Бакалавриатым, специалитетым ыкIи апшъэрэ гъэсэныгъэм япрограммэхэмкIэ учIахьэмэ, мыхэр пшIэнхэ фае:

Апэрэ лъэубэкъу. Шъухахь портал «Госуслуги» зыфиIорэм ыкIи заявление щышъутх.

ЯтIонэрэ лъэубэкъу. Джэуапэу «ары» мы упчIэм къешъут: «Целевой егъэджэныр пшIогъэшIэгъона?»

Я 3-рэ лъэубэкъу. Заказчикмэ япредложение шъухаплъ, нахь дэгъур къыхэшъух.

Я 4-рэ лъэубэкъу. Апшъэрэ еджапIэр ыкIи зэнэкъокъу купхэр къыхэшъухых. Целевой квотэмкIэ зэнэкъокъур къыхэжъугъэщыныр зыщышъумыгъэгъупш.
 Целевой квотэмкIэ зэнэкъокъоу къыхэпхыщтыр зэу щытын фае, апэ предложениеу къыхэшъухыгъэм епхыгъэу.

Документхэр мэкъуогъум  и 20-м къыщыублагъэу бэдзэогъум и 25-м нэс птын плъэкIыщт. (Апшъэрэ еджапIэм нахьыжьэу ахэм яштэн пIалъэ зэфишIыжьышъущт, ащи шъулъыплъ).

 Я 5-рэ лъэубэкъу. Университетым исайт къытырэ спискэм шъуичIыпIэ шъущылъыхъу.

Я 6-рэ лъэубэкъу. Зэнэкъокъум шъупхырыкIыгъэ хъум, бэдзэогъум и 28-м сыхьатыр 12-м нахь мыкIасэу документ шъыпкъэхэр къэшъутынхэ фае, ащ пае кнопкэу порталэу «Госуслуги» иIэм шъутеIукIэн фае ыкIи апшъэрэ еджапIэм тхьапэ шапхъэм тетхэу къэшъухьынхэу щыт.

Я 7-рэ лъэубэкъу. ШъузэрэчIэхьагъэмкIэ къэбарыр сайтым къыхаутыфэ е порталым къехьэфэ шъуеж.

Я 8-рэ лъэубэкъу. Целевой егъэджэным фэгъэхьыгъэ зэзэгъыныгъэм заказчикым шъудыкIатх, ар еджэгъу илъэсыр рамыгъажьэзэ жъугъэцэкIэн фае.

 ШъунаIэ тешъудз!  Бакалавриатым, специалитетым ыкIи апшъэрэ гъэсэныгъэм япрограммэхэмкIэ чIахьэхэрэм целевой егъэджэнымкIэ заявкэр тхьапэкIи атын алъэкIыщт. Заявкэр приемнэ комиссием ептын фае.

Целевой егъэджэным фэгъэхьыгъэ предложениеу заказчикмэ къатыхэрэр мыщ ижъугъотэщт: платформэу «Работа в России».

Магистратурэм, аспирантурэм, ординатурэм, ассистентурэ-стажировкэм япрограммэхэмкIэ шъучIэхьэмэ, шъушIэн фае:

А 1-рэ лъэубэкъу. Целевой егъэджэным фэгъэхьыгъэ предложениеу заказчикмэ къатырэр мыщ щызэжъугъашI: платформэу «Работа в России».

Я 2-рэ лъэубэкъу. Апшъэрэ еджапIэм иприемнэ комиссие документхэр ешъутых:

— заявкэр целевой егъэджэнымкIэ,

— рагъэджэнэу зэраштэщтымкIэ заявлениер. Шапхъэр апшъэрэ еджапIэм къытыщт.

ШъунаIэ тешъудз! Заявкэмрэ заявлениемрэ а зы зэнэкъокъум пае атын фае.

Я 3-рэ лъэубэкъу. Университетым исайт къытырэ спискэм шъуичIыпIэ шъущылъыхъу.

Я 4-рэ лъэубэкъу. Зэнэкъокъум шъупхырыкIыгъэ хъумэ документ шъыпкъэхэр приемнэ комиссием ешъутых.

Я 5-рэ лъэубэкъу. ШъузэрэчIэхьагъэмкIэ къэбарым шъуеж. Ар апшъэрэ еджапIэм исайт къырагъэхьащт.

Я 6-рэ лъэубэкъу. Целевой егъэджэным фэгъэхьыгъэ зэзэгъыныгъэм заказчикым шъудыкIатх, ар еджэгъу илъэсыр рамыгъажьэзэ жъугъэцэкIэн фае.

 УхъумэкIо-промышленнэ комплексым ихъызмэтшIапIэмэ апае хэушъхьафыкIыгъэ предложениехэр целевой егъэджэным епхыгъэу къатых. Ащ фэдэу щыIэхэр приемнэ комиссием шъущыкIэупчIэмэ, ащ къыщышъуаIощт.

 УпчIэхэр шъуиIэхэмэ, мыхэм зафэжъугъаз:

ЗыкI контакт-гупчэу «Прием в вуз»: 8-800-301-44-55;

Гъэсэныгъэмрэ шIэныгъэмрэкIэ Урысыем и Министерствэ : 8-800-222-55-71; 8-800-100-20-17 (онлайн шIыкIэмкIэ апшъэрэ еджапIэм учIэхьаныр).