Непэ Мыекъопэ къэралыгъо технологическэ университет и Точка кипение бжыхьэ итенсивэу «От идеи к прототипу» Университет 2035-м текIоныгъэр ыкIи хагъэунэфыкIырэ чIыпIэхэр къыщыдэзыхыгъэхэм щытхъу тхылъхэр щаратыжьыгъэх.

Университетым, Политехническэ колледжым ыкIи апшъэрэ еджапIэм икъутамэу Яблоновскэм щыIэм ястудентхэм ык1и ахэр зыгъасэхэрэм къалэжьыгъэ щытхъу тхылъхэр язытыжьыгъэхэр маркетингымкIэ, сервисымкIэ ыкIи зекIонымк1э кафедрэм идоцентэу, МКъТУ-м и Точка кипение ипрограммнэ директорэу, интенсивым ипащэу Светлана Новиковамрэ ТК МКъТу-м иадминистраторэу, интенсивым пшъэдэкIыжь зыхьырэ исекретарэу Мария Тамахинамрэ.

МКъТУ-м истуденческэ технологическэ командэ хэтхэм чъэпыогъум и 14-м щегъэжьагъэу тыгъэгъазэм и 14-м нэс къэралыгъом иапшъэрэ еджэпIи 198-мэ ялIыкIохэм ягъусэхэу федеральнэ проектым хэлэжьагъэх ыкIи ежьхэм япродуктхэм Iоф адашIэнымк1э амалэу аIэкIэлъхэр аушэтыгъ.

Интенсивым къыдыхэлъытагъэу ащ хэлэжьагъэхэм гъэсэныгъэ программэ акIугъ, технологическэ, сатыу ыкIи социальнэ мэхьанэ зиIэ проектхэм Iоф адашIагъ. Егъэджэныр ыкIи проектым Iоф дэшIэгъэныр онлайн и офлайн шIыкIэхэм атетэу рагъэкIокIыгъэх.

Мыщ хэлажьэхэрэм ежь зыфэехэ курсхэр ыкIи мастер-классхэр къыхахых.

Интенсивым изэфэхьысыжьхэмкIэ командэхэм непэ бэдзэрым нахь щырящыкIэгъэ продуктхэр агъэпсыгъэх, шIуагъэ къэзытырэ софт-скиллхэм Iоф адашIагъ. Анахь дэгъоу къыхагъэщыгъэхэр:

«Разработка фиточая с комплексным составом микроэлементов» (апэрэ чIыпI), рынок Хелснет, пащэр — экологиемкIэ факультетым идеканэу Галина Коноваловар, капитаныр — Сурен Акобян (педиатрическэ факультет);

«Разработка рецептуры крема для проблемной кожи ног» (апэрэ чIыпI), рынок Хелснет, пащэр — фармациемкIэ кафедрэм идоцентэу Ростислав Гаченкэр, капитаныр — София Вагинар (фармацевтичесэ факультет);

«Инновационный способ очистки нефтепродуктов от серы озоном» (апэрэ чIыпI), рынок Энержинет, пащэр — кафедрэм идоцентэу Дмитрий Бебко, капитаныр — Кирилл Цветной (МКъТУ-м икъутамэу Яблоновскэ щыIэр);

«Компактный «чехол безопасности» из прочного негорючего материала» (апэрэ чIыпI), рынок Эконет, пащэр — экологиемкIэ ыкIи тыкъэзыуцухьэрэ дунаим икъэхъумэнкIэ кафдрэм идоцентэу Елена Кучинскаяр, капитаныр — Екатерина Кореевар (экологическэ факультет);

«Переработка пластика и бумаги», (ящэнэрэ чIыпI), рынок Эконет, пащэр –—тарихъымкIэ ыкIи правэмкIэ кIэлэегъаджэу ГъукIэлI Раиса, капитаныр — Маргарита Войновар ( МКъТУ-м и Политехническэ колледж);

«Интеллектуальная система контроля и управления Беспилотными Воздушными Судами» (ятIонэрэ чIыпI), рынок БАС, пащэр — кафедрэм изаведующэу Цундышк Вячеслав, капитаныр — Иван Котровыр ;

«Курс по обучению финансовой грамотности» (ящэнэрэ чIыпI), рынок Эдунет, пащэхэр — финансхэмкIэ ыкIи кредитхэмкIэ кафедрэм идоцентхэу Хьамырзэ Саидэрэ Мамыекъо Людмилэрэ, капитаныр — Тао Самира (экономикэмкIэ ыкIи гъэIорышIэнымкIэ факультет);

«Разработка жизнеспособного полезного продукта питания на основе неинтрузивный анализов с целью восполнения микроэлементов у потребителей для успешного фуд-стартапа» (апэрэ чIыпI), рынок Фуднет, пащэхэр — технологическэ факультетым идеканэу Шъхьэлэхъо Анзаур,  маркетингымкIэ, сервисымкIэ ыкIи зекIонымк1э кафедрэм идоцентэу Светлана Новиковар, капитаныр — аспирантэу Мария Тамахинар (технологическэ факультет);

«Технологии производства хлеба функционального назначения» (ятIонэрэ чIыпI), рынок Фуднет, пащэр — кафедрэм идоцентэу Едыдж Саида, капитаныр — Елизавета Текучевар ( аграрнэ технологехэмкIэ факультет);

«Промышленное производство портулака» (ящэнэрэ чIыпI), рынок Фуднет, пащэхэр — кафедрэм идоцентэу УдыкIэко Майя, кафедрэм икIэлэегъаджэу Сихъу Белла, капитаныр — Андрей Белоусовыр (технологическэ факультет).

МКъТУ-м истуденческэ командхэр ящэнэрэ илъэс хъугъэу шIуагъэ къытэу интенсивым хэлажьэх.