Непэ Мыекъопэ къэралыгъо технологическэ университетым ищагу цIыкIу щымэфэкIышхуагъ. ШIэныгъэм и Мафэ фэгъэхьыгъэ торжественнэ зэхахьэ мыщ щыкIуагъ, МКъТУ-м мыгъэ къычIэхьэгъэ нэбгырэ 2500-м ехъу ащ хэлэжьагъэх.

МэфэкI программэр университетым ипащэхэм яшIуфэсхэмкIэ къызэIуахыгъ. Университетым ипроректорхэр, факультетхэм ядеканхэр студентмэ афэгушIуагъэх, еджэгъу илъэсхэм зэгъусэщтхэр ащ тетэу нэIуасэ зэфэхъугъэх.

Мыекъопэ къэралыгъо технологическэ университетым иректорэу, экономикэ шIэныгъэхэмкIэ докторэу Къуижъ Саидэ ишIуфэс псалъэ къыщыкIигъэтхъыгъ, гъэсэныгъэ программэу зэреджэщтхэр анахь дэгъухэм зэращыщыр, заушэтынымкIэ студентмэ амалышхохэр зэряIэхэр, ащ фэдэхэр университетым къазэрэпигъохыщтыр ыкIи ар ахэм къяджагъ нахь чанэу МКъТУ-м иобщественнэ, научнэ ыкIи творческэ щыIакIэ къыхэлэжьэнхэу.

Абитуриентхэу университетым аштагъэхэм якъыхэгъэщын мэфэкI Iофтхьабзэм чIыпIэ хэхыгъэ щиубытыгъ. Iэгушъо афытеохэзэ ахэр къыхащыщтыгъэх, ЗыкI къэралыгъо ушэтынхэр дэгъоу зытыхи, мыщ къычIэхьагъэхэмэ шIухьафтынхэу къашъхьэпэщтхэр аратыгъэх, ащ тетэу университетым ахэр ыгъэлъэпIагъэх, шIэныгъэм зыфакъудыиным фытырагъэпсыхьагъэх.

Торжественнэ зэхахьэм ыуж апэрэ курсым ихьагъэхэр яфакультетхэм нэIуасэ зафашIыгъ, ар университетскэ щыIакIэм хэхьанхэмкIэ апэрэ лъэубэкъушIу хъугъэ. Апэрэ егъэджэн Iофтхьабзэхэр зыфэдэхэр зэхашIагъэх, университетым иунагъо щыщхэу залъытэшъугъ.

Апэрэ курсым ихьагъэхэ ныбджэгъу лъапIэхэр! Мыекъопэ къэралыгъо технологическэ университетым щылажьэхэрэри щеджэхэрэри агу къадеIэу шIэныгъэм и МафэкIэ къышъуфэгушIох! Студенческэ илъэсхэу шъуапэ илъхэм шIэныгъакIэхэр ащыжъугъотхэу, творческэ текIоныгъабэхэр къыжъудэхъухэу, щыIэкIэ шIагъо шъуиIэнхэу къышъуфэлъаIох!

Шъукъеблагъэх МКъТУ-м — апшъэрэ еджапIэу зихабзэхэмкIэ баеу, зинеущрэ мафэ шIагъоу щытым!