Мыекъопэ къэралыгъо технологическэ университетыр илъэс пчъагъэ хъугъэшъ тхьапэмэ якъэугъоин фэгъэхьыгъэ Урысые акциеу «БумБатл» зыфиIорэм хэлажьэ.

Мыекъопэ къэралыгъо технологическэ университетым Урысые проектэу «Неущрэ мафэм ибилет» зыфиIорэр щызэфашIыжьыгъ.

Непэ Мыекъопэ къэралыгъо технологическэ университетым Iэнэ хъураеу «Зыныбжь имыкъугъэхэр зыхафэхэрэ хъугъэ-шIагъэхэу гъогухэм атехъухьэхэрэр нахь макIэ хъунхэм апае шIэгъэн фаехэр» зыфиIорэр щыкIуагъ.

Апшъэрэ еджапIэм изэнэкъокъу пилот зэрымыс быбырэ аппаратхэмкIэ Мыекъопэ къэралыгъо технологическэ университетым непэ щыкIуагъ. Ар НТИ-м иплатформэ стратегическэ инициативэхэмкIэ и Агентствэ яIэпыIэгъоу зэхащагъ.

Мыекъопэ къэралыгъо технологическэ университетым джыри зэ къеушыхьаты сэнаущыгъэ зыхэлъхэм ыкIи инновациехэм якIыщэу зэрэщытыр: стартапихэу студентхэмрэ апшъэрэ еджапIэм икIэлэегъаджэхэмрэ зэхагъэуцуагъэхэр Урысыем иуниверситетскэ проект анахь дэгъу ТОП-1000-м хэфагъэх.

Непэ Мыекъопэ къэралыгъо технологическэ университетым гъэсэныгъэ Iофтхьабзэу «Архитектурэм, дизайным ыкIи урбанистикэм яныбжьыкIэ лабораторий» зыфиIорэр щыкIуагъ. Ар студентхэм ыкIи кIэлэеджакIохэм апае МКъТУ-м и «Точка кипение» игъогу картэ къыдыхэлъытагъэу зэхащагъ.

Мыекъопэ къэралыгъо технологическэ университетым Шэуджэн районым щыщ кIэлэеджакIохэу я 9-рэ ыкIи я 2-рэ гырыт еджапIэмэ ащеджэхэрэр щыIагъэх, сэнэхьат къыхэхыным фэгъэхьыгъэ Iофтхьабзэхэр ахэм афызахащэгъагъ.

ХэушъхьафыкIыгъэ дзэ операцием хэлажьэрэмэ апае Мыекъопэ къэралыгъо технологическэ университетым зашъохэрэ псы тонн 20 къыщэфыгъ ыкIи афаригъэщагъ.

Мы мафэхэм шIэныгъэмэ я Гупчэу «Машук» гъэсэныгъэ программэу «ЛIэужхэм амакъ» зыфиIорэр щызэфашIыжьыгъ. Ащ къэралыгъом иапшъэрэ еджапIэмэ ялIыкIо 200-м ехъу ыугъоигъагъ: ныбжьыкIэ политикэмкIэ проректорхэр, деканхэр, кIэлэегъаджэхэр ыкIи фэшъхьаф специалистхэр.

Урысыем и «Точка кипение» ипрограммнэ пащэхэу ыкIи пэрытхэу нэбгырэ 50-м ехъу гъэ къэс рагъэкIокIырэ технологическэ зэфэсэу Баркемпе 2024-рэ зыфиIорэм хэлэжьагъэх.

Мыекъопэ къэралыгъо технологическэ университетым истудентхэр гурыт еджапIэу №6-м щыIагъэх, ащ чIэс кIэлэеджакIомэ шъоущыгъу узым фэгъэхьыгъэ лекцие къафеджагъэх. Iофтхьабзэр диабетым ебэныгъэным и Дунэе мафэ фэгъэхьыгъагъ.

Аужырэ мэзитIум университетым иIофышIэмэ ХэушъхьафыкIыгъэ дзэ операцием хэлажьэрэмэ адэIэпыIэнхэм пае ахъщэ къаугъоигъ, ар сомэ мин 500-м ехъугъ.

Мы блэкIыгъэ зыгъэпсэфыгъо мафэхэм командэу «Динамо-МКъТУ-м» Курскэ хэкум икомандэу «Русичи» зыцIэм ешIэгъуитIу дыриIагъ ыкIи ахэм пчъагъэр 75-56-у ыкIи 74-69-у атекIуагъ.

Непэ Мыекъопэ къэралыгъо технологическэ университетым истудентхэр Урысые дзэ-патриотическэ акциеу «ДзэкIолIым письмэ фэтэтхы» зыфиIорэм хэлэжьагъэх.  

Программэу «Къулыкъу ахьызэ егъэджэгъэнхэр» зыфиIорэм игъэцэкIэн хэлажьэхэрэ кIэлэегъаджэхэм апае семинар Мыекъопэ къэралыгъо технологическэ университетым щыкIуагъ. Очнэ ыкIи онлайн шIыкIэр агъэфедэзэ семинарым нэбыгрэ 35-рэ хэлэжьагъ, ахэмэ МКъТУ-м икъутамэу поселкэу Яблоновскэм дэтым иIофышIэхэри ахэтыгъэх.

Мыекъопэ къэралыгъо технологическэ университетым химием ыкIи физикэ-химическэ шIыкIэхэм яушэтынкIэ икафедрэ иIофышIэхэу  Марина Стальнаямрэ  Наталья Сичкорэ студентхэр ягъусэхэу хэушъхьафыкIыгъэ дзэ операцием щыIэхэм апае ухъумэкIо хъытыухэр ахъыгъэх.

АР-м финансхэмкIэ и Министерствэ яIэпыIэгъоу финансовэ гъэсэныгъэмкIэ Шъолъыр гупчэм зэхищэгъэ Фестивалыр зэфашIыжьыгъ.

Мыекъопэ къэралыгъо технологическэ университетым Iэнэ хъураеу «Цифрэ трансформацие зыщыкIорэ уахътэм автотранспортнэ отраслэм хэхъоныгъэ зэришIырэр» зыфиIорэр щыкIуагъ.

ШэкIогъум и 4-м къыщыублагъэу и 6-м нэс Урысые обществэу «ШIэныгъэм» ипроект пэрытым федеральнэ шъолъырхэр зэкIэ зэлъиубытыгъэх, шъолъырыкIэхэри зэрахэтхэу. Площадкибгъумэ ныбжьыкIэ нэбгырэ мин 25-рэ ащызэрэугъоигъэх, нэбгырэ миллион фэдиз онлайнкIэ гъусэгъу къафэхъугъэх. КъэкIощт гъатхэм ашIэщтыри агъэнэфагъ: къыкIэлъыкIорэ марафонэу «ШIэныгъэхэр.Апэрэхэр» зыфиIорэр Хэгъэгу зэошхом текIоныгъэ къызщыдахыгъэм ия 80-рэ илъэс фэгъэхьыгъэщт.

Мыекъопэ къэралыгъо технологическэ университетым и Медиститут загъэпсыгъэр илъэс 20 зэрэхъурэм ипэгъокIэу ащ иIофышIэхэмрэ истудентхэмрэ дэкIыгъо Iофтхьабзэу «ЛIэужхэм яшIэжь» зыфиIорэр къуаджэу Хьакурынэхьаблэ щызэхащагъ.