологическэ университетыр Урысые экологическэ марафонэу «Тхьапэр тыри — чъыгыр къэгъан» зыфиIорэм хэлажьэ.

Студентым имафэ ихэгъэунэфыкIын къыдыхэлъытагъэу Мыекъопэ къэралыгъо технологическэ университетым апэрэу киберспортивнэ зэнэкъокъоу Dota-2 зыфиIорэр щыкIуагъ.

Креативнэ марафоным къыдыхэлъытагъэу «Точка кипения» зыцIэ проектым икомандэу Мыекъопэ къэралыгъо технологическэ университетым иIэм форумэу «ЛъэхъаныкIэм диштэрэ гукъэкI лъэшхэр» зыфиIорэм зыфегъэхьазыры, кIэлэеджакIохэм, студентхэм ыкIи кIэлэегъаджэхэм ащ пае зэIукIэгъу адишIыгъ. Федеральнэ экспертэу «Хэгъэгур зэзыхъокIырэр цIыфхэр ары, гукъэкIхэр, проектхэр» зыфиIорэ темэм фэгъэзагъэр ащ хэлэжьагъ.