Мы мафэхэм текIоныгъэ къыдэзыхыгъэхэ кIэлэегъаджэхэр торжественнэ шIыкIэм тетэу агъэшIуагъэх, гъэ къэс зэхащэрэ мэфэкIым изэхэхьэ шIагъоу ар хъугъэ.

Мы илъэсым зэнэкъокъум хэлажьэ зышIоигъуагъэр бэ дэд — осэшIхэм апашъхьэ заявкэ 54-рэ къаралъхьагъ, ахэр апшъэрэ еджапIэр, колледжхэр ыкIи поселкэу Яблоновскэм дэт къутамэм якIэлэегъаджэхэм къатыгъэх. Iофтхьабзэм хэлажьэхэрэр лъэныкъуитфымкIэ зэнэкъокъугъэх:

— учебникхэр ыкIи учебнэ пособиехэр;

— гъэсэныгъэ процессым щагъэфедэрэ монографиехэр;

— методическэ зэхэгъэуцонхэр;

— дидактическэ материалхэр;

— инновационнэ гъэсэныгъэ технологиехэр.

— Илъэс къэс проектэу къатырэмэ ядэгъугъэ хахъо. Ащ къыхэкIэу тиэкспертнэ комиссие Iофышхом хафэ, анахь дэгъур къыхэгъэщыгъуае мэхъу. Шъо шъуипроектхэр — ахэр гъэсэныгъэм исистемэ хэхъоныгъэхэр егъэшIыгъэнхэмкIэ Iахьышхох. Тышъуфэраз тиуниверситет ыпэ ригъэхъунымкIэ IэпыIэгъу шъукъызэрэтфэхъурэм фэшI. ЗэкIэ текIоныгъэ къыдэзыхыгъэмэ сафэгушIо, джыри гъэхъагъэхэр бэрэ шъушIынхэу сышъуфэлъаIо! — къыхигъэщыгъ егъэджэн IофшIэнымкIэ МКъТУ-м ипроректорэу Задорожнаям.

Лъэныкъо пэпчъ анахь IофшIэгъэ дэгъухэр къащыхагъэщыгъэх.

«Учебникхэр ыкIи учебнэ пособиехэр»

А 1-рэ чIыпIэр — Лилия Неровных, Сихъу Хьазрэт, Коблэ Мир: Учебнэ пособиехэр дисциплинэу «Технологии пищевых производств» зыфиIоу студентхэу сыд фэдэрэ шапхъэкIи еджэхэрэм апае тхыгъэр, лъэныкъоу зэрагъэхьазырхэрэр 15.03.02 Технологическэ машинэхэр ыкIи оборудованиер, зыфэгъахьазырырэ сэнэхьатыр: «Гъомлэпхъэ производствэмэ ямашинэхэр» (гъомлэпхъэ производствэмэ ямашинэхэм ыкIи яIэмэ-псымэхэм якафедр). Пафифэ Бэл, ЛэупакIэ Фатим: Егъэджэн-методическэ пособиеу «Психологиер ыкIи педагогикэр» сэнэхьатэу 31.05.02 Педиатрием щырагъаджэхэрэм апай (философием, социологием ыкIи педагогикэм якафедр).

Я 2-рэ чIыпIэр — Едыдж Саид, Татьяна Колотий: Егъэджэн пособиеу «Технология обработки и хранения зерна» лъэныкъоу 35.03.07 Производствэм итехнологиеу мэкъу-мэщ продукцием икъыдэгъэкIын фэгъэхьыгъэм щырагъаджэхэрэм апай, (сэнэхьатыр: «Мэкъу-мэщ продукциер ухъумэгъэныр ыкIи къыдэгъэкIыжьыгъэныр), (гъомлэпхъэ технологиехэм ыкIи шхыныгъохэм ягъэхьазырын икафедр). Бзэджэжъ Ларис: Егъэджэн пособиеу дисциплинэу «Урысыбзэр профессиональнэ сферэм зэрэхэтыр», (урысыбзэмрэ IэкIыбыбзэмрэ якафедрэ идоцент). Хьаткъо Марят: Егъэджэн-методическэ пособиеу «Былымхъуным епхыгъэ продукцием икъыдэгъэкIын» (мэкъу-мэщ продукцием ипроизводствэ итехнологиехэм якафедрэ идоцент).

