Мыекъопэ къэралыгъо технологическэ университетым и «Точка кипение» ныбжьыкIэ проектхэу «Уигухэлъ факIу» зыфиIоу ригъэкIокIыхэрэм и Урысые зэнэкъокъу ифиналистхэр щызэIукIагъэх, яIофшIагъэхэр осэшIмэ апашъхьэ аралъхьагъэх.

ГъэсэныгъэмкIэ Урысыем и Министерствэ иинтеллектуальнэ зэнэкъокъухэм я Сатыр илъэсих хъугъэу мы проектыр хахьэ, гъэсэныгъэ-зэнэкъокъу программэу щыт, лъэныкъо пэпчъ эксперт пэрытмэ мастер-классхэр щызэхащэх.

Урысыем ишъолъыр 11-мэ якомандэ 200-м ехъумэ заявкэхэр къатыгъэх мыщ хэлэжьэнхэу, финалым командэ 62-рэ ихьагъэр. Ахэмэ ащыщых Адыгэ Республикэр, Воронежскэ, Новгородскэ, Саратовскэ, Тульскэ, Пензенскэ хэкухэр; Краснодар краир, Москва, Удмуртиер.

Зэнэкъокъум иоператорэу Мыекъопэ къэралыгъо технологическэ университетым щыIэр МКъТУ-м и «Точка кипение» икоманд ары. Зэнэкъокъоу «Уигухэлъ факIу» зыфиIорэм ипащэр МКъТУ-м и «Точка кипение» ипрограммнэ пащэу Светлана Новиковар, зэнэкъокъум именеджерыр ТК-м иадминистраторэу Мария Тамахинар ары.

ОсэшIхэм ахэтыгъэх: маркетингымкIэ, сервисымкIэ ыкIи зекIонымкIэ кафедрэм идоцентэу, МКъТУ-м и «Точка кипение» ипрограммнэ пащэу Светлана Новиковар; сэнэхьатхэм якъыхэхын ыкIи апшъэрэ еджапIэм чIэхьащтхэм ягъэхьазырын Гупчэ ипащэу Олег Франко; МКъТУ-м и Студенческэ научнэ обществэ ипащэу Надежда Продиблох; экологическэ факультетым идеканэу Галина Коноваловар; АСИ-м иметодологиеу «Сервис-дизайным» иэкспертэу Анастасия Нетребинар; МКъТУ-м и Медицинскэ институтым ипащэ игуадзэу, физиологиемрэ патологиемрэ якафедрэ идоцентэу Дмитрий Муженя; МКъТУ-м имединститут истуденткэу София Овсянниковар.

Командэмэ мыщ фэдэ лъэныкъохэмкIэ япроектхэр къагъэлъэгъуагъэх: «Предпринимательствэр»; «Псауныгъэр».

Мы мафэм экспертхэр къин хэтыгъэх, анахь дэгъур къыхэпхыныр Iофыгъо псынкIэу щытыгъэп.

Ау щытми, ныбжьыкIэ зэнэкъокъоу «Уигухэлъ факIу» зыфиIорэм щытекIуагъэхэр къыхагъэщыгъэх.

Лъэныкъоу «ПсауныгъэмкIэ» дипломхэр зыфагъэшъошагъэхэр:

Илъэс 14-18-рэ зыныбжьхэр зыхэт купхэр:

— Фестивалэу «Йодымрэ селенымрэ цIыфым ипсауныгъэ зэрехъулIэхэрэр ушэтыгъэныр» — I-рэ степень зиIэ дипломыр;

— Цэ псаухэр — гъэхъагъэ пшIыным ылъапсэх (упсаоу ущхышъуныр) — я 2-рэ степень зиIэ дипломыр;

— Псауныгъ — джары дэхагъэр — я 2-рэ степень зиIэ дипломыр;

— Тэ — псауныгъэм икъэухъумэн тыфэбанэ! — я 2-рэ степень зиIэ дипломыр;

— Пкъышъол псаум — гушъхьэ псау иI — я 3-рэ степень зиIэ дипломыр;

— Пенсионерхэм яфизическэ ыкIи психологическэ псауныгъэ кружокхэр афызэхапщэхэзэ уафэсакъыныр — я 3-рэ степень зиIэ дипломыр.

