Сэкъатныгъэ зиIэ цIыфхэм ыкIи зипсауныгъэ зэщыкъуагъэхэм апшъэрэ гъэсэныгъэ ягъэгъотыгъэнымкIэ амалэу щыIэхэм афэгъэхьыгъ.

Гъэсэныгъэм ылъэныкъокIэ Урысые Федерацием икъэралыгъо политикэ иIофыгъо шъхьаIэхэм ащыщ сэкъатныгъэ зиIэ цIыфхэмрэ зипсауныгъэ зэщыкъуагъэхэмрэ гъэсэныгъэ амал ягъэгъотыгъэныр.

Профессиональнэ гъэсэныгъэ ащ фэдэхэм яIэным къыфэщэгъэнхэм къыкIэлъэкIох социальнэ статусэу яIэр нахь лъагэ зэрэхъурэр, сэкъатныгъэ зиIэхэр ухъумагъэ зэрэхъухэрэр.

Къыблэ Урысыем инклюзивнэ гъэсэныгъэм зыщегъэушъомбгъугъэныр ыкIи хэхъоныгъэ щегъэшIыгъэныр къызпкъырыкIырэр ныбжьыкIэхэм языдэлэжьыныгъ, къэралыгъо пшъэрылъхэр агъэцэкIэнхэм зэрэфаблэхэрэр ары. Гъэсэныгъэ дэгъу загъотыкIэ, ахэм амалэу яIэхэр къагъэлъагъорэ къодыеп, сэнэхьатыр зэрагъэгъоты ыкIи IофшIэпIэ чIыпIэ яIэ мэхъу. 2017-рэ илъэсым къыщегъэжьагъэу сэкъатныгъэ зиIэхэм ыкIи зипсауныгъэ зэщыкъуагъэхэм апшъэрэ гъэсэныгъэр афызэшIокIыным фэшI Къыблэ Урысыем егъэджэн-методическэ Ресурснэ гупчэ щэлажьэ.

Гупчэм пшъэрылъ шъхьаIэу иIэхэм ащыщых сэкъатныгъэ зиIэу апшъэрэ гъэсэныгъэ зэзыгъэгъотыхэрэр нахьыбэ шIыгъэнхэр, ащ фэдэ студентхэм IэпыIэгъу арагъэкIыныр, яопыт щысэу нэмыкIхэм ягъэлъэгъугъэныр.

Джырэ уахътэм а гупчэр апшъэрэ еджэпIэ 39-мэ адэлажьэ. Ахэм ащыщых Ростовскэ хэкур, Краснодар краир, Адыгэ Республикэр ыкIи Къалмыкъ Республикэр.

Апшъэрэ еджапIэ пэпчъ сэкъатныгъэ зиIэ студентхэм IэпыIэгъоу арагъэкIырэр зыфэдэр гупчэм иIофышIэмэ къаIотэн алъэкIыщт, ащ фэдэ упчIэкIэ зафэбгъазэмэ.

Абитуриентхэу сэкъатныгъэ зиIэхэр ыкIи зипсауныгъэ зэщыкъуагъэхэр программэхэу бакалавриатым ыкIи специалитетым адрэхэм афэдэу ачIэхьанхэ алъэкIыщт е квотэхэмкIэ: сабый-сэкъатхэр, сэкъатхэу а I-рэ ыкIи я II-рэ купым хахьэхэрэр, зицIыкIугъэм къыщегъэжьагъэу сэкъатныгъэ зиIэхэр, къулыкъур ахьызэ дзэ шъобжмэ къахэкIэу сэкъаты хъугъэхэр бюджетымкIэ чIэхьанхэ алъэкIыщт фэгъэкIотэнхэр яIэхэу – ушэтынхэр амытыхэу. Зигугъу къэтшIыгъэ категориемэ ахиубытэхэрэр программэхэу бакалавриатымрэ специалитетымрэ федеральнэ ыкIи шъолъыр бюджетнэ мылъкумкIэ рагъаджэх. Ушэтынхэр зытыщтхэм апае техническэ IэпыIэгъухэр къыдалъытэх: гущыIэм пае, абитуриентхэу икъоу зымылъэгъухэрэр рельефнэ-теубытэгъэ шрифтэу БрайлымкIэ тхьапэм десэхэр щагъэцэкIэнхэ алъэкIыщт е компьютерым хэушъхьафыкIыгъэ программэмкIэ. ЗэкIэ Iэмэ-псымэу агъэфедэхэрэр апшъэрэ еджапIэм егъэхьазырых, ащ щыщ зычIэсыщтхэр икъоу къэгъэнэфыгъэнхэр, люкс 300-м къыщымыкIэу – макIэу зылъэгъухэрэм пае. Зэхэзымыхырэмэ ушэтынхэр зэкIэ тхэнкIэ атын мал яI. Абитуриентхэу зымылъэгъухэрэм ыкIи икъоу зэхэзымыхырэмэ апае тифлосурдозэдзэкIакIом иамалхэр афашIы. ЗекIон зымылъэкIырэмэ ушэтынхэр пэIудзыгъэ шIыкIэм тетэу атых.

Зигугъу къэтшIыгъэхэу сэкъатныгъэ зиIэхэм зэфэшъхьаф программэхэмкIэ егъэджэнхэр федеральнэ шапхъэу къагъэнэфагъэхэм адиштэу акIух. Ахэм амал араты психофизическэ зытетэу яIэм елъытыгъэу рагъэджэнхэу, ыпкIэ хэмылъэу психологэ-медикэ-педагогическэ коррекцие акIунэу.

Урысыем иегъэджэн-методическэ Ресурснэ гупчэ Iофышхо егъэцакIэ сэкъатныгъэ зиIэ студентмэ еджэныр къин къащымыхъуным фэшI. Зэдеджэрэмэ лъытэныгъэ зэфашIыжьыныр, гъэсэныгъэ программэхэм яедзыгъо пэпчъ афэсакъыхэзэ лъагъэкIотэнхэр яIофшIэн къыделъытэх. Шъхьадж ипсауныгъэ изытет, кIуачIэу ыкIи акъылэу иIэм ялъытыгъэу яеджэни афагъэпсы. А зэкIэмэ яшIуагъэкIэ сэкъатныгъэ зиIэхэр псаухэм къахэщыхэрэп, зы амал зэдыряIэу зэдеджэшъух.

Студентхэу гъэсэныгъэ программэхэр бакалавриатымкIи, специалистым игъэхьазырын программэмкIи магистратурэм къыделъытэх IофшIэн къафэгъотыгъэнымкIэ IэпыIэгъу афэхъунхэр.

Нахь игъэкIотыгъэ къэбарыр зыщыжъугъотыщтыр Урысыем иегъэджэн-методическэ Ресурснэ гупч ары. Телефоныр: 8 800 550-63-11, электроннэ почтэр: rumz@sfedu.ru. Джащ фэдэу инклюзивнэ гъэсэныгъэм и Сектор зыфэжъугъэзэн шъулъэкIыщт: телефонхэр: +7 (863) 218-40-00 (доб. 10 187); +7 (863) 218-40-00 (доб. 10 185), электроннэ почтэр: sio@sfedu.ru.