Конференцием хэлэжьагъэх Мыекъопэ къэралыгъо технологическэ университетым истудентхэр, магистрантхэр, аспирантхэр ыкIи шIэныгъэлэжьхэр.

Я VI-рэ Дунэе шIэныгъэ-практическэ конференциер гъэсэныгъэм ыкIи наукэм иупчIэ шъхьаIэхэм афэгъэхьыгъагъ. Непэрэ наукэм гумэкIыгъоу къыфыкъокIыхэрэм ядэгъэзыжьынкIэ шIыкIэу къафэбгъотын плъэкIыщтхэм, шIэныгъэлэжьхэмрэ гъэсэныгъэмрэ зэпхыныгъэу яIэхэм ягъэпытэн, гъэхъагъэу ашIыгъэхэм атегущыIагъэх.

Стандартизацием, метрологием ыкIи товарнэ экспертизэм якафедрэ секциеу зэрищагъэм итемагъэр: «Пхъэшъэхьэ-цумпэ ыкIи Темыр-Кавказым къыщыкIрэ уц лъэпкъхэр алкоголь зыхэмылъ бальзамхэм яшIынкIэ зэрэбгъэфедэшъущтхэр». ШIэныгъэ проектым иапэрэ едзыгъоу агъэцэкIагъэм зэфэхьысыжьэу фэхъугъэхэр шIэныгъэ-ушэтын зэнэкъокъум къыщыхахыгъэх. Конференцием хэлажьэхэрэр тегущыIэнхэу мыщ фэдэ докладхэр къыхахыгъэх: «Алкоголь зыхэмылъ бальзамхэм маркетинговэ уплъэкIунхэр ябэдзэр щышIыгъэнхэр, Адыгэ Республикэм щыIуагъэкIыхэрэр», «Эфир зыхэт дагъэмэ бальзам ахэшIыкIыгъэнымкIэ амалэу щыIэхэр, ахэмэ яшIуагъэ къэкIоу гъэпсыгъэнхэр», «Исследование возможности применения современных методов ультразвуковой экстракции при обработке растительного сырья», «Изучение фенольных соединений растительного сырья» зыфиIохэрэр ыкIи нэмыкIхэр.

Джащ фэдэу конференцием иIофшIэн къыдыхэлъытагъэу секциеу «Разработка рецептуры и технологии соков и сокосодержащих напитков профилактической направленности для регионов с неблагоприятной экологической ситуацией на основе растительного сырья Республики Адыгея» зыфиIорэм зэхэсыгъо иIагъ. секцием иIофшIэн хэлэжьагъэх профессорскэ-кIэлэегъэджэ купэу технологиехэм, машинэхэм ыкIи гъомлапхъэм икъыдэгъэкIынкIэ агъэфедэрэ Iэмэ-псымэхэм якафедрэ щылажьэхэрэр. Ахэм къыхагъэщыгъ мыщ фэдэ шъонхэр витаминхэмкIэ, минералхэмкIэ, антиоксидантхэмкIэ зэрэбайхэр, цIыфым ипкъышъол зэрагъэпытэрэр, тыкъэзыуцухьэрэ дунаим зэрарэу къыхьрэм зэрэщаухъумэхэрэр. Шъолъырхэу псы къабзэ зимыIэхэмкIэ ащ фэдэ шъонхэр хэкIыпIэ дэгъу мэхъух. ПсыIэшIухэм федэ къэзытрэ компонентхэмкIэ агъэбаигъэх, микрофлорэр нахьышIу ашIы, джащ пае цIыфхэм япсауныгъэ къэухъумэгъэнымкIэ ыкIи пэшIорыгъэшъэу узхэм ябэныгъэнымкIэ ушэтынхэр лъыгъэкIотэгъэнхэ фае.

