Волгоградскэ къэралыгъо техническэ университетым автомобильнэ транспортымкIэ факультетэу иIэм чIэтIупщыгъо квалификационнэ IофшIэнхэу лъэныкъоу бакалаврэм 23.03.03 «Транспортнэ-технологичесэ машинэхэм ыкIи комплексхэм ягъэпсэолъэн» зыфиIорэм (профилыр «Автомобильнэ сервисыр ары») я II-рэ къэгъэлъэгъон-зэнэкъокъур щыкIуагъ.

Урысые студенческэ олимпиадэм къыдыхэлъытагъэу зэнэкъокъур зэхащагъ ыкIи Къыблэмрэ Темыр-Кавказымрэ ащыIэ еджапIэхэр зэлъиубытыгъэх. Мыекъопэ къэралыгъо технологическэ университетым истудентхэм дэгъоу ащ зыкъыщагъэлъэгъуагъ, япроектхэмкIэ лъэныкъуитфым хэушъхьафыкIыгъэ чIыпIэхэр къащыдахыгъэх:

УцупIэмэ япроектирование, машинэ тхьакIыпIэхэр, автозаправкэхэр

А I-рэ шъуашэ зиIэ дипломыр — ЛIыхъурае Алый; темэу иIагъэр: «Автотранспортнэ хъызмэтшIапIэм тхьакIыпIэ IофшIэнхэр щызэхэщэгъэнхэр (ООО «Маршрут-Сервисым» ищысэкIэ)»; пащэр — автомобильнэ транспортым икафедрэ идоцентэу, экономикэ шIэныгъэхэмкIэ кандидатэу Наталья Шаповаловар ары.

Автосервисым ихъызмэтшIапIэмэ ягъэцэкIэжьын

Я II-рэ шъуашэ зиIэ дипломыр — Эдуард Рест; темэр: «Техническэ гъэцэкIэнхэр зыщыкIорэ ыкIи автомобильхэм зыщахэIэзахьыжьхэрэ станциер гъэкIэжьыгъэныр (МКъТУ-м и НТиОЭБ ищысэу)»; пащэр — автомобильнэ транспортым икафедрэ иIэшъхьэтетэу, экономикэ шIэныгъэхэмкIэ кандидатэу, доцентэу Яна Ткачевар ары.

Сервиснэ производствэм изэхэщэн

Я II-рэ шъуашэ зиIэ дипломыр — Иван Ширяевыр; темэр: «Автотранспортнэ хъызмэтшIапIэм кощырэ щэрэхъ-гъэцэкIэжьын комплексыр щыгъэпсыгъэныр (ООО «Маршрут-Сервисыр» ищысэу)»; пащэр — автомобильнэ транспортым икафедрэ идоцентэу, экономикэ шIэныгъэхэмкIэ кандидатэу Наталья Шаповаловар.

Автомобильхэм ягъэцэкIэжьын итехнологие

Я II-рэ шъуашэ зиIэ дипломыр — Виктор Нечаевыр; темэр: «ХъызмэтшIапIэм итранспорт техническэу уплъэкIугъэныр ыкIи гъэцэкIэжьыгъэныр (МКъТУ-м и НТиОЭБ-р ищысэу)»; пащэр — автомобильнэ транспортым икафедрэ иIэшъхьэтетэу, экономикэ шIэныгъэхэмкIэ кандидатэу, доцентэу Яна Ткачевар ары.

Къэлэ СТО-хэм япроектирование

Я III-рэ шъуашэ зиIэ дипломыр — Леон Токмаджяныр; темэр: «Автомобиль псынкIэхэм апае ТО-м ипост гъэуцугъэныр (ООО «Маршрут-Сервисым» ищысэкIэ)»; пащэр: автомобильнэ транспортым икафедрэ идоцентэу, экономикэ шIэныгъэхэмкIэ кандидатэу Наталья Шаповаловар ары.

ЛIыхъурае Алые иIофшIагъэу шъолъыр зэнэкъокъум апэрэ чIыпIэ къыщызыхьыгъэр я III-рэ турэу Рязанскэ къэралыгъо агротехнологическэ университетэу П.А. Костычевым ыцIэ зыхьырэм щыкIуагъэм хагъэлэжьагъ. Ащ ифинал ЛIыхъураир ихьагъ ыкIи ящэнэрэ щыхъугъ, лъэныкъор: «УцупIэмэ япроектирование, машинэ тхьакIыпIэхэр, автозаправкэхэр».

МКъТУ-м истудентхэр мы зэнэкъокъухэм зэращытекIуагъэхэм къагъэлъагъо Iофым хэшIыкIышхо фызиIэ специалистхэр университетым зэрэщагъэхьазырхэрэр. ТекIоныгъэ къыдэзыхыгъэхэм ыкIи япащэхэм тафэгушIо!