МКъТУ-м истуденткэ Урысые зэнэкъокъум щытекIуагъ!
Мы мафэхэм Орловскэ къэралыгъо мэкъу-мэщ университетэу Н.В. Парахинэм ыцIэ зыхьырэм Урысые шIэныгъэ-практическэ форумэу «Изучение современных научно-методических основ формирования устойчивых ландшафтов в урбанизированной и природной средах» зыфиIорэр щыкIуагъ.
Форумым къыдыхэлъытагъэу Мыекъопэ къэралыгъо технологическэ университетым «Ландшафтнэ архитектурэр» зыфиIорэ лъэныкъом щеджэрэ Юлия Разгоняевар зэнэкъокъум хэлэжьагъ, проект-лъэтегъэуцоу «Уцышъо къалэхэр» зыфиIорэр ары ащ зыкъызщигъэлъэгъуагъэр, темэр МКъТУ-м имедицинскэ кампус гъэкIэрэкIэгъэным фэгъэхьыгъагъ. Зэфэхьысыжьхэр зашIыхэм, Юлие я II-рэ степень зиIэ дипломыр къыфагъэшъошагъ, ар Урысые зэнэкъокъум «Уцышъо къалэхэм» япроект-лъэтегъэуцохэмкIэ текIуагъэхэм ащыщ хъугъэ.
ПооектитIури гъэцэкIагъэ хъунымкIэ ащ пащэу иIагъэр, доцентэу, мэкъу-мэщ шIэныгъэхэмкIэ кандидатэу Наталья Трушевар ары.
Тыгу къыддеIэу проектым ипащи студенткэми тафэгушIо, тапэкIи фэдэ текIоныгъэхэр къыдахынхэу тафэлъаIо!