«Сервис» зыфиIорэ лъэныкъомкIэ апэрэу МКъТУ-р къэзыухыхэрэм яIофшIагъэхэр къаухъумагъэх
Непэ Мыекъопэ къэралыгъо технологическэ университетым чIатIупщыхэрэм яквалификационнэ IофшIэнхэр къыщаухъумагъэх, лъэныкъоу «Сервисыр ыкIи псэупIэ-коммунальнэ хъызмэтыр гъэIорышIэгъэныр» зыфиIорэр ары ушэтынхэр зэратыгъэхэр.
Мы программэм пшъэрылъэу иIэр IэпэIэсэныгъэ ин зыхэлъ специалистхэр гъэхьазырыгъэнхэр ары. Сервисым иорганизациехэм ыкIи псэупIэ-коммунальнэ хъызмэтым Iоф ащашIэным фэхьазырхэу къычIэтIупщыгъэнхэр, нэмыкIхэм янэкъокъушъунхэу щытынхэр ащ къыделъытэ. Студентмэ яIофшIагъэхэр къаухъумэхэ зэхъум шIэныгъэ куухэр къагъэлъэгъуагъэх, ау ащ дакIоу яшIоигъоныгъэхэр зэрэпхырагъэкIышъущтхэр, япшъэрылъхэм зэрафэкIошъущтхэр къаушэтыгъ. Ахэр зэкIэ неущрэ мафэм къащышъхьэпэжьыщтых.
Къыхэгъэщыгъэн фае, псэупIэ-коммунальнэ хъызмэтым лъэпкъ экономикэм чIыпIэу щиIыгъыр. Ар лъэныкъуабэ къызэдэзыубытрэ сферэу щыт, цIыфхэм ящыIэкIэ-псэукIэ нахьышIу шIыгъэным фэIорышIэ. ПсэупIэ ыкIи коммунальнэ чIыпIэхэм къащегъэжьагъэу зыщыпсэухэрэ псэуалъэхэм анэсыжьэу ар ахэщагъ.
Тиапшъэрэ еджапIэ къычIитIупщыхэрэм зэкIэм ащ фэдэ гъэхъэгъэшхохэр зэрашIыгъэхэм фэшI тафэгушIо, магистратурэм яеджэн щылъагъэкIотэнэу тыкъяджэ, ащ джыри нахь амалышхохэр къытыщтых!