ЖъоныгъуакIэм и 9-р — ЛIыхъужъыгъэу ныбжьи ащымыгъупшэщтыр!
МэфэкIышхом ехъулIэу — ТекIоныгъэм и Мафэу советскэ народым Хэгъэгу зэошхом къыщыдихыгъэмкIэ ветеранхэм афэгушIуагъэх.
Адыгэ Республикэм и Къэралыгъо Совет-Хасэ идепутатэу, МКъТУ-м иректорэу Къуижъ Саидэ ыцIэкIэ Мыекъопэ къэралыгъо технологическэ университетым истудентхэм шIухьафтынхэмрэ шIэжь открыткэхэмрэ заом илIыхъужъхэм аратыгъэх.
МэфэкIэу къэблагъэрэмкIэ студентхэр ветеранмэ афэгушIуагъэх, псауныгъэ пытэ, мамыр щыIакIэ, гушхуагъэ яIэнхэу афэлъэIуагъэх. Ветеранхэр ягукъэкIыжьхэмкIэ студентхэм къадэгощагъэх, заом игъогу фыртынэхэр зыфэдагъэхэм ягугъу къафашIыгъ, лIыхъужъыгъэу зэрахьагъэхэм ащагъэгъозагъэх.
ШъхьэкIэфэныгъэшхо афэтшIызэ тикъэралыгъо иветеранхэм тафэгушIо, лIыхъужъыгъэу ыкIи псэемыблэжьыгъэу зэо илъэсхэм зэрахьагъэхэм афэшI тафэраз, тинепэрэ ыкIи къыткIэхъухьащт лIэужхэм апае ашIагъэр зэхэтэшIыкIы.