Мыекъопэ къэралыгъо технологическэ университетым игъэсэныгъэ программэ идэгъугъэ къыгъэшъыпкъэжьыгъ, ащ пае профессиональнэ-общественнэ аккредитациер ыкIугъ.

А Iофтхьабзэм къегъэлъагъо студентхэм ягъэхьазырын профессиональнэ шапхъэхэм зэрадиштэрэр, непэрэ бэдзэр зэфыщытыкIэхэм зарэхэзагъэхэрэр. Аккредитацием къеушыхьаты апшъэрэ еджапIэм къычIитIупщыхэрэм ячIыпIэ зэрагъотыщтыр, янеущрэ мафэ сэнэхьат дэгъухэмкIэ зэрэзэтегъэпсыхьэгъэщтыр.

Сертификатхэр бакалавриатым илъэныкъохэмкIэ атыгъэх, мыщ фэдэхэмкIэ:

- 19.03.02 КъэкIыхэрэм ахашIыкIырэ шхыныгъохэр

- 21.03.02 ЧIыгугъэпсыныр ыкIи кадастрэр

- 23.03.01 Транспортнэ процессхэм ятехнологий

- 27.03.01 Стандартизациер ыкIи метрологиер

- 35.03.07 Мэкъу-мэщ продукциер къыдэгъэкIыжьыгъэныр ыкIи производствэм итехнологие

- 36.03.02 Зоотехниер

- 38.03.01 Экономикэр

- 40.03.01 Юриспруденциер

- 43.03.03 ХьакIэщ Iофыр

Аккредитациер Урысыем иIофшIэкIо эксперт-лIыкIомэ рагъэкIокIыгъ, ахэмэ осэшхо гъэсэныгъэ программэмэ къафашIыгъ, материальнэ-техническэ базэр зэрэзэтегъэпсыхьагъэр къагъэнэфагъ ыкIи студентхэм яухьазырыныгъэ. Мыекъопэ къэралыгъо технологическэ университетым истудентхэр IофшIэным ибэдзэр зэрэдиштэхэрэр специалистмэ къыхагъэщыгъ. Программэхэм уасэ къазэрэфашIыгъэ лъэныкъохэр: купкIыр, егъэджэн-методическэ материалмэ ядэгъугъ, студентхэмрэ къычIатIупщыхэмрэ яшIэныгъэ зынэсырэр.

Кафедрэхэм ащылажьэхэрэмрэ япащэхэмрэ IофшIэнышхоу зэшIуахыгъэр шъхьафэу къыхэгъэщыгъэныр атефэ, ахэмэ дэгъу дэдэу профессиональнэ-общественнэ аккредитациер акIугъ, ахэр:

- чIыгугъэпсыным икафедрэ ипащэу, биологие шIэныгъэхэмкIэ докторэу Iэшъынэ Юныс;

- мэкъу-мэщ продукцием ипроизводствэ технологиехэм якафедрэ ипащэу, мэкъу-мэщ шIэныгъэхэмкIэ докторэу Мамсыр Нурбый;

- гъомлэпхъэ технологиехэм якафедрэ ипащэу, техническэ шIэныгъэхэмкIэ докторэу Хьаткъо Зурет;

- маркетингым, сервисым ыкIи туризмэм якафедрэ ипащэу, экономикэ шIэныгъэхэмкIэ докторэу, доцентэу КъумпIыл Анжеликэ;

- финансхэм ыкIи кредитым якафедрэ ипащэу, экономикэ шIэныгъэхэмкIэ кандидатэу, доцентэу Людмила Пригода;

- гъомлэпхъэ производствэм, машинэхэм ыкIи Iэмэ-псымэхэм ятехнологиехэм якафедрэ ипащэу, техническэ шIэныгъэхэмкIэ докторэу, доцентэу Сихъу Хьазрэт;

- стандартизацием, метрологием ыкIи товарнэ экспертизэм якафедрэ ипащэу, техническэ шIэныгъэхэмкIэ кандидатэу, доцентэу Тазэ Зарет;

- автомобильнэ транспортым икафедрэ ипащэу, экономикэ шIэныгъэхэмкIэ кандидатэу, доцентэу Яна Ткачевар;

- административнэ ыкIи уголовнэ правэм якафедрэ ипащэу, юридическэ шIэныгъэхэмкIэ кандидатэу, доцентэу Елена Курбановар.

ЗэкIэ кафедрхэм ыкIи ахэм япащэхэм тафэгушIо! Аккредитацием джыри зэ къыгъэлъэгъуагъ МКъТУ-м специалист къодыеп ыгъэхьазырхэрэ, ащ профессионалхэу непэрэ уахътэм диштэхэрэр, хэгъэгум иэкономикэ хэхъоныгъэ езыгъэшIышъущтхэр къычIетIупщых.