Мыекъопэ къэралыгъо технологическэ университетым и «Точка кипение» икомандэ университетым икIэлэегъаджэхэмрэ истудентхэмрэ IуигъэкIагъэх гъэлъэшыгъэ шIыкIэу Университет 2035-м «ГукъэкIым къыщегъэжьагъэу пэчIынатIэхэм анэсэу» зыфиIорэм хэлэжьагъэхэр проектхэм ягъэцэкIэнкIэ грантхэр къызэрэблэжьыщтхэр къэзыIотэрэ экспертым.

Iофтхьабзэм изещэкIуагъэр СЕО DocSourcing, менторэу, менторхэм я Клуб ыкIи экспертнэ сообществэ I00ADVISORS ахэтэу Полина Савиловар. Инновационнэ бизнесыр зэхэпщэным ыкIи птIупщыным пае грантовэ мылъкур къызэрэбгъотыщт шIыкIэр ащ къыIотагъ. ЗэIукIэр къызэIуихыгъ маркетингым, сервисым ыкIи туризмэм якафедрэ идоцентэу, МКъТУ-м и «Точка кипение» ипрограммнэ пащэу Светлана Новиковам.

МКъТУ-м истудентмэ ягъусэхэу зэIукIэм хэлэжьагъэх «Точка кипением» икомандэмэ къырагъэблэгъагъэхэ студентхэу ыкIи сатыушIэхэу Ульяновскэ (къалэ), Пермь (къалэ), Самарскэ къэралыгъо экономическэ университетым, генетикэм, биотехнологием ыкIи инженерием апылъ Саратовскэ

къэралыгъо университетэу Н. И. Вавиловым ыцIэ зыхьырэм ащыщхэр.

Iофтхьабзэм хэлэжьагъэмэ зэрагъэшIагъ инновационнэ бизнесыр ебгъэжьэным ыкIи хэбгъэхъоным пае грантовэ IэпыIэгъу зэрэбгъотышъущтыр; грантовэ программэмэ уахэлэжьэным пае ищыкIэгъэ документхэр; гъэхъагъэ зышIыгъэ проектмэ яшъэфхэр — кейс 600-м ехъу DocSourcing иэкспертмэ агъэцэкIагъ.

Мыекъопэ къэралыгъо технологическэ университетымрэ  ООО «Информационные ресурсы» (DocSourcing) зыфиIорэмрэ зэзэгъыныгъэу яIэм къыдыхэлъытагъэу Iофтхьабзэр зэхащагъ.
 Компаниеу DocSourcing зыцIэр илъэсипшIым ехъугъэу документациемэ ягъэхьазырынрэ грантовэ IэпыIэгъур къызэрэдэпхыщтымрэ адэлажьэ, бэмэ упчIэжьэгъу афэхъу.

Iофтхьабзэр зэрэкIуагъэм МКъТУ-м и «Точка кипение» иаккаунт  ыкIи ВКонтакте зыфиIорэ социальнэ хъытыум уащеплъыжьын плъэкIыщт.