Адыгэ Республикэм щыпсэурэ кIэлэеджакIохэм афэгъэхьыгъэ егъэджэн Iофтхьабзэхэр лъагъэкIуатэх, ахэр «ШIэныгъэр. Каникулхэр», «ШIэныгъэр. Наукэр» ыкIи «Знание.Карьера» зыфиIорэ акциехэм къадыхэлъытагъэх. Iофтхьабзэм нэбгыри 100 фэдиз хэлэжьагъ.

Лицееу №34-м икIэлэеджакIохэм апае лекциеу «Апэрэ IэпыIэгъур ябгъэкIынымыкIэ мастер-классыр» зыфиIорэм къеджагъ факультетскэ терапием икIэлэегъаджэу Гупчэ район сымэджэщым иврач-хирургэу, МКъТУ-м и Медицинэ институт илечебнэ факультет иIофышIэу, «ГуфакIо-медикхэр» зыфиIорэ Урысые общественнэ движением ишъолъыр координаторэу Вера Малыхинар.

Джащ фэдэу МКъТУ-м и «Точка кипение» илабораториеу «Проектирование, эксплуатация и ремонт БПЛА» зыфиIорэм ипащэу Виталий Гончаровым кIэлэеджакIохэр пилот зэрымыс авиационнэ системэм нэIуасэ фишIыгъэх.

МКъТУ-м и «Точка кипение» ипрограммнэ пащэу Светлана Новиковар ыкIи администраторэу Мария Тамахинар «Аэронет 2035-рэ» зыфиIорэ IофшIэным ныбжьыкIэхэр нэIуасэ фишIыгъэх.

«Точка кипением» ишIухьафтын зэфэшъхьафхэр кIэлэеджакIомэ аратыгъэх, ахэр сурэтхэу пилот зэрымыс авиационнэ системэхэр зытешIыхьагъэхэу щытыгъэх, приложением ихьатыркIэ 3D-модель БАС-р плъэгъун олъэкIы ыкIи нейросетымкIэ макъэр къегъэIу.

Приложениер «Точка кипениер» яIэпыIэгъоу технологиехэм ыкIи гъэIорышIэным я Московскэ къэралыгъо университетэу К.Г. Разумовскэм ыцIэ зыхьырэм, Ивановскэ къэралыгъо университетым, Белгородскэ къэралыгъо технологическэ университетэу В.Г.Шуховым ыцIэ зыхьырэм ыкIи техническэ творчествэм и Гупчэу «Новацием» ащагъэпсыгъ, университетхэм ястудентхэмрэ якIэлэегъаджэхэмрэ а Iофым хэлэжьагъэх.

Ахэр Google Play зыфиIорэм итых, мобильнэ устройствэу ОС Android зиIэхэм атырагъэуцо. Приложением игугъу Сколковэм жъоныгъокIэ мазэм 2023-рэ илъэсым къыщашIыгъагъ. Ар проектнэ-гъэсэныгъэ гъэлъэшыгъэу «Архипелаг 2023-рэ» зыцIэм хэхьэ. Программэм амал къеты БАС-м исайтэу «Аэронет 2035-м» ухэхьанэу.

Ащ фэшъхьафэу, МКъТУ-м иплощадкэ студенткэу Елизавета Текучевам лекциеу «Значимость правильного питания для военнослужащих в полевых условиях» зыфиIорэм къыщеджагъ. НыбжьыкIэмэ ащ упчIабэ аратыгъ, ашIогъэшIэгъон темэхэр къыхагъэщыгъэх.