Ныбджэгъу лъапIэхэр! Урысые наукэм и МафэкIэ сышъуфэгушIо! Тэ зэкIэхэми тызэзыпхырэ хэушъхьафыкIыгъэ мэфэкIэу ар щыт.

Тикъэралыгъо ишIэныгъэлэжьхэм ыкIи иинженерхэм цIыфлъэпкъыр ыпэкIэ лъыкIотэнымкIэ научнэ-технологическэ хахъохэр мызэу ыкIи мытIоу ашIыгъэх. Зэрэдунаеу уасэ зыфашIыгъэ шIэныгъэ еджапIэхэм, акъыл зыхэлъ хабзэхэм тэ тырялIэуж.

Урысые шIэныгъэ академиер илъэс 300 зэрэхъугъэр непэ хэтэгъэунэфыкIы. Ащ итарихъ — ар зэпымыоу зэIуагъэкIэгъэ шIэныгъ, тыкъэзуцухьэрэ дунаим ихабзэхэр зэгъэшIэгъэныр, я XX-рэ лIэшIэгъум — тихэгъэгу промышленнэ лъэубэкъушхоу ыдзыгъэр, дунаим икъогъупэмэ, изэманыбэмэ алъыIэсыгъэныр, Космосыр ушэтыгъэным, хышхомэ якуупIэмэ, атомым ишъэфмэ, чIыгум изытет зэрагъэшIэныр къадэхъугъ.

Академием лъапсэ фэзышIыгъэ Императорэу Петр Апэрэм къыщыублагъэу, сыд фэдэрэ къиныгъо уахътэ пштагъэми, наукэр хэгъэгум икIэгъэкъон.

Менделеев Дмитрий Иван ыкъом Донбасс ипромышленнэ чIыпIэхэр зэриущэтыщтхэм апылъыгъ. Пирогов Николай Иван ыкъом Севастополэу къауцухьагъэм щыпсэухэрэм ящыIэныгъэ къызэригъэнэжьыщтымкIэ ишIэныгъэ ыгъэфедэгъагъ. Курчатов Игорь Василий ыкъом энергетикэм ылъэныкъокIэ отрасль псау ыгъэпсыгъагъ ыкIи Советскэ Союзыр ядернэ уIэшыгъэ кIуачIэмкIэ апэ ишъыным ар фигъэIорышIэгъагъ.

Тинобелевскэ лауреатмэ Урысыер арэпагэ. Ахэмэ ащыщ зэлъашIэрэ химикэу Семенов Николай Николай ыкъор, зэпышIэгъэ химическэ реакциер ащ ыцIэ епхыгъэ хъугъэ.

Тэ тишIэныгъэр — ар апэ дэдэ сэнаущыгъэ зыхэлъ цIыфхэр ары. ЗиIоф шIу зылъэгъурэ нэбгрэ минишъэ пчъагъ — аспирантхэр ыкIи академикхэр, теоретикхэр ыкIи практикхэр, физикхэр ыкIи лирикхэр. Нэбгрэ пэпчъ шIэныгъэм фаблэрэ Прометей имашIо ыгу щеухъумэ, шъхьадж иIахь Iофышхоу зэдэдгъэцакIэрэм хелъхьэ.

Къэралыгъор зэрэфэлъэкIэу къыжъудэIэпыIэ. ШIэныгъэхэмрэ технологиехэмрэ я ИлъэсипшI къыдыхэлъытагъэхэу проектхэр щыIэх, научнэ инфраструктурэм, ныбжьыкIэ лабораториякIэхэм ыкIи грантовэ программэхэм мылъку ахалъхьэ.

ШIэныгъэм уищыIэныгъэ фэбгъэхьыныр — ащ къикIырэр ренэу ныбжьыкIэу укъэнэныр ары, ренэу гъунапкъэ кIыбымкIэ уплъэныр, къыбдэхъугъэм укъыщымыуцуныр, шъыпкъэм игухэлъышхо зыдэпIыгъыныр.

ШIэныгъэр — ар фэщэгъэныгъ, къыхэпхыгъэр ары, бэмэ къадэхъурэп.

Сыгу къыздеIэу сышъуфэлъаIо шъуигухэлъхэр къыжъудэхъунхэу, гухахъо шъуиIэ зэпытынэу, творческэ амалышIухэр жъугъотынхэу! 

МэфэкIымкIэ сышъуфэгушIо, сиIофшIэгъу лъапIэхэр!