Мы зыгъэпсэфыгъо мафэхэм Мыекъопэ къэралыгъо технологическэ университетыр технологие пэрытхэр ыкIи спортыр зыгу рихьыхэрэм ягупчэ хъугъэ, дронхэм якъызэдэчъэнкIэ апэрэ зэIухыгъэ зэнэкъокъоу «Высокий полет» зыфиIорэм хэлажьэхэрэр мыщ щызэIукIагъэх.

Адыгэ Республикэм дронхэм якъызэдэчъэнкIэ и Федерацие (РФСОО) кIэщакIо зыфэхъугъэ Iофтхьабзэм изэхэщэнкIэ яшIуагъэ къагъэкIуагъ АР-м физическэ культурэмкIэ ыкIи спортымкIэ и Комитетрэ Урысые организациеу «Сильнейшая нация мира» зыфиIорэмрэ. Зэнэкъокъум зыщаушэтыгъ Адыгеим ыкIи Краснодар краим яспортсменхэм. Зэнэкъокъум ипрограммэ лъэныкъуитIоу зэтеутыгъагъ: техническэ симуляторымкIэ дронхэм ягъэзекIон ык1и я 75-рэ класс зиIэ дронхэм якъызэдэчъэн.

Апэрэ лъэныкъомкIэ зэнэкъокъухэр МКъТУ-м и «Точка кипения» зыфиIорэм щыкIуагъэх, ят1онэрэр – спортзалым.

Анахьэу къахэщыгъэх МКъТу-м истуденческэ конструкторскэ бюрорэ МКъТу-м и Дзэ егъэджэн гупчэрэ ялIыкIохэр. ХагъэунэфыкIырэ чIыпIэхэр къыдэзыхыгъэхэр:

Дронхэм якъызэдэчъэн:

Апэрэ чIыпIэр — Даниил Усачевыр

ЯтIонэрэ чIыпIэр — Глеб Вихровыр

Ящэнэрэ чIыпIэр — Александр Яковлевыр

Техническэ симуляторыр:

Апэрэ чIыпIэр — Александр Яковлевыр

ЯтIонэрэ чIыпIэр — Даниил Усачевыр

Ящэнэрэ чIыпIэр — Глеб Вихровыр

Шъхьафэу къыхэдгъэщымэ тшIоигъу МКъТум истуденткэу Нелли Каджиевар, ащ лъэныкъитIумкIи бзылъфыгъэхэм азыфагу ящэнэрэ чIыпIэр къыщыдихыгъ.

Шъугу къэдгъэк1ыжьын, БАС-м икомандэ кIэщакIо зыфэхъугъэ цIыф зэрымыс быбырэ пкъыгъохэм (БПЛА) яапэрэ зэнэкъокъу бэмышIэу апшъэрэ еджапIэм щыкIуагъ.     

Iофтхьабзэм ихьэкIагъэх: АР-м гъэсэныгъэмкIэ иминистрэ игуадзэу Артем Журавель; УФ-м ибеспилотнэ мэкъумэщ авиацие и Союз ипащэу Михаил Журенкэр; АР-м ныбжьыкIэ IофхэмкIэ и Комитет испециалист шъхьаIэу Роман Ульянцевыр; АНО ДПО «МАЙКОПСКИЙ АСК ДОСААФ РОССИИ» зыфиIорэм илIыкIоу Евгений Антошкиныр. МКъТУ-м ыцIэкIэ Iофтхьабзэм хэлэжьагъэх: цифровизациемкIэ проректорэу Дмитрий Игнатовыр; МКъТум дэжь щыIэ ВУЦ-м ипащэу Нурлан Самадьяновыр; маркетингымкIэ, сервисымкIэ ыкIи зекIонымкIэ кафедрэм идоцентэу, «Точка кипения» зыфиIорэм ипрограммнэ директорэу Светлана Новиковар; проектированиемкIэ лабораторием ипащэу Виталий Гончаровыр.

ТекIоныгъэр къыдэзыхыгъэхэм зэкIэми тафэгушIо, тапэкIи гъэхъэгъэшIухэр ашIынхэу афэтэIо!