Экологическэ факультетым секцием изэхэсыгъоу «Тыкъэзыуцухьэрэ дунаир къэухъумэгъэнымкIэ гумэкIыгъоу щыIэхэр, непэрэ техносферэр пштэмэ, псауныгъэр къэзгъэнэжьрэ щынэгъончъэ Iофыгъохэр» зыфиIорэр зэхищагъ. Ащ изэхэщэкIуагъ ыкIи къыщыгущыIагъ экологием ыкIи тыкъэзыуцухьэрэ дунаим икафедрэ ипрофессорэу, биологие шIэныгъэхэмкIэ докторэу Галина Коноваловар.

Экологием ыкIи цIыфым ищынэгъончъагъэ епхыгъэ упчIэхэр непэрэ техночферэр къыдэплъытэмэ, нахь мэхьанэ яIэу мэхъу. Къэралыгъо политикэр зыфэгъэзагъэр лъэпкъ проектэу «Экологием» игъэцэкIэн. Тиуниверситет ишIэныгъэ сообществэ а Iофым чанэу хэлажьэ ыкIи цIыфхэм яшIэныгъэ мы лъэныкъомкIэ хэгъэхъогъэным иIахьышхо хелъхьэ. ШIэныгъэлэжьхэм афэшъхьафэу ныбжьыкIэхэри зэхэсыгъом къыщыгущыIагъэх. НыбжьыкIэ ушэтакIохэм нахьыбэрэмкIэ ашIогъэшIэгъоныр экологическэ ыкIи техногеннэ Iофхэр, мэшIогъэкIосэ къулыкъур, экологическэ ыкIи промышленнэ щынэгъончъэныр ыкIи нэмыкIхэр.

Докладыбэ фагъахьыгъ биозэфэмыдэныгъэм, къэкIырэ лъэпкъхэм, къалэхэр зэрэзэтегъэпсыхьагъэхэм. УплъэкIунэу ашIыгъэхэм къагъэлъэгъуагъэхэм яшIуагъэкIэ шIэныгъэ лъэныкъуабэу зэлъаубытхэрэмкIэ шIыкIэхэр къагъотынхэ алъэкIыгъ, IофыгъуакIэхэр рахъухьагъэх.

Джащ фэдэу зэхэсыгъоу «Юридическэ шIэныгъэм фэгъэхьыгъэ упчIэ шъхьаIэхэр» зыфиIорэр кIуагъэ. Административнэ ыкIи уголовнэ правэм икафедрэ секциер щызэхащагъ. ЮриспруденциемкIэ упчIэу къэуцухэрэм игъэкIотыгъэу атегущыIагъэх, зэхэгущыIэжьыгъэх, шIэныгъэу аIэкIэлъхэмкIэ зэхъожьыгъэх. ЗэкIэмэ анахь доклад гъэшIэгъонэу алъытагъ Елена Курбановам къышIыгъэр. Ащ зэреджагъэр: «Цифрэ технологиехэр бзэджашIэхэр къычIэгъэщыгъэнхэмкIэ зэрагъэфедэхэрэр».

Информационнэ щынэгъончъэнымкIэ ыкIи информатикэмкIэ кафедрэм секциеу зэхищагъэр зыфэгъэхьыгъэр «Цифрэ ыкIи интеллектуальнэ системэр» ары. Кафедрэм ипащэр Цундышк Вячеслав.

Секцием щытегущыIагъэх пилот зэрымысхэр зэрагъэIорышIэхэрэм, искусственнэ екIолIакIэу ащ фыряIэм, пэIудзыгъэу зэрагъэфедэрэм. Iофтхьабзэм дунэе мэхьанэ зэриIэр къэзгъэшъыпкъэжьрэр ащ Узбекистан и Астрономическэ институт зэрэхэлэжьагъэр ары, темэу къызэрекIолIагъэр: «ШIэныгъэ-гъэсэныгъэ обсерваториехэу пэIудзыгъэ телескопхэмкIэ агъэлажьэхэрэмэ янеущрэ мафэ зыфэдэщтыр».