Илъэс 19-25-рэ зыныбжьхэр:

— «Тызэгъусэхэу псауныгъэм инеущрэ мафэ къыдэтэхы!» —

I степень зиIэ дипломыр;

— Щынэгъончъэ зэгохьэныгъэр. Контрацепцие иметодхэр — я 2-рэ степень зиIэ дипломыр;

— Унагъор — я 3-рэ степень зиIэ дипломыр;

— ХэушъхьафыкIыгъэ медицинскэ IэпыIэгъухэр —превентивнэ медицинэм ишъуаш — я 3-рэ степень зиIэ дипломыр;

Лъэныкъоу «Предпринимательствэр» зыфиIорэмкIэ дипломхэр зыфагъэшъошагъэхэр:

Илъэс 14-18-рэ зыныбжь купхэр:

— «Творческэ мастер-классхэу Аура» — I степень зиIэ дипломыр;

— «Предпринимательскэ IофшIэнымкIэ кIэлэеджакIохэм ятворческэ екIолIакIэ хэхъоныгъэхэр егъэшIыгъэнхэр — я 2-рэ степень зиIэ дипломыр;

— «АльбатросымкIэ» круиз пшIыныр — я 2-рэ степень зиIэ дипломыр;

—Карьерэу «Кирпичнэр» (пос. Инэм) укъэбзыгъэныр, ащ зыгъэпсэфыпIэ чIыпIэу ЭкоОтдых щызэхэщэгъэныр — я 3-рэ степень зиIэ дипломыр;

— Уцышъо хэкI угъоилъ — я 3-рэ степень зиIэ дипломыр;

— Адыгеим икъушъхьэхэм зыгъэпсэфыпIэ базэ ащыгъэпсыгъэныр, ащ фэшI бизнес-планыр зэхэгъэуцогъэныр — я 3-рэ степень зиIэ дипломыр;

Илъэс 19-25-рэ зыныбжь купхэр:

— «Георадиолокационнэ аппаратнэ-программнэ комплексыр» —

I степень зиIэ дипломыр;

— «ГъэшхэкIыгъэ Чэтыу» — я 2-рэ степень зиIэ дипломыр;

— Хьадэм ифэIо-фашIэхэр зыгъэцакIэрэ агентствэу «Хатико» — я 2-рэ степень зиIэ дипломыр;

— Пхъэм хэшIыкIыгъэ пкъыгъохэм яIугъэкIын епхыгъэ бэдзэрыр зэхэщэгъэныр — я 3-рэ степень зиIэ дипломыр;

ТекIоныгъэ къыдэзыхыгъэмэ тафэгушIо! Джыри нахь лъэгапIэхэм анэсынхэу, ягухэлъхэр щыIэныгъэм щыпхыращынхэу тафэлъаIо!

Шъугу къэдгъэкIыжьын, текIоныгъэ къыдэзыхыгъэхэм ыкIи апэрэ чIыпIищмэ ахэфагъэхэм ЗыкI ушэтынхэм къащахьырэ баллхэм джыри 10 ыкIи 8 афыхагъэхъощт, МКъТУ-м чIэхьанэу къыхахымэ ары.

Ащ фэшъхьафэу, текIоныгъэ къыдэзыхыгъэхэм якъэбархэр фондэу «Сэнаущыгъэр ыкIи гъэхъагъэхэр» зыфиIорэм IэкIагъэхьащтых, ащ ишIуагъэкIэ Урысые Федерацием и Президентэу Владимир Путиным грантэу къытыхэрэмэ ахэфэнхэ алъэкIыщтых.