Урысыем игастроэнтерологмэ я Научнэ обществэ ия XXVII-рэ Зэфэс Москва щыкIуагъ. Iофтхьабзэм гастроэнтерологием ылъэныкъокIэ лажьэрэ урысые ыкIи IэкIыб экспертхэр зэрипхыгъэх, ахэр профилактикэм, диагностикэм ыкIи нэмыкIхэм афэгъэхьыгъэ IофшIагъэхэм атегущыIагъэх.

Мыекъопэ къэралыгъо технологическэ университетым зэфэсым къыщызгъэлъэгъуагъэр лечебнэ факультетым хэхьэрэ госпитальнэ терапием икоманд ары. ЛIыкIо купым хэхьагъэхэр: кафедрэм ипащэу, медицинэ шIэныгъэхэмкIэ докторэу, профессорэу Елена Лялюковар, госпитальнэ терапием икафедрэ икIэлэегъаджэхэу, аспирантхэу Хьалэщтэ Айдэмыркъан ыкIи Александр Лялюковыр, джащ фэдэу аспирантэу Ярослав Гончаровыр.

Зэфэсым къыдыхэлъытагъэу междисциплинарнэ екIолIакIэхэу гастроэнтерологием игумэкIыгъохэмкIэ щыIэхэм ашъхьэ къырахыгъ, коморбидностым анахьэу анаIэ тырадзагъ.

Адэбз узхэм афэгъэхьыгъэ секцием кафедрэм иIофышIэмэ зэхагъэуцуагъэр къыщагъэлъэгъуагъ, ащ осэшхо научнэ сообществэм къыфишIыгъ. ахэм ащыщхэр:

— «ШIум ипщэрыгъэ къыхэкIырэ узхэр, егъэлыягъэ бактериальнэ хахъор ыкIи колоректальнэ адэбзыр», докладыр профессорэу Елена Лялюковамрэ, ащ игъусэхэу Хьалэщтэ Айдэмыркъанрэ Ярослав Гончаровымрэ агъэхьазырыгъ.

— «Шъон пытэмэ къахэмыкIыгъэ шIу пщэрыгъэ узыр ыкIи остеопорозыр», къэзгъэлъэгъуагъэр кафедрэм икIэлэегъаджэу Александр Лялюковыр ары, ащ игъусагъ профессорэу Мария Ливзан (г. Омск).

Урысыем игастроэнтерологмэ я Научнэ обществэ я Зэфэс университетым ишIэныгъэлэжь ныбжьыкIэхэмкIэ лъэубэкъушIу хъугъэ, яIофшIагъэхэр лъагъэкIотагъэх. Мыекъопэ къэралыгъо технологическэ университетым илечебнэ факультет хэхьэрэ госпитальнэ терапием къыщагъэхьазырырэ специалистмэ IэпэIэсэныгъэшхо зэрахэлъыр мы Iофтхьабзэм къыщылъэгъуагъ.