Я 3-рэ чIыпIэр — Коблэ Мир, Лилия Неровных, Ольга Мариненко: Егъэджэн пособиеу дисциплинэу «Физикэ-механическэ методхэу гъомлапхъэхэм якъыдэгъэкIынкIэ агъэфедэхэрэр», (гъомлэпхъэ производствэм итехнологиехэм, машинэхэм ыкIи Iэмэ-псымэхэм якафедр). Лъэцэрыкъо Ирин, Iэшъынэ Юныс, БрантIэ Марзят: Егъэджэн пособиеу «Мэкъу-мэщ производствэм ылъапсэхэр» зыфиIорэр, (чIыгугъэпсыным икафедр).

«Гъэсэныгъэ процессым щагъэфедэрэ монографиехэр»

А 1-рэ чIыпIэр — Кудаикъо Светлан: Монографиеу «Адыгэхэр (черкесхэр): лъэпкъыр, диаспорэр» (тарихъымрэ фитныгъэмрэ якафедрэ ипрофессор).

Я 2-рэ чIыпIэр — Хьаткъо Зурет, Кудайнет Саид: Монографиеу «Адыгэ къуаер: ащ изытет, иихыкIэ шIыкIэ зэфэшъхьафхэр» (гъомлапхъэхэм ятехнологиерэ шхыныгъохэм ягъэхьазырынрэ якафедр).

Я 3-рэ чIыпIэр — Хьаткъо Марет: Монографиеу «Рациональное использование породных ресурсов крупного рогатого скота на Юге России» зыфиIорэр, (мэкъу-мэщ продукцием ипроизводствэ итехнологиехэм якафедрэ идоцент).

«Методическэ зэхэгъэуцонхэр»

А 1-рэ чIыпIэр — Наталья Трушевар, Надежда Сазонец: Егъэджэн-методическэ десэу практическэ IофшIэнхэр ягъэшIыгъэнымкIэ дисциплинэу «ЧIыопс рекреационнэ объектхэр ыкIи мэз чIыпIэхэр», (ландшафтнэ архитектурэм ыкIи мэз Iофым якафедр). Хъыщт Нафсэт, Цуамэкъо Ася: Егъэджэн-методическэ пособиеу медицинскэ апшъэрэ еджапIэхэм микробиологиемкIэ, вирусологиемкIэ, иммунологиемкIэ ащагъэфедэхэрэр (морфологием икафедр).

Я 2-рэ чIыпIэр — Блэгъожъ Асет: Егъэджэн-методическэ пособиеу «Шхыныгъо продукцием идэгъугъэ лъыплъэгъэныр» зыфиIорэр, (гъомлапхъэхэм ятехнолгиерэ шхыныгъохэм ягъэхьазырынрэ якафедрэ идоцент). Светлана Гречишкинар, Юлия Овчаровар: Егъэджэн-методическэ пособиеу «Остеологиер. Артросиндесмологиер», (морфологием икафедр). Галина Карамушко, Наталья Чудесовар: Егъэджэн-методическэ пособиеу «Технологическэ предпринимательствэр: гукъэкIым къыщегъэжьагъэу бизнес-моделым нэсыжьэу», (менеджментым ыкIи шъолъыр экономикэм якафедр).

