Профессиональнэ IэпэIэсэныгъэмкIэ зэнэкъокъоу «Профессионалхэр-2025-рэ» зыфиIорэм ишъолъыр едзыгъо Адыгэ Республикэм щылъагъэкIуатэ. Шъолъырым ит колледжхэм ыкIи еджапIэхэм ащеджэхэрэм яшIэныгъэрэ яIэпэIэсэныгъэрэ профессиональнэ лъэныкъуабэхэмкIэ аушэты.

Программэу «Гъэхъагъэм игъунапкъэхэр: МКъТУ-м уригъусэу неущрэ мафэм икартэ зэхэгъэуцу» зыфиIорэм къыдыхэлъытагъэу Мыекъопэ къэралыгъо технологическэ университетым илIыкIохэм гъэсэныгъэ учреждениехэу поселкэу Зэкъошныгъэм, къуаджэу Красногвардейскэм, станицэхэу Новомышастовскаям ыкIи Полтавскаям адэтхэр къакIухьагъэх.

Мыекъопэ къэралыгъо технологичесэ университетымрэ гурыт еджапIэу №17-рэ зэрэзэдэлажьэхэрэм елъытыгъэу сэнэхьатым икъыхэхын фэгъэхьыгъэ Iофтхьабзэ кIэлэеджакIохэм афызэхащагъ.

Непэ Мыекъопэ къэралыгъо технологическэ университетым Урысыем истуденческэ спортивнэ клубхэм я Ассоциацие изэнэкъокъухэм яедзыгъо шъхьаIэ щырагъэжьагъ.

Мыекъопэ къэралыгъо технологическэ университетым хэхьэрэ Дзэ егъэджэн гупчэм икIэлэегъаджэхэмрэ икурсантхэмрэ лъы тыным фэгъэхьыгъэ акцием хэлэжьагъэх, ар Хэгъэгум и УхъумакIо имафэ фэгъэхьыгъагъ.

Урысые студенческэ отрядхэм я Мафэ ихэгъэунэфыкIын къыдыхэлъытагъэу Мыекъопэ къэралыгъо технологическэ университетым истудентэу Олег Носиковым РСО-м иштаб гупчэ иапшъэрэ рэзэныгъэ тхылъ къыфагъэшъошагъ. Урысые студенческэ отрядхэр 2018-рэ илъэсым къыщыублагъэу Адыгеим чанэу щэлажьэх.

Урысые обществэу «ШIэныгъэм» ишъолъыр къутамэрэ Мыекъопэ къэралыгъо технологическэ университетым хэхьэрэ Дзэ егъэджэн гупчэмрэ зэгъусэхэу Мыекъопэ районым иныбжьыкIэ отрядэу гъэсэныгъэ Гупчэу №4-м щеджэрэмэ апае Iофтхьабзэ зэхащагъ, ар сэнэхьатым икъыхэхын фэгъэхьыгъагъ.

Непэ Мыекъопэ къэралыгъо технологическэ университетым иIофышIэхэр ыкIи истудентхэр ЕгъэшIэрэ машIом имемориал щыкIогъэ патриотическэ акциеу Адыгеир нэмыц-фашист техакIохэм къазщытырахыжьыгъэр илъэс 82-рэ зэрэхъурэм фэгъэхьыгъэм хэлэжьагъэх.

Социальнэ проектхэм яя VII-рэ зэнэкъокъоу «Инносоциум» зыфиIорэм иэкспертхэм зэфэхьысыжьхэр ашIыгъэх, ащ елъытыгъэу финалистхэр къэнэфагъэх. Заявкэ 1 305-м щыщэу проект 24-рэ къыхахыгъэр, номинаций пэпчъ щырыщ.

Профессиональнэ IэпэIэсэныгъэу «Профессионалхэр» зыфиIорэ Лъэпкъ чемпионатым ишъолъыр едзыгъо Адыгэ Республикэм мэзаем и 11-м къыщыублагъэу и 15-м нэс щырекIокIыгъ.

Мыекъопэ къэралыгъо технологическэ университетымрэ транспортымкIэ Донецкэ академиемрэ зэгъусэхэу я XI-рэ ЗэIухыгъэ апшъэрэ еджэпIэ конференциеу «Транспортнэ отраслэм игумэкIыгъохэр, ащ хэхъоныгъэ ышIынымкIэ пшъэрылъхэр» зыфиIорэр урысые наукэм и Мафэ фэгъэхьыгъэу зэхащагъ.

Пилот зэрымыс авиационнэ системэхэм афэгъэхьыгъэ Урысые форумым иятIонэрэ мафэ практическэ Iофтхьабзэхэр зэхащагъэх.

