Урысые предпринимательствэм итарихъ фэгъэхьыгъэ Урысые Олимпиадэм ишъолъыр едзыгъо МКъТУ-м экономикэ гъэIорышIэнымкIэ ифакультет истудентхэр щытекIуагъэх. Научнэ пащэр — экономикэ гъэIорышIэнымкIэ факультетым идекан шIэныгъэмкIэ игуадзэу, доцентэу Хьамырзэ Саид.

Iофтхьабзэм ипэублэм зэнэкъокъумэ ахэлажьэхэрэм шIуфэс псалъэкIэ закъыфигъэзагъ «Деловая Россия» зыфиIорэ организацием и Адыгэ шъолъыр къутамэ ипащэу Татьяна Мамонтовам. Ащ къыкIигъэтхъыгъ тарихъымкIэ шIэныгъэхэр уиIэхэ хъумэ, бизнесымкIи фэшъхьаф лъэныкъохэмкIи къызэрэпшъхьапэрэр.

Хэлажьэрэмэ уасэ афэшIыгъэным пае зэнэкъокъум икомиссие зэхащагъ, ащ хэхьагъэх экономикэм, бизнесым ыкIи гъэсэныгъэм яспециалистхэр.

— «Предпринимательствэр — ар федэ къэпхьын закъоу щытэп, обществэмкIэ мэхьанэ зиIэ сэнэхьат Iоф. Тарихъым къызэригъэлъагъорэмкIэ, сатыушIэхэр ары тихэгъэгу ыпэкIэ лъызгъэкIуатэрэр, — къыхагъэщыгъ олимпиадэм изэхэщакIохэм.

Iофтхьабзэр макIофэ студентмэ яшIэныгъэхэр къагъэлъэгъуагъэх, ау ащ дакIоу шыкIакIэхэр, IэпэIэсэныгъэу ахэлъыр къызэIуахыгъ, гъэцэкIэнхэр шапхъэхэу эссе ыкIи тест шIыкIэу гъэпсыгъагъэх. Адыгеим исатыушIэмэ япрактикэ анахь дэгъухэми нэIуасэ зафашIыгъ.

Олимпиадэм щытекIуагъэхэр:

а I-рэ чIыпIэр — Къат Диан; 

я II-рэ чIыпIэр — Индрысэ Замир;

я III-рэ чIыпIэр — Вероника Мажаринар.

Шъолъыр едзыгъом щытекIуагъэр федеральнэ зэнэкъокъухэу Москва щыкIощтхэм ахэлэжьэщт, Адыгеир къащигъэлъэгъощт.

«Деловая Россия» зыфиIорэ организациемрэ Урысые тарихъ обществэмрэ зэхащэгъэ проектыр предпринимательствэм имэхьанэ къыкIигъэтхъыным, ащ къэралыгъом иэкономикэ изыкъегъэIэтын зэрэхэлажьэрэр, ныбжьыкIэхэр бизнесым фыщытыкIэу фыряIэр псыхьэгъэным афэIорышIэ.