Мы мафэхэм Мыекъопэ къэралыгъо технологическэ университетым ихьэкIагъэх псэупIэу Красногвардейскэм игимназиеу N 1-м ыкIи селоу Еленовскэм игурыт еджап1эу N 6-м якIэлэеджакIохэр. Iофтхьабзэр проектэу «Агроклассы» зыфиIорэм къыдыхэлътагъэу щытыгъ.

Проектым игъэцэкIэн къыдыхэлъытагъэу кIэлэегъаджэхэр лекциехэм къяджагъэх. Апшъэрэ еджапIэм иприборнэ-лабораторнэ базэ кIэлэеджакIохэр нэIуасэ фашIыгъэх.

2024-рэ илъэсым щегъэжьагъэу Красногвардейскэ районым «Агрохимия» ыкIи «Агроэкология» зыфиIорэ лъэныкъохэмкIэ агротехническэ класситIумэ Iоф щашIэ. Программэм икурсхэм къадыхэлъытагъэх мэкъумэщ биологиер, зоотехниер, мэкъумэщ производствэм имеханизацие, хэтэрыкIхэм якъэгъэкIын, агробизнесыр ыкIи нэмыкIхэри. Проектым ипартнерых пэрытыныгъэ зыIыгъ мэкъумэщ предприятиехэмрэ хъызмэтшIапIэхэмрэ. Ахэм яшIуагъэкIэ  агрономхэр, зоотехникхэр ыкIи специалистхэр агъэхьазырых. Егъэджэным къыдыхэлъытагъэу мастер-классхэр, тематическэ лекциехэр, тренингхэр, джэгукIэ зэфэшъхьафхэр афызэхащэщтых, агропредприятиехэм экскурсие ащэщтых. Профильнэ я 10-рэ классхэм предмет заулэ игъэкIотыгъэу ащызэрагъэшIэщт, практическэ егъэджэнхэр фермэхэм, чъыгхатэхэм ыкIи шъофхэм афыщызэхащэщтых.

Проектым игъэцэкIэн къыдыхэлъытагъэу кIэлэеджакIохэр мазэ тIо университетым къакIохэзэ ашIыщт. ЗАО-у «Радуга»; ФГБУ «Центр агрохимической службы «Адыгейский»; Майкопская опытная станция — филиал ФГБНУ «Федерального исследовательского центра Всероссийского института генетических ресурсов растений имени Н.И. Вавилова»; Адыгейский филиал ФГБНУ «Всероссийский научно-исследовательский институт цветоводства и субтропических культур»; ООО «Пчелоразведенческий комплекс «Майкопский»; ООО «СКИФ»; АО «Дондуковский элеватор»; ООО «Агрокомплекс Лабинский»; ООО «Агрохолдинг Мирный-Адыгея»; ООО «Виола ТК» зыфиIохэрэм экскурсие ащэщтых.

Проектэу «Агроклассы» зыфиIорэр 2022-рэ илъэсым щегъэжьагъэу МКъТУ-м щагъэцакIэ.  Непэрэ мафэм ехъулIэу егъэджэнхэр нэбгырэ 28-м акIугъ.