Мы мафэхэм Мыекъопэ къэралыгъо технологическэ университетым гъэсэныгъэ гупчэу «Полярис-Адыгеим» ибжыхьэ проектнэ еджапIэ щызэхащагъ. Лъэныкъоу «Биотехнологиехэр» зыфиIорэм пэщэныгъэ дызэрихьагъ гъомылэпхъэ продуктхэмкIэ ыкIи шхэным изэхэщэнкIэ кафедрэм ипащэу Хьаткъо Зурет.

ТхьамэфитIум къыкIоцI кIэлэеджакIохэм ыкIи ахэр зыгъасэхэрэм проектитф къагъэхьазырыгъ:

— «Защитная съедобная пектиносодержащая оболочка для сыров длительного хранения» зыфи1орэр Къушъхьэ Динара Лицееу № 19 (Iоф дэзышIагъэхэр — Хьаткъо Зуретрэ Къудайнэт Саидэрэ);

— «Пищевые пены с заданными свойствами» зыфиIорэр Валерия Заведий МБОУ СОШ №3 ( Хьаткъо Зуретрэ Надежда Бугаевамрэ);

— «Газированный иммуномодулирующий напиток на основе растительного сырья» зыфиIорэр Иван Тараториным МБОУ СОШ № 20 (Хьаткъо Зуретрэ Татьяна Белявцевамрэ);

— «Пектиносодержащие суппозитории» зыфиIорэр Бэгъ Алина МБОУ СОШ №3 ыкIи Хъуажъ Русета МБОУ СОШ № 6 (Хьаткъо Зуретрэ Татьяна Белявцевамрэ);

— «Лечебные пены с заданными свойствами» зыфиIорэр Хъуажъ Русета  МБОУ СОШ № 6 (Хьаткъо Зуретрэ  Татьяна Белявцевамрэ).

Проектнэ еджапIэм кIэлэеджакIохэм щызэрагъэшIагъ биотехнологием ылъэныкъо шъхьаIэхэр, псэуалъэхэм яушэтын епхыгъэ екIолIакIэхэм ащыщхэр,  продукциеу зэрагъашIэрэм ибэдзэр изэхэфын, команднэ IофшIэным изэхэщэн, статьяхэм ятхын,  джащ фэдэу финал конференцием фытегъэпсыхьагъэу лъэтегъэуцо докладхэр къагъэхьазырыгъэх.

КIэлэеджакIохэм проектхэр къагъэшъыпкъэжьыгъэх, экспертхэм къатыгъэ упчIэхэм джэуапхэр къаратыжьыгъэх. Ахэм тафэгушIо, тапэкIи гъэхъэгъэшIухэр ашIынхэу афэтэIо!