Федеральнэ проектэу «Профессионалитетым» иамбассадорхэм гурыт еджапIэу №9-м щеджэрэ кIэлэеджакIохэм гъэсэныгъэ медицинскэ кластерэу «ПрофиМед» зыфиIорэр арагъэлъэгъугъ.

Мыекъопэ къэралыгъо технологическэ университетым пилот зэрымыс быбырэ аппаратхэм афэгъэхьыгъэ Урысые форумыр щызэфашIыжьыгъ, ащ хэгъэгум ишъолъырипшIымэ къарыкIыгъэ нэбгырэ 500 фэдиз хэлэжьагъ. Iофтхьабзэм джащ фэдэу хэтыгъэх университетхэм адэжь щыIэхэ дзэ егъэджэн гупчи 9-мэ ялIыкIохэр.

2024-рэ илъэсым ищылэ мазэ Урысые обществэу «ШIэныгъэм» и Координационнэ совет иунашъокIэ Адыгэ Республикэм ЛъыплъэкIо советым ишъолъыр къутамэ щызэхащагъ, ащ тхьаматагъор щызэрехьэ АР-м и ЛIышъхьэу КъумпIыл Муратэ. Непэ республикэм иправительствэ апэрэ зэхэсыгъор щырагъэкIокIыгъ, ар зэрищагъ советым итхьаматэ игуадзэу, АР-м и ЛIышъхьэ ыкIи Министрэхэм я Кабинет и Администрацие ипащэу Владимир Свеженец.

Урысые форумэу «Пилот зэрымыс авиационнэ системэхэр: хэхъоныгъэмкIэ амалхэр» зыфиIорэм иапэрэ мафэ нэбгыришъэм нахьыбэ хэлэжьагъ — экспертхэр, хэбзэ органхэм ялIыкIохэр, кIэлэегъаджэхэр, студентхэр ыкIи ныбжьыкIэ специалистхэу зиIофшIэн пилот зэрымыс авиационнэ технологиехэм языпхыхэрэр, джащ фэдэу МКъТУ-м хэхьэрэ Дзэ егъэджэн гупчэм иIофышIэхэмрэ истудентхэмрэ, Астраханскэ къэралыгъо университетэу Татищевэм ыцIэ зыхьырэм, къэралыгъо мэкъу-мэщ университетэу Трубилинэм ыцIэ зыхьырэм, Луганскэ къэралыгъо университетэу Далым ыцIэ зыхьырэм, Къэбэртэе-Бэлъкъар къэралыгъо университетым, Бауманым ыцIэ зыхьырэ МКъТУ-м, Темыр-Кавказскэ федеральнэ университетым, Темыр-Кавказскэ къэралыгъо академием, Къыблэ федеральнэ университетым къарыкIыгъэхэр.

Мыекъопэ къэралыгъо технологическэ университетым истудентхэр экологическэ информацием и Гупчэ изэхэсыгъоу «ХьакIэщ уцышъор» зыфиIорэм хэлэжьагъэх, ар Адыгэ Республикэм и Лъэпкъ тхылъеджапIэ щыкIуагъ. ЗэIукIэгъум темэу иIагъэр — «Анахь агъэлъапIэрэ хэкIыпIэхэр».

Непэ Мыекъопэ къэралыгъо технологическэ университетым торжественнэ шIыкIэм тетэу Урысые форумэу «Пилот зэрымыс авиационнэ системэхэр: хэхъоныгъэмкIэ амалэу щыIэхэр» зыфиIорэр къыщызэIуахыгъ. Форумыр Хэгъэгум и УхъумакIо и Илъэсэу УФ-м и Президент иунашъокIэ агъэнэфагъэм къдыхэлъытагъэу зэхащэ ыкIи ТекIоныгъэр хэгъэгу зэошхом къызщыдахыгъэр илъэс 80 зэрэхъурэм ехъулIэу рагъэкIокIы.

Профессиональнэ IэпэIэсэныгъэу «Профессионалхэр 2025-рэ» зыфиIорэм и Чемпионат ишъолъыр едзыгъо Адыгэ Республикэм щырагъэжьагъ. Федеральнэ проектэу «Профессионалитетым» ыкIи лъэпкъ проектэу «Гъэсэныгъэм» къадыхэлъытагъэу Iофтхьабзэр рагъэкIокIы.

Мыекъопэ къэралыгъо технологическэ университетым истудентхэр Анапэ щыIэх, ошIэ-дэмышIэ Iофхэм къакIэлъыкIогъэ гумэкIыгъохэр дагъэзыжьых. ГуфакIохэр хы Iушъом щэлажьэх, пшахъор аутхыдзы, пыдзафэхэр Iуахыжьых, экологическэ зытетыр нахьышIу зэрашIыщтым пылъых.