Мыекъопэ къэралыгъо технологическэ университетыр гуманитарнэ IэпыIэгъум иугъоин хэлэжьагъ, Партиеу «Единэ Россиер» икIэщакIоу Iофтхьабзэр агъэцакIэ. Iоныгъо мазэм шъхьафит ашIыжьыгъэ шъолъырхэм IэпыIэгъур афащэщт.

Непэ Мыекъопэ къэралыгъо технологическэ университетым ищагу цIыкIу щымэфэкIышхуагъ. ШIэныгъэм и Мафэ фэгъэхьыгъэ торжественнэ зэхахьэ мыщ щыкIуагъ, МКъТУ-м мыгъэ къычIэхьэгъэ нэбгырэ 2500-м ехъу ащ хэлэжьагъэх.

Гъэсэныгъэмрэ шIэныгъэмрэкIэ УФ-м и Министрэу Валерий Фальковыр еджэгъу илъэсыкIэмкIэ студентхэмрэ кIэлэегъаджэхэмрэ къафэгушIуагъ.

Мы мафэхэм Мыекъопэ къэралыгъо технологическэ университетым къэралыгъо ыкIи муниципальнэ къулыкъушIэхэр зыщырагъаджэхэрэ Гупчэу иIэм тедзэ программэу «Командэм шIуагъэ къытэу узэрэщылэжьэщтыр. Аудиторием Iоф зэрэдэпшIэщтыр ыкIи цIыфмэ апашъхьэ укъызэрэщыгущыIэщтыр» зыфиIорэмкIэ егъэджэнхэр щырагъэжьагъэх.

Технологическэ хэхъоныгъэмкIэ «Технопром-2025-рэ» зыфиIорэ я XII-рэ Дунэе форумыр Новосибирскэ щэкIо. Урысые научнэ-технологическэ тхьамафэм ихъугъэ-шIагъэ гупчэу Iофтхьабзэр хъугъэ. Ащ Урысыем ишъолъыр 50, джащ фэдэу Китаим, Японием, ОАЭ-м ыкIи Африкэ хэгъэгухэм къарыкIыгъэхэр зэрипхыгъэх. Форумым итемэ шъхьаIэр — «Наукэр, кадрэхэр, индустриер: технологическэ пэрытныгъэр къэзгъэпсырэр» — зэдэлэжьэныгъэу наукэм, гъэсэныгъэм ыкIи производствэм зэдыряIэр.

«ГъэсакIомэ яеджапI» — проект шIагъоу пэрытхэр къызщыхъухэрэр, ныбджэгъухэр зыщашIыхэрэр, студенческэ щыIакIэр зыщыпхыращырэр ары! ТигъэсакIохэр — университетым ыгу щыщых, МКъТУ-м иунэгъошхорэ апэрэ курсым щеджэхэрэмрэ зэзыпхырэ лъэмыджых. Ахэмэ яхьатыркIэ нэбгырэ пэпчъ ядэжь исым фэдэу къыщэхъу.

Гъэсэныгъэ проектэу «Адыгеим и ЛIыхъужъхэр» зыфиIорэм иапэрэ егъэджэн тхьамафэ зэранэкIыгъ, къэралыгъо ыкIи муниципальнэ гъэIорышIэным фэгъэзэгъэщтхэу хэушъхьафыкIыгъэ дзэ операцием иветеранхэр ары щеджэхэрэр.

Мыекъопэ къэралыгъо технологическэ университетым лъэшэу анаIэ щытырагъэты студентхэмрэ IофышIэхэмрэ, ахэмэ социальнэ IэпыIэгъу ятыгъэным. Ар къеушыхьаты 2024-2025-рэ еджэгъу илъэсхэм Iоф зэрашIагъэм апшъэрэ еджапIэм ишIэныгъэлэжьхэм ясовет ибюджетнэ-социальнэ комиссие зэфэхьысыжьэу къыфишIыгъэм.

