Студентмэ аттестацие арагъэкIугъ
2022-2023-рэ еджэгъу илъэсхэм ателъытэгъэ егъэджэн планэу 35.03.04. «Агрономием» хагъэхьагъ квалификацие зэрэзэрагъэгъотырэ Модулэу «Лаборант химического анализа» зыфиIорэр.
Ащ мыщ фэдэ лъэныкъохэр хэхьагъэх: неорганическэ ыкIи аналитическэ химиер, органическэ химиер, физическэ ыкIи коллоиднэ химиер, агрохимиеу – сыхьат 396,35-рэ хъурэр.
Химическэ анализым илаборант — ар специалистэу, лабораторнэ уплъэкIунхэр псы зыхэтхэу, газообразнэхэу ыкIи пкъыгъо пытэхэу промышленностым иотраслэ зэфэшъхьафхэм — химическэхэм, физикэ-химическэхэм ыкIи инструментальнэ шIыкIэхэмкIэ товарнэ продукциемрэ тыкъэзыуцухьэрэ дунаимрэ къегъэжьапIэм, уахътэ зытешIэрэм анализ зышIыхэрэр ары.
Химическэ анализым илаборант иIэпэIэсэныгъэ шапхъэхэм мыщ фэдэ IофшIэнхэр хэхьэх:
—компонентхэр пэшIорыгъэшъэу мыгощыгъэхэу, шапхъэу агъэнэфагъэмкIэ анализ мыхьылъэхэр шIыгъэнхэр;
—шапхъэу агъэнэфагъэмкIэ псы зыхэтхэр, газообразнэхэр ыкIи пкъыгъо пытэхэр анализ хьылъэхэр шIыгъэнхэр.
Модулэу «Лаборант химического анализа» зыфиIорэмкIэ, лъэныкъоу 35.03.04. «АгрономиемкIэ» квалификацие зэрагъэгъотыным пае зэхащэгъэ аттестационнэ комиссием хэхьагъэх:
—аттестационнэ комиссием итхьаматэр: Шъхьащэкъо Фатим —агрохимическэ къулыкъоу «Адыгейский» зыфиIорэм и Гупчэ ипащ, биологие шIэныгъэхэмкIэ кандидат, доцент;
—комиссием хэтхэр: Мамсыр Нурбый — МКъТУ-м мэкъу-мэщ продукцием икъыдэгъэкIын итехнологиехэм якафедрэ ипащ, мэкъу-мэщ шIэныгъэхэмкIэ доктор, доцент; Наталья Сичко — МКъТУ-м химием ыкIи физикэ-химическэ шIыкIэхэм яушэтын икафедрэ идоцент, педагогикэ шIэныгъэхэмкIэ кандидат; Юрий Чумаченкэр — МКъТУ-м мэкъу-мэщ продукцием икъыдэгъэкIын итехнологиехэм якафедрэ идоцент, биологие шIэныгъэхэмкIэ кандидат; Шъхьапэцэ Аслъан— МКъТУ-м мэкъу-мэщ технологиехэмкIэ ифакультет идекан, мэкъу-мэщ шIэныгъэхэмкIэ кандидат;
— комиссием исекретарыр: Мария Галичевар — МКъТУ-м мэкъу-мэщ продукцием икъыдэгъэкIын итехнологиехэм якафедрэ идоцент, мэкъу-мэщ шIэныгъэхэмкIэ кандидат.
Модулыр атыным пае студентмэ хэушъхьафыкIыгъэ гъэцэкIэнхэр аратыгъэх:
- тестовэ гъэцэкIэныр (джэуап тэрэзыр къыхэхыгъэныр);
- зэхэшIыхьагъэм изытет къыхэгъэщыгъэныр;
- лабораторнэ IофшIэнэу «Аналитические признаки вещества и аналитические реакции» зыфиIорэр гъэцэкIэгъэныр.
Студентмэ гъэцэкIэнхэр щытхъу пылъэу къашIыгъэх, теоретическэ ыкIи практическэ ухьазырыныгъэ дэгъу къагъэлъэгъуагъ. Модулыр дэгъоу зытыгъэмэ квалификациеу «Лаборант химического анализа» зыфиIорэр яIэ зэрэхъугъэр къэзыушыхьатрэ удостоверениехэр аратыгъэх.