Мы мафэхэм шIэныгъэ-практическэ конференциеу «Къэралыгъуабэхэр Урысыем къызыщыпэуцугъэ¬хэ лъэхъаным лъэпкъ щы¬нэгъончъагъэр гъэпы¬тэгъэнымкIэ стратегическэ лъэныкъохэр гъэ¬нэфэгъэнхэр» зыфиIорэр Мыекъопэ къэралыгъо технологическэ университетым щыкIуагъ.

Мыекъопэ къэралыгъо технологическэ университетым иректорэу Къуижъ Саидэ шIуфэс гущыIэхэмкIэ Iофтхьабзэм хэлажьэхэрэм закъыфигъэзагъ. Тикъэралыгъо зыхэт гумэкIыгъо лъэхъаным ныбжьыкIэхэр къэбар нэпцIхэм ащыухъумэгъэнхэмкIэ непэрэ зэIукIэгъум мэхьанэшхо зэриIэр ащ къыIуагъ.

Зэхахьэр зэрищагъ ныбжьыкIэ политикэмкIэ МКъТУ-м ипроректорэу БрантIэ Мурат.

Конференцием хэлэжьагъэх тарихъ шIэныгъэхэмкIэ кандидатэу, доцентэу, Кемеровскэ къэралыгъо университетым ныбжьыкIэхэм граждан еплъыкIэ тэрэз яIэным­кIэ, лъэпкъ ыкIи дин зэпэуцужьхэм, терроризмэм ахэщагъэхэ мыхъунхэмкIэ и Координационнэ гупчэ ипащэу Вадим Шиллер, АР-м терроризмэм пэуцужьыгъэнымкIэ икомиссие и Аппарат ипащэу ЛIый Азэмат, Адыгеим лъэпкъ IофхэмкIэ, IэкIыб къэралхэм ащыпсэурэ тилъэпкъэгъухэм адыряIэ зэпхыныгъэхэмкIэ ыкIи къэбар жъугъэм иамал­хэмкIэ и Комитет итхьаматэу Шъхьэлэхъо Аскэр, тарихъ шIэныгъэхэмкIэ докторэу Елена Малышевар, тарихъ шIэныгъэхэмкIэ кандидатэу Нэшъулъащэ Наимэ, шIэныгъэлэжьхэр, хэбзэухъумэкIо къулы­къухэм, общественнэ ыкIи дин организациехэм, муниципальнэ образованиехэм ялIыкIохэр.
Iофтхьабзэм ипшъэрылъ шъхьа­Iэр Урысые Федерациер гумэкIыгъо лъэхъан зыщыхэтым лъэпкъ щынэгъончъагъэр гъэпы­тэгъэнымкIэ стратегическэ лъэ­ныкъохэм атегущыIэныр, екIо­лIакIэхэр къыхэхыгъэнхэр ары.

Iофтхьабзэм хэлажьэрэмэ зэкIэмэ хагъэунэфыкIыгъ IэкIоцI ыкIи IэкIыб щынагъоу къыкъокIыхэрэм зэкъотхэу пэуцужьынхэ зэрэфаем. Конференцием къыгъэлъэгъуагъ шIэныгъэлэжьхэр, хэбзэ къулыкъушIэхэр ыкIи ныбжьыкIэхэр зэпщэлIэнхэм, зэгъусэхэу гумэкIыгъохэм ядэгъэзыжьын дэгъэлэжьэгъэнхэм мэхьанэ зэриIэр.
Iофыгъоу къаIэтыгъэм фэгъэ­хьыгъэу шIэныгъэлэжьхэр, хэ­бзэухъумакIохэр, динлэжьхэр кон­ференцием къыщыгущыIа­гъэх, кIэух зэфэхьысыжьхэр ашIыгъэх.