Егъэджэн процессым елъытыгъэу Мыекъопэ къэралыгъо технологическэ университетым ЕджэпIэ-семинар щыкIуагъ, ар зыфэгъэхьыгъагъэр эпилепсиер къызэузыгъэ кIэлэцIыкIухэм ыкIи зыныбжь икъугъэхэм зэряIазэхэрэр ары.

ШIуфэс гущыIэхэмкIэ къэзэрэугъоигъэхэм закъыфигъэзагъ Шъолъыр общественнэ организациеу «Врачмэ я Хасэ» хэтэу, медицинэ шIэныгъэхэмкIэ докторэу, псауныгъэр къэухъумэгъэнымкIэ Москва и Департамент штатым хэмыт инейрохирург шъхьаIэу Жанна Семеновам. Iофтхьабзэм хэлэжьагъ лечебнэ факультетым идеканэу Беслъангъурэ Заремэ.

Семинарым къыщыгущыIагъэхэр:

— Врач эпилептологэу, неврологэу, неврологическэ клиникэу EPILEPSY CENTER зыфиIорэм испециалист шъхьаIэу Александр Головтеевыр, лекциеу «Эпилепсия: классификация, диагностика и лечение» зыфиIорэм къеджагъ.

— ШIэныгъэ IофшIакIоу, нейрохирургиемкIэ Лъэпкъ Медицинскэ Ушэтын гупчэу Н.Н. Бурденкэм ыцIэ зыхьырэм иврач нейрохирургэу, медицинэ шIэныгъэхэмкIэ кандидатэу Дмитрий Копачевыр, лекциеу «Хирургия эпилепсии у детей и взрослых» зыфиIорэм къеджагъ.

— Шъолъыр общественнэ организациеу «Врачмэ я Хасэ» итхьаматэу, медицинэ шIэныгъэхэмкIэ докторэу, псауныгъэр къэухъумэгъэнымкIэ Москва и Департамент штатым хэмыт кIэлэцIыкIу специалистэу Жанна Семеновар лекциеу «Посттравматические судороги. Современные рекомендации» зыфиIорэм къеджагъ.

— Псауныгъэр къэухъумэгъэнымкIэ Москва и Департамент кIэлэцIыкIу хирургиемрэ травмотологиемрэ я ШIэныгъэ-ушэтын институт иврач психиатр-нейропсихиатрэу, медицинэ шIэныгъэхэмкIэ кандидатэу Юлия Сидневар лекциеу «Контроль пароксизмальных состояний в условиях реабилитации после ТЧМТ» зыфиIорэм къеджагъ.

Эпилепсием еIэзэгъэнымкIэ шIэныгъэу щыIэхэм куоу алъыIэсынхэмкIэ студентмэ амал дэгъухэр мы семинарым къаритыгъэх.

Университетым ихьакIэхэр Мыекъопэ къэралыгъо технологическэ университетым иректорэу Къуижъ Саидэ IукIагъэх, апшъэрэ еджапIэмрэ Шъолъыр общественнэ организациеу «Врачмэ я Хасэрэ» тапэкIэ зэрэзэдэлэжьэщтхэм атегущыIагъэх.