Мыекъопэ къэралыгъо технологическэ университетым акушерствэм ыкIи гинекологием якафедрэу иIэм ипащэу Виктория Попандопуло къэралыгъо демографическэ ыкIи унэгъо политикэм игъэцэкIэнкIэ Советэу Урысые Федерацием и Президент дэжь щыIэм цIыфхэм ярепродуктивнэ псауныгъэ икъэухъумэнкIэ купэу щызэхащагъэм хэхьагъ.

Виктория Попандопуло псауныгъэм икъэухъумэнкIэ Урысые Федерацием и Министерствэ Къыблэ федеральнэ шъолъырымкIэ  акушерствэмрэ  гинекологиемрэкIэ штатым хэмыт испециалист шъхьаI, джащ фэдэу бзылъфыгъэхэм ярепродуктивнэ псауныгъэмкIэ Къыблэ федеральнэ шъолъырым штатым хэмыт испециалист шъхьаIэу щыт. 

Рабочэ купым медицинскэ ыкIи научнэ сообществэхэм ялIыкIохэр, къэралыгъо хабзэм иорганхэр, хэгъэгум ишъолъыр зэфэшъхьафхэм япрофильных организациехэм къарыкIыгъэхэр зэрепхых. Ащ хэлажьэрэмэ ащыщых — акушерствэм ылъэныкъокIэ специалист пэрытхэр, гинекологием, урологием, педиатрием, репродуктивнэ псауныгъэм ыкIи демографием ащылажьэхэрэр. Джащ фэдэу рабочэ купым тхьаматагъор щызэрахьэ бзылъфыгъэхэм ярепродуктивнэ псауныгъэ икъэухъумэнкIэ Урысые Федерацием и Министерствэ штатым хэмыт специалист шъхьаIэу Наталия Долгушинар ыкIи РАН-м иакадемикэу, М.В. Ломоносовым ыцIэ зыхьырэ МГУ-м фундаментальнэ медицинэмкIэ ифакультет урологием ыкIи андрологием икафедрэ ипащэу Армаис Камаловыр.    

Виктория Попандопуло рабочэ купым зэрэхэхьагъэм къареты МКъТУ-м ыкIи Адыгэ Республикэм  профессиональнэ экспертизэр федеральнэ площадкэм къыщагъэлъэгъонэу, ащ бзылъфыгъэхэм ярепродуктивнэ псауныгъэ икъэухъумэн щытегущыIэх, къэралыгъо демографическэ ыкIи унэгъо политикэмкIэ предложениехэм ащыхаплъэх.

Мыекъопэ къэралыгъо технологическэ университетымкIэ мыщ фэдэ IофшIэным ялIыкIо зэрэхэлажьэрэм мэхьанэшхо иI: хэгъэгум испециалист пэрытхэм профессиональнэ зэдэлэжьэныгъэу адыряIэм зегъэушъомбгъугъэным зырагъэушъомбгъу, шъолъымрэ университетымрэ опытэу яIэр федеральнэ повесткэм хагъэхьан алъэкIы, унагъохэям япсауныгъэ къэухъумэгъэнымкIэ амалыкIэхэр къеты.