Апэрэ IэпыIэгъур заор кIозэ ябгъэкIынымкIэ мастер-классхэр, профориентациер, стол кIыIу джэгукIэхэм технологиехэр ащагъэфедэхэзэ зэхэщэгъэнхэр Урысе обществэу «ШIэныгъэм» икъутамэ игъэсэныгъэ программэ иIахьхэм ащыщых. Ахэр кIэлэцIыкIу зыгъэпсэфыпIэ лагерэу «Лань» зыфиIорэм зыщызгъэпсэфырэ сабыйхэм апае зэхащэх.

Гъэмэфэ зыгъэпсэфыпIэ кампанием къыдыхэлъытагъэу Урысые обществэу «ШIэныгъэм» игъэсэныгъэ программэ гъэ къэс IофтхьабзакIэхэр хегъахьэх. Шъолъыр пэпчъ е зыгъэпсэфыпIэм зэхэт зы программэ къыхихынэу амал иI. Лагерым щыIэхэм апае общественнэ организацием проектих къыгъэхьазырыгъ.

Лагерым щыIэхэр IукIагъэх ХэушъхьафыкIыгъэ дзэ операцием хэлэжьагъэу, Мыекъопэ къэзэкъ отделым иатаман игуадзэу Александр Роговым. Ащ кIэлэцIыкIумэ апае мастер-класс ригъэкIокIыгъ. Роговым къыIотагъ лъэуаехэр ыкIи кIапсэхэр зэрагъэфедэхэрэр дзэкIолI уIагъэр зэо чIыпIэм къырахыжьы зыхъукIэ, апэрэ IэпыIэгъур зэрэрагъэкIырэр.

Александр Роговым къызэрэхигъэщыгъэмкIэ, тактическэ медицинэм ипшъэрылъ шъхьаIэр цIыфыпсэр къэгъэнэжьыгъэныр ары. КIэлэцIыкIумэ хьакIэм къыIуатэрэр ашIогъэшIэгъоныгъ, анахьэу къыхагъэщыгъэр дзэкIолIхэр зэрэзэдэIэпыIэжьхэрэр, команднэ IофшIэныр зэрэрекIокIырэр ары.

Ащ ыуж Мыекъопэ къэзэкъыдзэ отделым иатаман къэбар жъугъэм иамалхэмкIэ иIэпыIэгъоу Анастасия Нетребинам IэпэIэсэныгъэм фэгъэхьыгъэ псалъэ къышIыгъ ыкIи Фуд-советыр зэрищагъ.

Ащ фэшъхьафэу стол кIыIу джэгукIэу технологиехэр зыщагъэфедэхэрэм нэIуасэ фишIыгъэх Роман Гореловым, ар Урысые общественнэ движениеу «ТекIоныгъэм игуфакIохэм» ипащ.

Мы Iофтхьабзэр зэхащэнымкIэ зишIуагъэ къэкIуагъэ гъэсэныгъэ проектхэр: ШIэныгъэр.Карьерэр, ШIэныгъэр.ЛIыхъужъхэр ыкIи ШIэныгъэр. Урысые обществэу «ШIэныгъэм» и Лекторий.