Мыекъопэ къэралыгъо технологическэ университетым шIэныгъэлэжьхэм ясовет изэхэсыгъо щыкIуагъ, ащ тхьаматагъор щызэрихьагъ ректорэу Къуижъ Саидэ. Советым иIофшIэн хэлэжьагъ МКъТУ-м ипрезидентэу ТхьакIущынэ Аслъан.

Мыекъопэ къэралыгъо технологическэ университетым иректорэу Къуижъ Саидэ ухъумэнымкIэ Урысые Федерацием имедалэу «За помощь и милосердие» зыфиIорэр къыфагъэшъошагъ.

Непэ Мыекъопэ къэралыгъо технологическэ университетым торжественнэ шIыкIэм тетэу хэушъхьафыкIыгъэ дзэ операцием хэлэжьагъэмэ япрофессиональнэ гъэхьазырын фэгъэхьыгъэ шъолъыр программэу «Къэралыгъо ыкIи муниципальнэ гъэIорышIэныр. Адыгеим и ЛIыхъужъхэр» зыфиIорэр къызэIуахыгъ.

Мыекъопэ къэралыгъо технологическэ университетым ипрофессорскэ-кIэлэегъэджэ купрэ студентхэмрэ Урысыем и Къэралыгъо быракъ и Мафэ фэгъэхьыгъэ торжественнэ зэхахьэм хэлэжьагъэх.

Мыекъопэ къэралыгъо технологическэ университетым и Медицинскэ институт илечебнэ факультет истудентхэу Арсен Паладовыр ыкIи Артуш Туманяныр дунэе стажировкэу къалэу Ереван дэт Медицинскэ гупчэу Григор Лусаворичым ыцIэ зыхьырэм щыкIуагъэм хэлэжьагъэх.

Мэкъу-мэщ технологиехэм яфакультет торжественнэ Iофтхьабзэ щыкIуагъ — апшъэрэ гъэсэныгъэ зэрагъотыгъэр къэзыушыхьатырэ дипломхэр нэбгырэ 48-мэ аратыжьыгъэх.

Къэралыгъо ыкIи муниципальнэ къулыкъушIэхэм яIэпэIэсэныгъэ зыщыхагъахъорэ Гупчэу Мыекъопэ къэралыгъо технологическэ университетым иIэм къэралыгъо ыкIи муниципальнэ къулыкъушIэ нэбгыри 120-рэ щеджагъ.

Тигуапэу къэтэIопщы, Мыекъопэ къэралыгъо технологическэ университетыр Урысыем ипэрыт апшъэрэ еджапIэхэу ыкIи колледжхэу къахахыгъэ 20-мэ ахэфагъ, университетэу къыхахыгъэхэр дронхэм язэпэгъэчъэнкIэ студенческэ лигэм игупчэхэу хъущтых.

Нэбгырэ 25-мэ апае студенческэ щыIакIэм «иаужырэ одыджыныр» къытеуагъ. Ахэмэ ащыщэу нэбгыриблыр дэгъу дэдэу еджагъэх, ягуетыныгъэрэ яIофшIагъэрэ гъэхъагъэхэр къакIэлъыкIуагъэх.

Мыекъопэ къэралыгъо технологическэ университетым и Медицинскэ институт истудентиблымэ егъэджэн практикэр гражданскэ авиацием иклиническэ сымэджэщ Гупчэ щахьыгъ.

Проектэу «ШIэныгъэр.Къэралыгъор» зыфиIорэм къыдыхэлъытагъэу Адыгэ Республикэм и Прокуратурэ иIофышIэхэм апае гъэсэныгъэ Iофтхьабзэ Мыекъопэ къэралыгъо технологическэ университетым щызэхащагъ.

Мыекъопэ къэралыгъо технологическэ университетым къэралыгъо ыкIи муниципальнэ къулыкъушIэхэм якомпетенциехэм хэхъоныгъэ ягъэшIыгъэнымкIэ и Гупчэ къэралыгъо ыкIи муниципальнэ къулыкъушIэхэм яIэпэIэсэныгъэ хэгъэхъогъэным фэгъэхьыгъэ курсхэр щырагъэжьагъэх.