Петербургскэ дунэе экономическэ форумэу-2024-м МКъТУ-р хэлэжьагъ!
Мыекъопэ къэралыгъо технологическэ университетым истудентэу Роман Гореловыр Дунэе экономическэ форумэу Санкт-Петербург щыкIуагъэм иныбжьыкIэ программэ хэлэжьагъ.
Петербург щыкIогъэ дунэе экономическэ форумэу 2024-р (ПМЭФ-2024) — ар дунаим иэкономикэрэ ибизнесрэ яхъугъэ-шIэгъэ инэу Iофыгъо шъхьаIэхэр къызщаIэтырэ Iофтхьабз.
Мыгъэрэ ныбжьыкIэ программэр практикэ-ориентированнэ контентэу шэпхъакIэхэр къызщагъэлъагъоу щытыгъ, пэрыт ныбжьыкIэхэу сэнаущыгъэ зыхэлъхэм зыщаушэтын алъэкIыгъ. Ар гъэсакIохэм яинститут, социальнэ-экономическэ Iофыгъо куухэм ныбжьыкIэхэр ахэгъэлэжьэгъэнхэм афэIорышIэ.
НыбжьыкIэ мафэм зэхащэгъэ Iофтхьабзэм дунэе сессиеу «Гъунапкъэхэр тетэгъэкIых: сатыушIэ ныбжьыкIэхэм ядунэе зэпхыныгъэхэр тэгъэпытэх» зыфиIорэр хэтыгъ. Аужырэ илъэс заулэхэм урысые бизнесым товарнэ-логистическэ зэпхыныгъэм зыфигъэзагъ ыкIи щэфакIохэм ябэдзэр нахь къыдилъытэу хъугъэ. Росмолодёжым ипащэ иупчIэжьэгъоу Олег Макаровым къызэриIуагъэмкIэ, бэдзэрхэм нахь зызыщаушъомбгъурэ лъэхъаным урысые сатыушIэхэр дунэе площадкэхэм нахьыбэу ахэлажьэх, электроннэ шIыкIэри ащ пае агъэфедэ.
НыбжьыкIэхэр мы дунэе экономическэ форумым зэрэхэтыгъэхэм ишIуагъэкIэ, хэгъэгум иэкономикэ хэхъоныгъэхэр егъэшIыгъэнхэм фэгъэхьыгъэ упчIэхэм язэхэфын нахь IэшIэх хъугъэ, яIэпэIэсэныгъэ хагъэхъонымкIэ амалышIухэр агъотыгъэх.