Мыекъопэ къэралыгъо технологическэ университетым Акселераторэу «ИнноВекторым» и Демо-мафэ щыкIуагъ. А хъугъэ-шIагъэм кIэлэегъаджэхэр, студентхэр, сатыушIэхэр ыкIи экспертхэр зэрипхыгъэх, ахэр лъэныкъо зэфэшъхьафхэм ащагъэфедэрэ инновационнэ проектхэм атегущыIагъэх.

Студенческэ командэмэ прпоект 16 къагъэлъэгъуагъ, ахэр мэкъу-мэщымкIэ, экологиемкIэ, гъомлэпхъэ промышленностымкIэ ыкIи IT-кIэ щызэрагъэпшагъэх, шIыкIэ амалыкIэхэм зэдяусагъэх. Ахэмэ ащыщых:

— «Ом изытет епхыгъэ цIыфхэм апае щыIэ  приложениеу «Philasterion» зыфиIорэм ипэчIынатI;

— «Этногъогоу геймификацием иэлементхэр зыхэлъхэм язэхэгъэуцон»;

— «Инновационнэ пкъыгъоу акваэкосистемэм епхыгъэ псыр зыгъэхьазырырэр»;

— «Адаптивнэ технологиеу Къыблэ Урысыем кенафэм икъэгъэкIынкIэ агъэфедэрэр»;

— «Томатым хэшIыкIыгъэ хьалыгъур зыфагъэхьазырырэр».

Анахьэу анаIэ зытырадзэгъэ проектхэр: «Къуаемэ апае щаташъхьэу агъэфедэхэрэр», «Тортэу функциональнэ мэхьанэ зиIэу «Адыгеим иналмэс-налкъут» «3D-хэутыным итехнологие агъэфедэзэ пилот зэрымыс аппаратхэр Адыгеим къыщыдэгъэкIыгъэнхэр», «Пынджым псыр зэрэкIагъэчъыжьрэ системэхэм технологиеу ащагъэфедэрэр».

Отраслэ зэфэшъхьафмэ ащылажьэхэрэ экспертхэр ары осэшIмэ ахэтыгъэхэр:  Республикэ бизнес-инкубаторым ипащэу Хьасанэкъо Махьмуд; Адыгэ Республикэм экономикэмкIэ ыкIи сатыум хэхъоныгъэ егъэшIыгъэнымкIэ и Министерствэ иотдел ипащэу Роман Евтушенко; Сколковскэ университетым ибизнес-упчIэжьэгъоу ыкIи амбассадорэу Татьяна Прошинар; Урысыем ыкIи СНГ-м яинновационнэ проектхэм яэкспертэу Михаил Захаревич; инженернэ еджапIэу «Агроген» зыфиIорэм ипащэу Олег Буханцеыр, Рабочэ купэу 2035-м ибэдзэр НТИ FoodNet зыфиIорэм иэкспертэу Алексей Кук. Ахэм афэшъхьафэу, Демо-мафэм хэлэжьагъэх ОАО «Молочный завод Гиагинский», СПССОК «Райар – Союз Семейных Ферм», СПОК «12 Ульев» зыфиIохэрэр, ахэмэ гукъэкIхэу производствэм епхыгъэхэр зэхафыгъэх.

Мыекъопэ къэралыгъо технологическэ университетым Акселераторэу «ИнноВекторым» и Демо-мафэ щыкIуагъэр лъэтегъэуцомэ яплощадкэу ыкIи  тапэкIэ проектхэм хэхъоныгъэ ягъэшIыгъэнымкIэ егъэжьэпIэшIоу хъугъэ. Анахь проект дэгъухэр Акселераторым игъусэгъумэ къыхахыщтых ыкIи лъагъэкIотэщтых.

ТадэгуIэзэ гъэхъэгъакIэу  «ИнноВекторым» хэлажьэрэмэ ашIыщтхэм тяжэщт, ягукъэкIхэр къызэрэзэIуахыхэрэм тылъыплъэщт!