«ГъэсакIомэ яеджапI» — проект шIагъоу пэрытхэр къызщыхъухэрэр, ныбджэгъухэр зыщашIыхэрэр, студенческэ щыIакIэр зыщыпхыращырэр ары! ТигъэсакIохэр — университетым ыгу щыщых, МКъТУ-м иунэгъошхорэ апэрэ курсым щеджэхэрэмрэ зэзыпхырэ лъэмыджых. Ахэмэ яхьатыркIэ нэбгырэ пэпчъ ядэжь исым фэдэу къыщэхъу.

Мафэм ипрограммэ игъэкIотыгъэу щытыгъ:

Гъэхъагъэмэ ястратегие. «ГъэсакIомэ якорпус» ипащэу Игорь Пивоваровым IофшIэным стратегическэ вектор къыфишIыгъ, гъэсакIо хъущтмэ проектым ифилософие къафызэIуихыгъ, ащ изэхэщэкIо структурэ ыкIи пшъэрылъэу еджэгъу илъэсымкIэ щыIэхэр къыриIотыкIыгъэх.

IэкIоцI нэплъэгъу. НыбжьыкIэ политикэмкIэ ыкIи гъэсэкIо IофшIэнымкIэ проректорэу БрантIэ Мурат къыIотагъ гъэсакIохэр студентхэмрэ апшъэрэ еджапIэм иадминистрацие иIофышIэхэмрэ зэряпхыгъэхэр. Ащ къыкIигъэтхъыгъ, гъэсакIомэ студентхэр щыIэныгъэм хагъэгъозэхэрэ къодыеп, мафэ къэс къэуцурэ Iофыгъохэм язэшIохын чанэу хэлажьэх.

ЗэдэгущыIэнымкIэ искусствэр. МКъТУ-м ипсихологическэ къулыкъу ипащэу, психологическэ шIэныгъэхэмкIэ кандидатэу Людмила Красновам мастер-классэу ригъэкIокIыгъэр зэпхыныгъэхэм япсихологие, апэрэ курсым щеджэхэрэр зэрэзэдэпсэущтхэм яшъэфхэм афэгъэхьыгъагъ.

Федеральнэ амалхэр. Мыщ хэлажьэрэмэ «О уикIогъу» зыфиIорэ программэм зыщагъэгъозагъ, джащ фэдэу урысые проектхэу апэрэ курсым щеджэрэмэ ателъытагъэм.

АмыуплъэкIужьырэр. Коблэ Лаурэ ыкIи Елизавета Текучевар лечебнэ факультетым ыкIи мэкъу-мэщ технологиехэм яфакультет ягъэсэкIо шъхьаIэх, ахэмэ къаIотагъ апэрэ курсым исхэр зэуалIэхэрэр: щынэным ебэнынхэм къащегъэжьагъэу унэ хъызмэт Iофхэм анэсыжьэу. Ахэмэ опытэу яIэмрэ ауплъэкIугъахэ лайфхакхэмрэ студентхэм ашъхьагъ итыщтхэмкIэ IэпыIэгъушIу хъугъэ.

Гъогушхом ар икъежьапI! ТапэкIэ тикомандэ гъэлъэшыгъэ егъэджэнхэр илъых, пшъэрылъэу Iоныгъо мазэм фагъэуцугъэхэр агъэцэкIэщтых. ТикIалэмэ яшIуагъэкIэ мыгъэрэ еджэгъу илъэсыр апэрэ курсым ихьагъэхэм къазэрафэпсынкIэщтым тицыхьэ телъ.

Командэм шъукъеблагъэх!