Урысыем и «Точка кипение» ипрограммнэ пащэхэу ыкIи пэрытхэу нэбгырэ 50-м ехъу гъэ къэс рагъэкIокIырэ технологическэ зэфэсэу Баркемпе 2024-рэ зыфиIорэм хэлэжьагъэх.

Мыекъопэ къэралыгъо технологическэ университетыр къэзгъэлъэгъуагъэр маркетингымкIэ, сервисымкIэ ыкIи туризмэмкIэ кафедрэм идоцентэу, МКъТУ-м и ТК ипрограммнэ пащэу Светлана Новиковар ары.

Баркемпым амалышIухэр къаритыгъэх яшIэныгъэхэмкIэ ыкIи опытэу аIэкIэлъымкIэ зэхъожьынхэу, ныбджэгъуныгъэ зэфыщытыкIэхэр зэфашIынхэу ыкIи технологиехэмрэ инновациехэмрэ алъэныкъокIэ зэдэлэжьэнхэу.

Анахь хъугъэ-шIэгъэ шъхьаIэхэм ащыщыгъэх — авиациемкIэ проектхэу АО «ГЛОНАСС» япащэу Сергей Кукаревым илекциеу «Открытие неба, о связи космических и беспилотных авиационных технологий» зыфиIорэр, федеральнэ проектэу «Предпринимательхэм яуниверситет» зыцIэм илъэтегъэуцо; гупшысэным ыкIи инженернэ творчествэу гупшысэгъухэм я Клубхэм яфестиваль; экспертнэ зэхэгущыIэжьэу «Сувереннэ технологиехэр: БПЛА»; инновациехэм адэлэжьэгъэнымкIэ Фондым игенеральнэ пащэу Сергея Поляковым ыкIи проектэу аштагъэхэм япащэхэм зэIукIэгъухэр адыряIагъэх; сессиеу «ИИ-р гъэсэныгъэм: машиннэ егъэджэным имодельхэр еджапIэхэм ыкIи апшъэрэ еджапIэхэм зэрэхагъахьэхэрэр» зыфиIорэр щыIагъ; стратегическэ сессиеу «НПЦ: статус создания сети региональных центров производства дронов и трансфер технологий в страны БРИКС» зыфиIорэри рагъэкIокIыгъ.

Iофтхьабзэм къыщыгущыIагъэхэр: НТИ-м и Фонд исовет итхьаматэу, Урысые Федерацием и Президент цифрэ ыкIи технологическэ хэхъоныгъэхэмкIэ илIыкIоу, АНО «Платформа НТИ» зыцIэм игенеральнэ пащэу Дмитрий Песковыр; Санкт-Петербург ивице-губернаторэу Владимир Княгининыр; Санкт-Петербург ивице-губернаторэу Кирилл Поляковыр; Лъэпкъ технологическэ инициативэхэм япроектхэм IэпыIэгъу ятыгъэным и Фонд ипащэу (Фонд НТИ) Вадим Медведевыр; инновациехэм адэлэжьэгъэнымкIэ Фондым ипащэу Сергей Поляковыр; Фондэу «Сколково» зыфиIорэм игъэIорышIапIэ итхьаматэ игуадзэу Станислав Волошиныр, нэмыкIхэр.

Баркемпым къыдыхэлъытагъэу Точка кипением и Техно-зэфэс зэхащагъ. ТхьамэфитIурэ кIогъэ сессием Iофыгъо шъхьаIэхэр къыщаIэтыгъэх: ТК-м икомандэхэм яупчIэхэр зэхэфыгъэнхэр, сетевой инициативэхэм ядэгъугъэ къэIэтыгъэнымкIэ ТК-м ышIэн фаехэр, технологическэ лъэныкъохэм хэхъоныгъэхэр ягъэшIыгъэнхэр.

Техно-зэфэсым хэлэжьагъэхэр яшIошIхэмкIэ зэхъожьыгъэх, БАС-сообществэхэм хэхъоныгъэхэр зэрарагъэшIыщтым зэдегупшысагъэх, проектхэм ягъэцэкIэн шъолъырхэм зэрэщызэхэщагъэхэм ахэплъагъэх.