Банкэу «Центр-Инвест» зыфиIорэм ыкIи «Къыблэ федеральнэ шъолъырым игъэсэныгъэрэ наукэмрэ» зыфиIорэм агъэнэфэгъэ стипендиеу «Умная стипендия» зыцIэр Мыекъопэ къэралыгъо технологическэ университетым истудентипшIмэ къахьыгъ.

«Акъылыгъэ зыхэлъ стипендиер» — гъэ къэс бакалаврэм щеджэхэрэм, магистрантхэм ыкIи аспирантхэм апае Банкэу «Центр-Инвест» зыфиIорэм егъэнафэ, сэнаущыгъэ зыхэлъ ныбжьыкIэхэр къыхэгъэщыгъэнхэм ыкIи IэпыIэгъу афэхъугъэным фэIорышIэ.

ИлъэсиплIым къыкIоцI тиуниверситет истудентхэм а стипендиер къалэжьы, стипендиер зэрэхъурэр нэбгырэ пэпчъ телъытагъэу сомэ мин 50.

Мыгъэ текIоныгъэ къыдэзыхыгъэхэм ахэфагъэхэр:

— «Таможенный Wiki» зыфиIорэ проектэу студенткэу ЛъэпцIэрыкъо Аминэт иер ары. Мобильнэ веб-приложениеу студентхэм ар IэпыIэгъу афэхъу, кIэлэегъаджэхэу сэнэхьатэу «Таможенное дело» зыфиIорэм фезыгъаджэхэрэмкIэ Iэрыфэгъу.

— «Шхыныгъо хьазырхэр пчэдыжьрэ зэрэзэращэрэ боксхэр» зипроектыр  студенткэу Валерия Туркиер ары. Зипсауныгъэ лъыплъэхэрэм апае сервисыр гъэпсыгъэ, шхыныгъохэу псауныгъэмкIэ федэ къэзыхьыщтхэр ащ хагъэхьагъэх.

— «Адыгэ лъэпкъ шъуашэр ащыгъэу джэгухэр рагъэкIокIынхэм пае салон» зыфиIорэ проектыр студенткэу Едыдж Дианэ ыгъэхьазырыгъ.

— «Кавказ игушъхьэ баиныгъ» зыцIэ лъэпкъ тучан» зыфиIоу лъэпкъ шъуашэм тетэу гъэпсыгъэр зипроектыр студенткэу Лъэустэнджэл Зарин.

— «Зоотучанмэ апае приложение» зыфиIорэ проектыр студентэу Александр Налетовым ий. Приложениер щэфакIохэм афытегъэпсыхьагъ, нахь рэхьатэу ащэфыныр къыхахыным фэшI зэхигъэуцуагъ.

— «Инновационное выращивание Азимины в условиях Республики Адыгея» зыфиIорэ проектыр студентэу Игорь Пивоваровым зэхигъэуцуагъ. Проектыр пхъэшъхьэ-мышъхьэу азиминым икъэгъэкIын фытегъэпсыхьагъ, ар Адыгэ Республикэм дэгъоу къыщыкIынэу елъытэ.

— «Непэрэ бзылъфыгъэ щыгъыным ишIын» зыцIэ проектыр студенткэу Анна Горковенко зиер. Брендэу «Горько» зыцIэр щыгъын гъэшIэгъонэу, урыс культурэр къыриIотыкIэу ижъыкIэ агъэфедэщтыгъэхэмрэ непэрэхэмрэ щызэхэщагъэхэу гъэпсыгъэ.

— «Медицинскэ щыгъынэу «Anesteziiyya» зыцIэм идизайнерскэ тучан», а проектыр студенткэу Анастасия Моргуловам зэхигъэуцуагъ.

— «Программированием ыбзэхэр зэгъэшIэгъэнымкIэ приложениер» зыцIэ проектыр студенткэу Иныхъу Джэнэт ыгъэпсыгъ.

— «IэкIэ дыгъэ щыгъынхэу торжественнэ зэхахьэхэм апае къаштэхэрэр» зыцIэ проектыр студенткэу Валерия Куликовам ыгъэхьазырыгъ.

ТекIоныгъэ къыдэзыхыгъэмэ зэкIэмэ тафэгушIо! ТапэкIэ джыри хэхъоныгъэхэр ашIынхэу, ягухэлъхэр къадэхъунхэу тафэлъаIо!