Мыекъопэ къэралыгъо технологическэ университетым и «Точка кипение» студенческэ проектхэм ямафэ щыкIуагъ, ар зыфэгъэхьыгъагъэр гъэлъэшыгъэ шIыкIэу Университет 2035-рэ «ГукъэкIым къыщежьэу апэрэ шIыгъом нэсыжьэу» зыфиIорэр ары.

МэзиплIым къыкIоцI командэхэу Iофтхьабзэм хэлажьэхэрэмэ ежьхэм япроектхэр зэхагъэуцощтыгъэх, пшъэрылъхэр агъэцакIэщтыгъэ. Командэмэ япроектмэ янахьыбэрэр технологическэ Iофыгъохэу FoodNet, EduNet ыкIи бэдзэрым щыщэу НТИ-м адиштэхэу гъэпсыгъэх. Ащ фэшъхьафэу командэхэр адэлэжьагъэх робототехникэм, БПЛА-м, маркетингым, медицинэм, псолъэшIыным, геймдевым, мобильнэ приложениехэм ыкIи нэмыкIхэм.

Технологическэ проект 466-м щыщэу экспертмэ 38-рэ къыхахыгъ, ахэр командэмэ къагъэлъэгъуагъэмэ ащыщых, лъэшэу адэлэжьагъэх. ТекIоныгъэ къыдэзыхыгъэхэр университетым истуденческэ командищ:

1. Проектэу «ПкIашъэу къефэхыжьхэрэмэ инновацие шIыкIэхэр къызфагъэфедэзэ тхьапэ ахэшIыкIыгъэныр». Экологическэу тхьапэ къабзэр ащ фэдэ материалым хэшIыкIыгъэу — ащ чъыгэу раупкIыхэрэр зэблихъун ылъэкIыщт, пластикэм хэшIыкIыгъэ къэмланэхэри ары. Командэм икапитаныр — Денис Крылевскэр, гъэсакIор — Мария Галичевар.   

2. Проектэу «МыIэрысэхэр ящысэу пхъэшъхьэ-мышъхьэхэр инновацие шIыкIэхэр къызфагъэфедэзэ охътабэм къыкIоцI щыгъэлъыгъэнхэр». Эфирнэ дагъэхэр агъэфедэхэзэ зэраухъумэщт технологиехэр. Командэм икапитаныр — Денис Крылевскэр, гъэсакIор— КIыкI Саид.   

3. Проектэу «Помощь в применении пробиотиков для профилактики ОРВИ с помощью чат-бота»  зыфиIорэр зыфэгъэхьыгъэр цIыфым ипкъышъол ииммунологическэ резистентность инфекциехэм ащыухъумэгъэныр, пробиотическэ препаратхэр ахалъхьэзэ, лакто-бифидум бактериехэр алъапсэхэу. Командэм икапитаныр — Эдуард Худяков, гъэсакIор — Хъыщт Нафсэт.

Алтай къыщегъэжьагъэу Воронеж нэс къарыкIыгъэ студентмэ яIэшIагъэхэм Iофтхьабзэм хэлажьэхэрэр еплъыгъэх, проектмэ атегущыIагъэх, акселератормэ яшIошIхэм ядэIугъэх, венчурнэ фондхэм ыкIи бизнес-инкубаторхэм ахэплъагъэх.

ИгъэкIотыгъэу мы программэр проектнэ-финалистмэ явитринэ зыщышъулъэгъущтыр мыщ.

Проектнэ-гъэсэныгъэ интенсивэу «ГукъэкIым къыщежьэу апэрэ шIыгъом нэсыжьэу» зыфиIорэр моделэу Университет 2035-рэ – ар гъэсэныгъэ программэу команднэ IофшIэнымрэ технологическэ проектымрэ зэзыпхырэр ары. Мы программэр илъэсым тIогъогогъо апшъэрэ еджапIэхэм ащэкIох — гъатхэмрэ бжыхьэмрэ. 2018-рэ илъэсым къыщегъэжьагъэу интенсив 12 атIупщыгъ. МКъТУ-р ащ зыхэтыр 2022-рэ илъэсым щегъэжьагъ, операторэу иIэр—МКъТУ-м и «Точка кипений» ары. Ащ хэхьэх: маркетингымкIэ, сервисымкIэ ыкIи туризмэмкIэ кафедрэм ипащэу, программнэ пащэу Светлана Новиковар ыкIи администраторэу Мария Тамахинар.