Мы бэрэскэшхом Мыекъопэ къэралыгъо технологическэ университетыр загъэпсыгъэр илъэс 31-рэ мэхъу. Мы мэфэкIым студентхэр, кIэлэегъаджэхэр, университетым рыгушхорэ пстэури зэрепхых.

Мы илъэсыр адрэхэм лъэшэу атекIы: гухэлъэу тиIэхэр щыIэныгъэм щыпхырытщыгъэх, тыкъэзыуцухьэрэ дунаир нахьышIу зэрэтшIыщтым тыпылъыгъ. ТапэкIи гухэлъышIухэр зыдэтIыгъых, ау мы илъэсыр тщымыгъупшэнэу зышIыгъэ хъугъэ-шIагъэхэм непэ къафэтэгъэзэжьы, тызэплъэкIыжьы.

Хъугъэ-шIагъэхэу тиуниверситет итарихъ изы Iахь хъугъэхэм шъуащытэгъэгъуазэ!

Къэгъэлъэгъон инэу «Урысыер» зыфиIоу ВДНХ-м щыкIуагъэм МКъТУ-м иволонтер-медикхэр хэлэжьагъэх.

МКъТУ-м истудентхэмрэ икъулыкъушIэхэмрэ черкес чъыгхатэм щыIэныгъакIэ рагъэгъотыжьыгъ.

МКъТУ-м испорсменхэр компьютернэ спортымкIэ Адыгеим ичемпионых.

Апэрэу университетым – проектэу «Обучение служением» зыфиIорэм къыдыхэлъытагъэу ВКР-р къаухъумагъ.

COVID-19-м пэуцужьыгъэ медицинэм иIофышIэхэм афэгъэхьыгъэ саугъэтым икъызэIухын.

Медицинэ ыкIи фармацевтическэ апшъэрэ еджэпIэ заведениехэм я Ассоциацие   университетыр хэхьагъ.

МКъТУ-м дэжь Дзэ егъэджэн гупчэ къыщызэIуахыгъ.

Гъэсэныгъэ медицинэ кластерэу «ПрофиМед» зыфиIорэр апэрэу шъолъырым къызщызэIуахыгъэр МКъТУ-р ары.

КАФФЕД-м илIыкIохэр МКъТУ-м щыIагъэх.

МКъТУ-м истуденткитIумэ зэнэкъокъоу «УМНИК» зыфиIорэм игрантхэр къырахыгъэх.

Мединститутыр къэзыухыгъэхэм цIыфыр къагъэнэжьызэ лIыблэнагъэ зэрахьагъ.

МКъТУ-м истудент кулинарнэ IэпэIэсэныгъэмкIэ Урысые зэнэкъокъум щатекIуагъ.

МКъТУ-м икъулыкъушIэу, общественнэ организациеу «Врачхэм я Хасэ» хэтым УрысыемкIэ зыми фэмыдэ операцие хьылъэ ышIыгъ.

МКъТУ-р амалышIухэр къэзытырэ, хэхъоныгъэхэр зышIырэ ыкIи гъэхъэгъэшIухэр зиIэ университет. ШIэныгъэм, гъэсэныгъэм ыкIи обществэм ащ чIыпIэшхо зэращиубытырэр я 31-рэ илъэсым джыри зэ къыгъэшъыпкъэжьыгъ.