«Гъэхъагъэм игъунапкъэхэр: МКъТУ-м уригъусэу уинеущрэ мафэ икартэ зэхэгъэуцу» зыфиIорэ дэкIыгъо зэIукIэгъухэр тыгъэгъазэм рагъэжьагъэх.

Программэм ипшъэрылъ шъхьаIэр — апшъэрэ классхэм ащеджэрэ кIэлэеджакIохэр сэнэхьатэу щыIэхэм нэIуасэ афэшIыгъэнхэр, ахэм якъыхэхынкIэ адэIэпыIэнхэр ыкIи Мыекъопэ къэралыгъо технологическэ университетым къапигъохын ылъэкIыщт гъэсэныгъэ программэхэр зыфэдэхэр ягъэшIэгъэнхэр.

МКъТУ-м истудентхэм якомандэу Олег Франко зипащэр, ар сэнэхьат къыхэхынымкIэ ыкIи апшъэрэ еджапIэм фэгъэхьазырыгъэнхэмкIэ Гупчэм иIэшъхьэтет, Краснодар краим и Северскэ районым, Курганинскэ ыкIи нэмыкI псэупIэхэм ащыIэ еджапIэхэм яблэгъагъэх.

ЗэIукIэхэр зыщыкIуагъэхэр:

— гурыт еджапIэу № 43-р станицэу Северскэм дэт, Советскэ Союзым и ЛIыхъужъэу С.Г. Соболевым ыцIэ ехьы;

— лицееу пгт Афипскэр, РСФСР-м изаслуженнэ кIэлэегъаджэу Вишни Д.И. ыцIэ ехьы;

— гимназиеу П.И. Чаловым ыцIэ зыхьырэр, станицэу Темиргоевскэм дэт;

— гурыт еджапIэу № 2-р, Ю.А. Гагариным ыцIэ ехьы, къ. Курганинскэ дэт;

— гурыт еджапIэу № 1-р, В.Г. Серовым ыцIэ ехьы, къ. Курганинскэ дэт;

— гурыт еджапIэу № 12-р, станицэу Михайловскэм дэт;

— гурыт еджапIэу № 12-р, Советскэ Союзым и ЛIыхъужъэу Лойко Г.А. ыцIэ ехьы;

— гурыт еджапIэу № 7-р, станицэу Полтавскэм дэт.

ЗэIукIэхэм япрограммэхэр гъэшIэгъоныгъэх ыкIи шIэныгъэ уагъэгъотынэу щытыгъэх. МКъТУ-м сэнэхьатэу щызэбгъэгъотын плъэкIыщтхэм кIэлэеджакIохэр щыгъозагъэх, егъэджэн процессыр зэрэкIорэм, сэнэхьатэу къыхахыщтым, янеущрэ мафэр зэрэзэрихъокIыщтым тегущыIагъэх. Студентмэ короткометражнэ фильмыр къагъэлъэгъуагъ, ащ ишIуагъэкIэ кIэлэеджакIохэм университетым ищыIакIэ зыфэдэр нахь ашIагъ, ащ иинфраструктурэ, лабораториеу хэтхэр, студенческэ зэфыщытыкIэхэр зыфэдэхэр алъэгъугъэх.

Анахьэу анаIэ зытырадзагъэр Дзэ егъэджэн гупчэу МКъТУ-м къыщызэIуахыгъэр ары, джащ фэдэу зэнэкъокъухэу ыкIи олимпиадэхэу балл тедзэхэр къафэзыхьыхэрэм, ахэр чIахьэхэ хъумэ балл пчъагъэхэм афыхагъэхъожьых. Къэгъэлъэгъонэу зэхащагъэри бэмэ ашIогъэшIэгъоныгъ, ащ сэнэхьатхэм афэгъэхьыгъэ къэбархэр къыщыраIотыкIыгъ.

Мыщ фэдэ зэIукIэхэр 2025-рэ илъэсыми лъагъэкIотэщтых ыкIи районыкIэхэр зэлъиубытыщтых, МКъТУ-м игъусэхэу гъэхъагъэхэм ныбжьыкIэхэр фэкIонхэм тырагъэпсыхьащтых.