Мыекъопэ къэралыгъо технологическэ университетым истудентхэр гъомлэпхъэ технологиехэм ыкIи биотехнологиехэм алъэныкъокIэ апшъэрэ гъэсэныгъэм зыфэгъэхьазырыгъэным афэгъэхьыгъэ Урысые зэнэкъокъоу чIэтIупщыгъо квалификационнэ IофшIэнхэр къыдэзылъытэщтыгъэхэм щытекIуагъэх.

Зэнэкъокъум ипшъэрылъ шъхьаIэр — электроэнергетикэм ылъэныкъокIэ сэнаущыгъэ зыхэлъ ныбжьыкIэхэу ушэтын Iофхэм апылъыщтхэр къыхэгъэщыгъэнхэр ыкIи а Iофым кIэгъэгушIугъэнхэр ары, джащ фэдэу чIэтIупщыгъо IофшIэнхэм япрактическэ мэхьанэ къэIэтыгъэныр, студентмэ япрофессиональнэ шIэныгъэхэр гъомлэпхъэ технологиехэм ыкIи биотехнологиехэм алъэныкъокIэ IофшIэным фэгъэхьазырыгъэнхэм тегъэпсыхьэгъэныр.

МКъТУ-м гъомлапхъэхэм ятехнологиехэм ыкIи шхыныгъохэм ягъэхьазырынкIэ икафедрэ истудентхэм яIофшIэгъищ зэнэкъокъум къыщыхагъэщыгъэх:

— а I чIыпIэр Надежда Бугаевам ыхьыгъ, иIофшIагъэ ыцIагъэр «Разработка рецептуры и технологии иммуномодулирующего безалкогольного напитка «Иммунетик» из основного и вторичного растительного сырья (Стартап как диплом)». Научнэ пащэр — IофшIэкIо шъхьаIэу Татьяна Белявцевар ары.

— я II-рэ чIыпIэр Елизавета Кобченко къыдихыгъ, иIофшIагъэ ыцIагъэр «Азиатскэ шхапIэу тIысыпIэ 80 зиIэ кафем ипроект (къ. Усть-Лабинск)». Научнэ пащэр — гъомлапхъэхэм ятехнологиехэм ыкIи шхыныгъохэм ягъэхьазырынкIэ кафедрэм ипащэу, техническэ шIэныгъэхэмкIэ докторэу Хъоткъо Зурет.

— я III-рэ чIыпIэр Бэгъушъэ Марият фагъэшъошагъ, иIофшIагъэ ыцIагъэр «Разработка рецептуры и технологии мучных кондитерских изделий с использованием семян льна». Научнэ пащэр — гъомлапхъэхэм ятехнологиехэм ыкIи шхыныгъохэм ягъэхьазырынкIэ кафедрэм идоцентэу, техническэ шIэныгъэхэмкIэ кандидатэу Блэгъожъ Асет

Студентхэми научнэ пащэхэми текIоныгъэхэу къыдахыгъэхмкIэ тафэгушIо, тапэкIэ джыри гъэхъэгъабэ ашIынэу тафэлъаIо!