Я 3-рэ чIыпIэр — Джемма Гаспарян: Методическэ унашъохэу практическэ десэхэм афэгъэхьыгъэ тхылъыр егъэджэн дисциплинэу «Элективные дисциплины по физической культуре и спорту» зыфиIорэр, (гъэIорышIэным ыкIи таможеннэ IофымкIэ МКъТУ-м икъутамэу поселкэу Яблоновскэм дэтым икафедрэ идоцент). Ирина Селивановар: Егъэджэн-методическэ пособиеу лабораторнэ гъэцэкIэнхэм апае дисциплинэу «Геодезия» зыфиIорэм фигъэхьазырыгъэр, (чIыгугъэпсыным икафедрэ идоцент). Мэрэтыкъо Фатим: Егъэджэн-методическэ пособиеу «Мэкъу-мэщ продукциер къыдэгъэкIыжьыгъэным ибиотехнологие ылъапсэхэр», (гъомлапхъэхэм ятехнологиерэ шхыныгъохэм ягъэхьазырынрэ якафедр).

«Дидактическэ материалхэр»

А 1-рэ чIыпIэр — Оксана Борсук: Видео-лъэтегъэуцоу «Фэтэрыбэу зэтет унэм имэшIо электрощынэгъончъагъэ» ыкIи интерактивнэ тестхэр дисциплинэу «МашIом пэшIуекIорэ псы рыкIуапIэхэр», (псэолъэшIыным ыкIи общепрофессиональнэ дисциплинэхэм якафедрэ идоцент).

Я 2-рэ чIыпIэр — Бзэджэжъ Ларис: Урокым имоделэу «Глаголы движения» зыфиIорэр, (урысыбзэмрэ IэкIыбыбзэмрэ якафедрэ идоцент).

Я 3-рэ чIыпIэр — Ирина Селивановар: Квестэу «Выполнение теодолитной съемки» зыфиIорэр, дисциплинэу «Геодезическэ инструментоведениер» зыфиIорэм пай, (чIыгугъэпсыным икафедрэ идоцент).

«Инновационнэ гъэсэныгъэ технологиехэр»

А 1-рэ чIыпIэр — КIэдэкIое Нафсэт: Видео-лекциеу дисциплинэу «Сэнэхьатым ухэхьаныр» зыфиIорэр, темэр «Щыгъыным фэгъэхьыгъэ къэбархэр», (стандартизацием, метрологием ыкIи товарнэ экспертизэм якафедрэ идоцент).

Я 2-рэ чIыпIэр — Оксана Борсук: Онлайн-лекцием икурсэу «МашIом пэшIуекIорэ псы рыкIуапIэхэр», (псэолъэшIыным ыкIи общепрофессиональнэ дисциплинэхэм якафедрэ идоцент).

Я 3-рэ чIыпIэр — Сапый Азамат: Электроннэ егъэджэн-методическэ пособиеу «Проектирование информационных систем» зыфиIорэр, (информационнэ щынэгъончъэным ыкIи прикладной информатикэм якафедрэ идоцент).

Мыщ фэдэ зэнэкъокъухэм зэфэхьысыжьэу афэхъурэм кIэлэегъаджэхэм ясанаущыгъэ закъоп къызэIуихырэр. Ахэм яшIуагъэкIэ гъэсэныгъэ системэм хэхъоныгъэхэр ешIых, непэрэ лъэхъаным агъэфедэхэрэ инновационнэ екIолIакIэхэр къыхагъэщых. Проектэу къагъэлъэгъуагъэхэр гъэсэныгъэ системэм и зы Iахьышхо мэхъух, ахэмкIэ студентхэр рагъаджэх, технологиехэм нэIуасэ афэхъух.

ТекIоныгъэ къыдэзыхыгъэхэм ыкIи хэлэжьагъэхэм тафэгушIо! Шъуигъэхъагъэхэм IофыгъуакIэхэр къакIэлъэрэкIох! Творческэ гукъэкIыкIэхэр ыкIи гукъыдэчъхэр бэрэ шъуиIэнхэу тышъуфэлъаIо!