Мыекъопэ къэралыгъо технологическэ университетым чIэхьагъэхэм яспискэ къызынэфагъэм ыуж, ащ чIэхьанхэу фэмыехэр къызэрахэкIыгъэхэм фэшI, шышъхьэIум и 10-м щегъэжьагъэу бюджет чIыпIэхэр зыщатырагощэщтхэ тедзыгъо тедзэр рагъэкIокIынэу агъэнафэ.

ШышъхьэIум и 10-м ехъулIэу вакантнэ чIыпIэу щыIэхэр (шъунаIэ тешъудз, шышъхьэIум и 14-м нэс а чIыпIэхэм япчъагъэ хэхъон ылъэкIыщт):

- 31.05.02 Педиатриер – 1;

- 33.05.01 Фармациер – 2

Мы едзыгъом хэта хэлэжьэн зылъэкIыщтхэр?

1) Абитуриентхэу бюджетым шыкIэм тетэу апшъэрэ еджапIэм чIэмыхьагъэхэр, ау документхэм яоригиналхэр МКъТУ-м къезыхьылIагъэхэр. Мыхэр автоматическэу мы уцугъом хэлажьэх (арышъ, оригиналхэр шышъхьэIум и 14-м нэс чIамыхыжьынхэу закъыфэтэгъазэ).

2) Абитуриентхэу документхэм якопиехэр МКъТУ-м къыIэкIэзыгъэхьагъэхэр (еджапIэм учIэхьаным пае аттестатым иоригинал шышъхьэIум и 13-м нэс къэптын фае).

Зэнэкъокъур зэрэкIорэм ссылкэмкIэ улъыплъэн плъэкIыщт.

Мэхьанэ иI‼ Мэкъуогъум и 25-м нэс къатыгъэ лъэIу тхылъым итхэгъэ лъэныкъо шъхьаIэхэм къадыхэлъытагъэу зэнэкъокъур рагъэкIокIы. Едзыгъо тедзэм ащ зэхъокIыныгъэхэр фэпшIынхэ уфитэп.

Приемым къыдыхэлъытагъэу едзыгъо тедзэр зыщызэхащэщт уахътэр: 
• шышъхьэIум и 10, 2024-рэ илъэс — едзыгъор зэрэрагъажьэрэм фэгъэхьыгъэ къэбар къаIощт. 
• шышъхьэIум и 10, 2024-рэ илъэс — гъэсэныгъэ зэряIэр къэзыушыхьатырэ тхьапэхэм яоригиналхэр зыщаIахырэм ипэубл.
• шышъхьэIум и 13, 2024-рэ илъэс сыхьатыр 17:00-м нэс — тхьапэхэм яоригиналхэр зыщаIахыхэрэ мафэм ыкIи уахътэм якIэух.
• шышъхьэIум и 14, 2024-рэ илъэс — еджапIэм зэраштагъэхэм фэгъэхьыгъэ унашъор къызыдэкIырэ маф.

УпчIэхэр шъуиIэмэ, МКъТУ-м иабитуриентхэм ячат сообществэ шъукъэтхэн шъулъэкIыщт.

МКъТК-м иприемнэ комиссие зызэрэфэбгъэзэщтыр: priemkom@mkgtu.ru 8(8772) 52-30-08.