Непэ Мыекъопэ къэралыгъо технологическэ университетым Форумэу «МКъТУ-м и Точка кипение 4.0» зыфиIорр щыкIуагъ, ар МКъТУ-м и ТК илъэсищ зэрэхъугъэм фэгъэхьыгъагъ.

Гъэлъэшыгъэ шIыкIэ Университет 2035-рэ зыфиIоу МКъТУ-м щылажьэрэм иоператорэу щыт МКъТУ-м и Точка кипение икомандэ,  ныбжьыкIэ проектхэу «Уигухэлъ факIу» зыцIэ Урысые зэнэкъокъум, акселерационнэ программэу «ФудСовет — неущрэ мафэм ишхыныгъохэр» зыфиIоу АНО ПОО «ЦРЦПК ФудСоветым» хахьэрэм, МКъТУ-м и Форумэу «Непэрэ лъэхъаным игукъэкI лъэшхэр», Урысые акциеу «ИТ-Iорытх», Урысые  проектэу «Научнэ-технологическэ     Iорытх», Урысые проектэу «Урысые  физикэ-техническэ уплъэкIунэу «КъыдэкIи къэшI!» зыфиIохэрэм ыкIи нэмыкI федеральнэ ыкIи шъолъыр хъугъэ-шIагъэхэу тикъэралыгъо игъэсэныгъэрэ ишIэныгъэрэ зезыгъэушъомбгъухэрэм ар ащыщ.

Форумым эксперт пэрытхэр, кIэлэегъаджэхэр ыкIи студентхэр къыугъоигъэх, технологиехэмрэ шIэныгъэмрэ афэгъэхьыгъэ зэдэгущыIэгъухэм зэрищэлIагъэх. Iофтхьабзэр  стратегическэ инициативэхэм я Агентствэрэ Лъэпкъ технологическэ инициативэхэм яплатформэрэ яIэпыIэгъухэу зэхащагъ.

Iофтхьабзэм хэлэжьагъэхэм ащыщхэр: МКъТУ-м и  Точка кипение ипрограммнэ пащэу, маркетингым, сервисым ыкIи туризмэм якафедрэ идоцентэу Светлана Новиковар, МКъТУ-м и ТК иадминистраторэу, научнэ IофшIэным игъэIорышIапIэ иIофышIэу Мария Тамахинар; стратегическэ инициативэхэм я Агентствэ иобщественнэ лIыкIоу Антон Артамкиныр; психологическэ шIэныгъэхэмкIэ кандидатэу, МКъТУ-м ипсихологическэ къулыкъу ипащэу Людмила Красновар.

Апэрэ мафэр анахь мэхьанэ зиIэ зэдэгущыIэгъумкIэ рагъэжьагъ — стратегическэ сессиеу «Дроносфера Адыгеи» зыфиIорэр рагъэкIокIыгъ. МКъТУ-м и Точка кипение ипащэхэм,  университетым иректорэу Къуижъ Саидэ ацIэкIэ Iофтхьабзэм хэлажьэрэмэ шIуфэс къарихыгъ цифровизациемкIэ проректорэу Игнатов Дмитрий Алексей ыкъом. Сессием къыдыхэлъытагъэу Лъэпкъ проектэу  «Беспилотные авиационные системы» зыфиIорэр зэрагъэцакIэрэм ыкIи  дроносферэм  Адыгеим хэхъоныгъэ зэрэщишIырэм атегущыIагъэх. Стратегием къыхеубытэ пилот зэрымысэу быбырэ аппаратхэм ябэдзэр зырагъэушъомбгъуныр, федеральнэ проектэу «Архипелаг 2025» зыфиIорэм икомандэ зэхащэныр япшъэрылъ.

ЯтIонэрэ мафэр МКъТУ-м гупшысэгъухэм я Клубэу иIэм лъэтегъэуцо щыфашIыгъ, ащ хахьэрэ кIэлэегъаджэхэмрэ студентхэмрэ яшIэныгъэ амалхэм хагъэхъон алъэкIы. АнаIэ шъхьаIэ зытырадзагъэмэ ащыщ семинарэу  «Использование когнитивных ресурсов школьника в условиях освоения ФГОС» зыфиIорэм, ар зэрищагъ МКъТУ-м ипсихологическэ къулыкъу ипащэу Людмила Красновам. Шъолъырым икIэлэегъаджэмэ методическэ материалхэу  когнитивнэ сферэм хэхьэрэ кIэлэеджакIохэм зэрадэлэжьэщтхэр агъотыгъэх.

МКъТУ-м гупшысэгъухэм я Клуб хэтхэм язэIукIэгъукIэ непэрэ мафэр аухыгъ, кIэлэегъаджэхэмрэ студентхэмрэ когнитивнэ ыкIи аналитическэ амалхэм хэхъоныгъэ зэрафэпшIыщт шIыкIэхэр къаIотагъэх. Технологиехэр егъэджэн процессым зэрэщагъэфедэхэрэр, неущрэ мафэм а лъэныкъомкIэ щыпэрытхэр зэрэрагъаджэхэрэр къыхагъэщыгъ.

Шъугу къэдгъэкIыжьын, Мыекъопэ къэралыгъо технологическэ университетым и Точка кипение имэфэкI неущ лъагъэкIотэщт. Программэм хэтыщтхэр:

— сыхьатыр 11:00 МКъТУ-м ипрофессорэу Валерия Акатовар лекцие къеджэщт;

—  сыхьатыр 14:00 ФАНК «Карбоновые Полигоны» зхыфиIорэм къыдыхэлъытагъэу шIэныгъэ кином еплъыщтых.