Мыекъопэ къэралыгъо технологическэ университетым иIофышIэхэу профессиональнэ ухьазырыныгъэм ишъолъыр программэу «Къэралыгъо ыкIи муниципальнэ гъэIорышIэныр. Адыгеим и ЛIыхъужъхэр» зыфиIорэм зиIахь хэзылъхьагъэхэр Адыгэ Республикэм и Къэралыгъо Совет-Хасэм ирэзэныгъэ тхылъхэмкIэ къыхагъэщыгъэх.

Къэралыгъо ыкIи муниципальнэ къулыкъухэм яIэпэIэсэныгъэ зыщыхагъахъорэ Гупчэу МКъТУ-м щылажьэрэр ары программэр зыщагъэцэкIагъэр, ащ къыхэлэжьагъэх РАНХиГС-р, гъэIорышIэнымкIэ Къыблэ-Урысые институтыр — РАНХиГС-м икъутамэ ыкIи Адыгэ Республикэм и Правительствэ. Егъэджэнхэр нэбгырэ 18-мэ акIугъ. Программэм гъэсэныгъэ модули 4, стажировкэхэр, практическэ десэхэр, эксперт зэIукIэгъухэр, дэкIыгъо культурнэ ыкIи командэ зэхэщэн Iофтхьабзэхэр хэтыгъэх. Егъэджэнхэр нэбгырэ 11-мэ дэгъу дэдэкIэ акIугъэх, плIыкIэ ыкIи тфыкIэ нэбгыриблымэ къаухыгъ. ШышъхьэIу мазэм программэм хэлэжьагъэмэ  профессиональнэ ухьазырыныгъэр зэряIэр къэзыушыхьатыжьырэ дипломхэр аратыжьыгъэх.

Гъэсэныгъэ процессыр зэрэзэхащагъэм ыкIи яIахь проектым игъэцэкIэн зэрэхалъхьагъэм пае рэзэныгъэ тхылъхэр кIэлэегъаджэхэм, подразделениемэ япащэхэм ыкIи университетым испециалистхэм аратыгъэх, ахэр программэм иедзыгъо зэфэшъхьафхэм ахэлэжьагъэх. Проектым игъэцэкIэн дэлэжьагъэхэм ащыщых Къэралыгъо ыкIи муниципальнэ къулыкъухэм яIэпэIэсэныгъэ зыщыхагъахъорэ Гупчэу МКъТУ-м иIэм иIофышIэхэр, университетым ипрофессорскэ-кIэлэегъэджэ купыр, пресс-къулыкъум испециалистыр,  цифровизациемкIэ гъэIорышIэныр, нэмыкI  подразделениехэр.  

Команднэ IофшIэнышхом а рэзэныгъэ тхылъхэр къыкIэлъыкIуагъэх. Университетым ибазэ мэхьанэшхо зиIэ гъэсэныгъэ программэр щырагъэкIокIын алъэкIыгъ, ащ егъэджэнхэр, практикэр, къэралыгъо ыкIи муниципальнэ гъэIорышIэным илъэныкъуабэхэр зэрипхыгъэх.

ТиIофшIэгъухэм тафэгушIо, программэу «Адыгеим и ЛIыхъужъхэр» зыфиIорэм зиIахь хэзылъхьагъэ нэбгырэ пэпчъ тыфэраз!